Joshua 10:25 - ŊWÀʼ NYÙY

²⁵ Joshua nèn kfə̀n sùúy aáwune jii, «Lá vèn yòʼ a fàn, lá vèn yòʼ a weèy. Vèn kúr a dzə̀ tímé, e wày ŋàŋ. Á mo Nyùy Tàr yíi yiì bèy, e vé vibàn véné adzə̀m ve vèn áwune funènè.»

Joshua 10:25 Iomraidhean Croise

Nsùyrì Nyùy 63:9

Wír ve á taʼ e laàr dzəʼə̀m yémé kù wíy dù aàŋkfəə́ wòŋ.

Nsùyrì Nyùy 77:11

Éè Nyùy Tàr, m yíi a kuumé lim sé se ghaʼtín sí, rúrú, a kuumé viŋgaʼnìn vé ve vinyò vee fó yàŋgùʼ.

Ŋwàʼ woó Rom 8:37

Vinyo vìn vi kooy vèsən ben, a Kristu wo wù‑uù kòŋèn vèsən, kù dzəə́ leey fo vèsən, yii, a vèsən só vinyo vee shooy soón, la ví yòʼ a sə̀ʼ vèsən gheéy.

2 Korin 1:10

Wù‑uù lo fə̀ə́r ver fó ŋgeʼ ye tavín fen, a wù kù kfə̀n wíy fəə́r. Vèr ku nèn a way vifií a dzə̀ e wun wùn, a kiíy jii, a vèn fen tàtí, a bùnrì fo vèr, bo wù kù kfə̀n wíy sə a ver. Vèn lóo bùnrì bèy, é kí nèn wìy a dzə jii, mo vèn lón fo Nyùy wír anín bìʼ ver, wù wíy sə ver, aá nèn a sheʼrí wun sa anín, a beèrì wun.

Efesor 6:10

Kidzə̀m ki nén a dzə jii, vèn wáa tiy a kitávín. A kí dzə̀ jii, vèn kú a tiy vèn à Tàr wòsən Kristu, a yeʼtí a dzə̀ e və́ vee vitaáví ve ghaʼán ví.

Remrí 7:19

Vèn‑eè lo yèn e sí yéné mo wù‑uù màʼàn ŋgeʼ se tavkín sí e wír veé Ejiví kitu, e yèn vitaáví və́ ve ghaʼtín ví, e kfə̀n yèn kóy və́ wo wù‑uù nànèn, e bóo fəə́r ven fó Ejiv fèy. A kù dzə̀ sá mo wù wíy lovtí bèy e vitúm ve vèn fan lèn vi vidzə̀m.

Joshua 1:6

Kúr tímé, e wày ŋàŋ. Kù yíi lì wò wír vìn, e nəə́ sho e nsay fèn, é bo á yov woŋ wo mò‑oò lìʼìn vèr aàtǎr ram véví ji m wíy fo aáwune.

Joshua 1:9

Kí m lo yòŋ e wò ji à kúr tím, e wày ŋàŋ. Lá à yòʼ a fàn, lá à yòʼ weèy. Nyùy Tàr woo Nyùy won dzə̀ vèn wun kirə́ʼ ke à du sho kidzə̀m.»

Joshua 10:8

Nyùy Tàr suúy e Joshua jii, «Lá à yòʼ a fàn. M wày ne áwune e wò kiwo. Wìr yòʼ dzə̀ shó wo wù wíy tam vèn wun, e tòn wò.»

1 Samuel 17:37

Nyùy Tàr wo wù‑uù səən mo fo bvərə̀ʼ wùn à nyàm yee bear shuù yíi sə sa mo fo wìr woó Filistia və̀n.» Fòn Saul suúy e Davir jii, «Á dù rì. Nyùy Tàr wáa dzə vèn wun.»