Joshua 10:27 - ŊWÀʼ NYÙY

²⁷ Shùy lòo toŋrí, Joshua sáʼ, á sə́ʼə́r dzə́n sév fó vici fey, e màʼrì e mbvə̀ʼ fo áwune‑eè laayin. Á màʼrì bèy, e nèn sə̀tí shúu mbvə̀ʼ e vilán vi, a ví kù dzə̀ə́ fo e wìy to lán.

Joshua 10:27 Iomraidhean Croise

2 Samuel 18:17

Á nèn shòʼ dzə́n Absalom, e màʼ e bii wo shoóné é kòv, e sə̀tí e kikfə́r ke tiy kí. Wír veé Isray adzə̀me nèn a nyeŋkír, a dù aáwuné melav.

Joshua 4:9

Joshua kfən tàʼ tíy yímóʼó nshòv sibaà e ghvə̀m, e tùúy e kirə̀ʼ fo atàá cùu‑uù tíy e ndzəv, kér ŋkùv mensàŋ. A tíy sin si kù dzəə́ tíy fo e shem lán.

Joshua 7:26

Á màysì, e nèn fùm vilán e wun kitu, a ví dzə̀ə́ fo e shem lán. Áwune yiì bèy, Nyùy Tàr nèn yàr kilòŋ ke shwiiyín kí. Kèʼ fo ghan fóo fèy, á nèn kù a yòŋ kirə́ʼ kee shooy ji Kiwoóy ké Akor, a dzə̀ ji Kiwoóy ké Lòn.

Joshua 8:29

Yii bèy, Joshua sə́ŋ fon woó Ay e kici, wù wáa səŋ fo e meé e ŋkuùr. Shùy lòo nəə́, wù yòŋ, á kér fó fo, e dù màʼ e shùu kày wo wú nəə e ŋkàlaʼ, e kùʼtí kikfə́r ke tiy é kitu wo, a kí kù dzə̀ə́ fo e shem lán.