Joshua 10:30 - ŊWÀʼ NYÙY

³⁰ Nyùy Tàr nèn kfə̀n wày fó wùn à fòn wov e wír veé Israyí wo. Joshua teè fó, e laàr wir dzə̀m fo fo, e làa yòʼ ber wír, e yiì e fòn wov mo wù‑uù yiìn e fòn woó Jeriko.

Joshua 10:30 Iomraidhean Croise

2 Afòn 10:11

Jehu nèn yùyrí wír ve vé‑eè berin fo Ahav ram é Jesreel adzə̀m, e kfə̀n yùyrí wír Ahav ve tavkíné adzə̀m wùn à ŋkar sə́ sé tim sí, aàtàá cù vəə́. Wù ku yùyrí bèy, e dù mèé mo wìr Ahav e dzə̀m‑eè màyìn.

Kintaŋ 32:22

Lóo dzə, a nsay sí néŋ e wun sar, é vèn nèn kfə̀nkír, e bòy fo Nyùy Tàr, à fo wír veé Israyí wo, é nsay rə̀n nèn a dzə vitsə́ʼ vén ve Nyùy Tàr foon e vèn.

Remrí 2:33

Sí màʼ, Nyùy Tàr woo Nyùy wòsən wáy áwune e vèsə́n kiwo, vèsən tòn wun, e tòn wón və́, à wír vəə́ adzə̀m.

Remrí 7:2

Wíy lóo dzə, a Nyùy Tàr woo Nyùy won wáy ne áwune e věn kiwo, vèn tonè, bo vèn kér fóo laàr ŋkuuŋkùŋ. Lá vèn yòʼ wìy gwàr *mensaŋ vèn áwune. Lá vèn yòʼ wìy rə̀r mendzən mev féyì feyì.

Joshua 10:28

Joshua nèn tòn ŋkàlaʼ yee Makkeda e kishiíy fóo fèy, e yùyrí fon woo fó, e laàr wir dzə̀m fo fo ŋkuuŋkùŋ, e làa yòʼ ber wír. Wù kù‑uù yiì e fòn woó Makkeda mo wù‑uù yiìn e fòn woó Jeriko.

Joshua 10:29

Joshua wùn à shúu rər woó Israyi nèn lò fo Makkeda, e dù e Libna, e tàm wùn áwune.

Joshua 10:31

Kee shoon ki shaà, Joshua wùn à shúu rər woó Israyi lò fo Libna, e dù, e gàŋ Lakish, wùn áwune tám.

Joshua 11:12

Joshua tòn ŋkà se laʼ sìy sidzə̀m wùn aàfon véví, e yùyrí wir dzə̀m, e laàr fó láarin réŋréŋ mo Mooser woo ŋgaà lìm Nyùy Tàr‑iì yòŋèn ji á kù wíy yiì.

Joshua 12:15

fon woó Libna, fon woó Adullam,

Joshua 8:24

Mo wír veé Israyi màysìn, e yùyrí vilum veé Ay e kirə̀ʼ ké woʼ kí e ŋgèŋgèr fo wír veé Ayi‑iì jùmèn áwune, e dù sho, wír veé Israyi nèn kfə̀n é bàm é ŋkàlaʼ, e màysì, e yùyrí kibér ke wìr ke kí‑iì dzəə̀n fó.

Joshua 8:29

Yii bèy, Joshua sə́ŋ fon woó Ay e kici, wù wáa səŋ fo e meé e ŋkuùr. Shùy lòo nəə́, wù yòŋ, á kér fó fo, e dù màʼ e shùu kày wo wú nəə e ŋkàlaʼ, e kùʼtí kikfə́r ke tiy é kitu wo, a kí kù dzə̀ə́ fo e shem lán.

Joshua 9:3

Yii bèy, wír veé ŋkàlaʼ Gibeone yú mo Joshua lovtin e Jeriko wùn à Ay,