Joshua 10:3 - ŊWÀʼ NYÙY

³ Fòn Adonisedek nèn tsə̀nsí ntum e Hoham woo fon woó Hebron, e kfə̀n tsə̀nsí e Piram woo fon woó Jarmut, e tsə̀nsí e Jafia woo fon woó Lakish, e tsə̀nsí e Debir woo fon woó Eglon, e yòŋ jii,

Joshua 10:3 Iomraidhean Croise

Kèʼlo 23:2

Wù‑uù kpù é wòŋ Kanan, e kirə̀ʼ ke á yoŋ ji Kiriat‑Arba, a dzə̀ lán ji Hebron. Abraham wáa toŋ, a dìy kpú rə́.

Kèʼlo 37:14

Tàr wov suúy shó jii, «Ku dù, e lèéy ji afə́r vé wùn à nyám si sà dzə̀ é kwaʼ kijuŋ a, e wìy, e sùúy e mò.» Wù nèn tùm wun fo mboʼ Hebron foo fèy, wù wáa dù e Shekem.

2 Samuel 2:11

Davir‑iì sàʼ wír veé Juda viyá saàmbà e ŋwee ntuùfú, a wù dzə́ e Hebron.

2 Afòn 18:14

Fòn Hesekiya woó Juda tsə́nsí ntum e fòn woó Assiriya e Lakish jii, «M yiì ne kibí. Kii wò, ku fəə̀ fo mǒ nsay, é m fó wò kifá ke à taʼ ji m fó.» Fòn woó Assiriya nèn dzə̀r *kisha ke mbàm ke fəvír kí akilu nsə̀kì ghvə̀m, e dzə̀r ke baar kí akilu nsə̀kì.

2 Afòn 18:17

Fòn woó Assiriya nèn lò kfə́, e tsə̀nsí amfòómé və́ ataár wùn à vé rərí agháʼán fó Lakish ji á du á e Jerusalem, e nə̀ə́ a Fòn Hesekiya e rə́r sí. Á kóʼ, e mèé e Jerusalem, e tìím e nshwǎn ndzəv wo wú sə́y fo kisə̀m kee fó kùy, a wú dzə̀ é ghaa dzəə ye yì du e kirə̀ʼ kee fo á yii su ndzə̀y.

2 Wòŋ 11:9

Adorayim, Lakish, Aseka,

Jeremia 34:7

Wù‑uù tiísi, a vé rə́r fòn woó Babilone nəə́ ne fó e rə́r sí, sí wáa màʼ, e kù a màʼ sa e Lakish, a màʼ e Aseka, a dzə̀ vikum ve ŋkà se laʼ seé Juda se sí‑iì jòʼsìn là ton.

Mayka 1:13

Ven vee wír veé Lakish, vèn báʼtí nyám se sí səŋ *viténtén vé rər sí. Kù‑uù yiì ven, é bo wír veé Jerusaleme jáy kinyo. Yì‑iì tòmbìy bìʼnìn ven vinyo ve bi vé wìr veé Isray Kùy.

Kintaŋ 13:22

A vé‑eè lò, e kòʼ é Negev, e nèn wìy e Hebron. A Hebron‑eè sì ŋkàlaʼ yee fó ŋgùʼ, a vé‑eè bòm, viyá vi shaà saàmbà, bo á wìy bom Tsoan woó Ejiv. Á meé fó, e yèn viŋgáʼ ve wìr veé kfəə Anak, aá dzə̀ rám sitaár, yé Ahiman wùn à yé Sheshayi, e lì yé Talmay.

Joshua 10:1

Adonisedek woo fon woó Jerusalem yú mo Joshua tònèn Ay, e laàr fó láarin e dzə̀m, e yiì e Ay wùn à fòn woo fó mo wù‑uù yiìn e Jeriko wùn à wóov woo fon. Wù kfən yù sá ji wír veé Gibeone tàr á ne shuu wùn à wír veé Israyi, a dzə aáwuné mvəm.

Joshua 10:23

Á nèn yiì bèy, e fə̀ə́r afon vee atàn vìy fo mbvə̀ʼ, e wìy yèn wun sho. Afon vee ji fon woó Jerusalem wùn à woó Hebron, à woó Jarmut, à woó Lakish, e lì woó Eglon.

Joshua 10:34

Joshua wùn à shúu rər woó Israyi lò fo Lakish, e dù, e gàŋ Eglon, e taàmé áwune e rə́r sí, sí tsəə́m.

Joshua 10:5

Afon veé Amor vee atàn vìne nèn bàʼtí shuu sév sé rər, e dù gìŋ Gibeon, e taàmé áwune e rə́r sí. Kù‑uù dzə̀ afon vee jii, woó Jerusalem wùn à woó Hebron, à woó Jarmut, à woó Lakish, à woó Eglon.

Joshua 14:15

A vé‑eè yoŋ Hebron fo ŋgùʼ ji Kiriat‑Arba, a dzə̀ jii, Ntèʼ Arba. Arba və̀n‑eè dzə̀ wír wo tavín e wír vee Anakí mvəm. Á bèy, rə́r sí nèn mày fo nsay foo fèy, nyaáŋ wáa dzə fo.

Joshua 15:54

Humta, Kiriat‑Arba wo dzəə̀n Hebron, e lì Siyor. Ŋkà se laʼ bvə̀ʼə̀, e bóo lì ntèʼ sév.

Joshua 15:63

Yii bèy, la wír veé Judàa yòʼ yù fóo jùm wír veé Jebus ve vé‑eè dzə́ e Jerusalem, e fəə́r. Wír veé Jebusi ku nèn a dzə wùn à wír veé Judàa é Jerusalem e shem lán.

Joshua 18:28

Tsəla, Ha‑Elev, Jebus a dzə̀ ji Jerusalem, Gibea, e lì Kiriat‑Jearim. Ŋkà se laʼ nshòv sikweè e ghvə̀m wùn à ntèʼ sév sí. Á ŋkà se laʼ se rám Benjamin mo kfə́ə sév sí dzə̀kìn.