Joshua 10:28 - ŊWÀʼ NYÙY

²⁸ Joshua nèn tòn ŋkàlaʼ yee Makkeda e kishiíy fóo fèy, e yùyrí fon woo fó, e laàr wir dzə̀m fo fo ŋkuuŋkùŋ, e làa yòʼ ber wír. Wù kù‑uù yiì e fòn woó Makkeda mo wù‑uù yiìn e fòn woó Jeriko.

Joshua 10:28 Iomraidhean Croise

Nsùyrì Nyùy 110:1

Nyùy Tàr‑iì sùúy e tàr wor jii, «Dzə̀ʼə̀m e mǒ koy yìyí, e meé e ghan se m wíy neèr aŋgaà vé vibàn e wò si, áà tiír wuú yé sho.»

Ŋwàʼ Luk 19:27

Á bèy lèn, fo aŋgaà vém vibàn ve vé‑eè tén fo m wáa saʼ áwune, vèn wiy shó lèn, e yùyrí e mǒ si.› »

1 Korin 15:25

A wun woo Kristu kù wíy tòmbìy a saʼ, e dù, e meé e ghan se Nyùy wíy màʼrì aŋgaà və́ vibàn adzə̀m, é wù tiír wuú rə́ é kitu wo.

Remrí 2:34

Vèsən‑eè sùm fó, e tòn ŋkà se laʼ sə́ sidzə̀m e ghan fóo fèy, e laàr vilum wùn à vikìy, à wóné, la kintiʼ ke wìr ki yòʼ bèr.

Remrí 7:16

Vèn wíy laàr wir dzə̀m wo Nyùy Tàr woo Nyùy won wayin e věn kiwo. Lá vèn yòʼ wìy rə̀r mendzən fo áwune, e bàvtí. Lá vèn yòʼ wìy a ghvəm anyùy vév, bìʼ fo kee shooy ki dzəə̀n kitám ke dzə̀ vèn lì shó.

Remrí 7:2

Wíy lóo dzə, a Nyùy Tàr woo Nyùy won wáy ne áwune e věn kiwo, vèn tonè, bo vèn kér fóo laàr ŋkuuŋkùŋ. Lá vèn yòʼ wìy gwàr *mensaŋ vèn áwune. Lá vèn yòʼ wìy rə̀r mendzən mev féyì feyì.

Joshua 10:30

Nyùy Tàr nèn kfə̀n wày fó wùn à fòn wov e wír veé Israyí wo. Joshua teè fó, e laàr wir dzə̀m fo fo, e làa yòʼ ber wír, e yiì e fòn wov mo wù‑uù yiìn e fòn woó Jeriko.

Joshua 10:32

Nyùy Tàr nèn wày Lakish e wír veé Israyí wo, wùn áwune tám vishiíy vibaà, Isray tòn, e teè wir dzə̀m woo fó mo vé‑eè yiìn e Libna.

Joshua 10:35

Á ku nèn màʼ rə́r bey, Isray tòn ŋkàlaʼ yee shooy e kishiíy fóo fèy, e laàr wir dzə̀m láarin, kù mo vé‑eè lovtin e Lakish.

Joshua 10:37

e tòn áwune, e yùyrí wir dzə̀m, à fòn wov. Wù tòn sa ŋkà se laʼ seé Hebron see fó ghaŋ sidzə̀m, e yùyrí wír vee fó adzə̀m, la wìr yòʼ gòʼ. Wù kù‑uù lòvtí shó réŋréŋ mo wù‑uù lovtin e Eglon. Wù‑uù laàr fó ŋkuuŋkùŋ, la wìr yòʼ bèr.

Joshua 10:39

e tòn wùn à fòn wov. Á kfən tòn sa ŋkà se laʼ sév sidzə̀m, e laàr wir dzə̀m ŋkuuŋkùŋ, la wìr yòʼ bèr. Joshua‑aà lòvtí e Debir réŋréŋ mo wù‑uù lovtin e Hebron, e lòvtí e Libna wùn à fòn wov.

Joshua 12:15

fon woó Libna, fon woó Adullam,

Joshua 12:16

fon woó Makkeda, fon woó Betel,

Joshua 15:41

Gederot, Bet‑Dagon, Naama, e lì Makkeda. Ŋkà se laʼ sìn si wáa dzə nshòv ntuùfú e ghvə̀m, e bóo lì ntèʼ sév.

Joshua 6:21

Mànjòŋ nèn laàr kifá kidzə̀m keé ŋkàlaʼ e nyùy rə̀r, kifá kidzə̀m moo vilum wùn à vikìy, à wánlè, à ŋgàywìr, à nàʼ, à njiì, à vimbèʼbìy ví.

Joshua 8:2

À yíi lovtí e fòn woó Ay wùn à wír vəə́ réŋréŋ mo wò‑oò lovtin e fòn woó Jeriko wùn à və́ vee wíri. Yii bèy, à yíi lì lèn kéŋ yév wùn à nyám sév sí ji nshwì wó. À yíi baʼtí wír ámóʼó, aá laáy laayín é bǎm ŋkàlaʼ.»

Joshua 9:3

Yii bèy, wír veé ŋkàlaʼ Gibeone yú mo Joshua lovtin e Jeriko wùn à Ay,