Joshua 10:23 - ŊWÀʼ NYÙY

²³ Á nèn yiì bèy, e fə̀ə́r afon vee atàn vìy fo mbvə̀ʼ, e wìy yèn wun sho. Afon vee ji fon woó Jerusalem wùn à woó Hebron, à woó Jarmut, à woó Lakish, e lì woó Eglon.

Joshua 10:23 Iomraidhean Croise

Remrí 7:24

Wù wíy way afon vév e věn wo, é vèn sə́ʼsí yír yév fó kitu ke nsay. Bó wìr yòʼ wíy tam vèn áwune, e meé mo vèn wíy laàr áwune.

Joshua 10:1

Adonisedek woo fon woó Jerusalem yú mo Joshua tònèn Ay, e laàr fó láarin e dzə̀m, e yiì e Ay wùn à fòn woo fó mo wù‑uù yiìn e Jeriko wùn à wóov woo fon. Wù kfən yù sá ji wír veé Gibeone tàr á ne shuu wùn à wír veé Israyi, a dzə aáwuné mvəm.

Joshua 10:22

Á kfə́n é Makkeda bèy, Joshua nèn yòŋ jii, «Vèn mvəʼ shúu mbvə̀ʼə lèn, e fə̀ə́r afon vee atàn vìyi, e wìy sho fèn.»

Joshua 10:3

Fòn Adonisedek nèn tsə̀nsí ntum e Hoham woo fon woó Hebron, e kfə̀n tsə̀nsí e Piram woo fon woó Jarmut, e tsə̀nsí e Jafia woo fon woó Lakish, e tsə̀nsí e Debir woo fon woó Eglon, e yòŋ jii,

Joshua 10:5

Afon veé Amor vee atàn vìne nèn bàʼtí shuu sév sé rər, e dù gìŋ Gibeon, e taàmé áwune e rə́r sí. Kù‑uù dzə̀ afon vee jii, woó Jerusalem wùn à woó Hebron, à woó Jarmut, à woó Lakish, à woó Eglon.

Joshua 12:10

fon woó Jerusalem, fon woó Hebron,

Joshua 12:12

fon woó Eglon, fon woó Geser,