Joshua 10:20 - ŊWÀʼ NYÙY

²⁰ Joshua wùn à vé rərí ku nèn a gwàtì wír veé Amor gwátin, e meé mo vé‑eè laàrìn áwune ŋkuuŋkùŋ. Yii bèy, ámóʼó ku yòʼ lèʼkír, e jeètí, e nə̀ə́ aáwuné ŋkà se laʼ.

Joshua 10:20 Iomraidhean Croise

2 Samuel 20:6

Fòn Davir nèn sùúy e Abishay jii, «Sheba woo wan Bikri yíi fo vèsən ŋgeʼ, é yì shaa ye Absalom. Lì vé rər vémé, é vèn áwune nyoori Sheba fo wùn à wír vəə́ yén ŋkà se laʼ se bomén símóʼ sí, e nə̀ə́ sho, e bòy fo vèsə́n wo.»

1 Afòn 20:21

Fòn Ahav woó Isray fəə́, e faàsì nyám se ŋkoʼ wùn à viténtén vé rər ví, e yùyrí wír veé Siiria e dzəə ye tavín.

2 Wòŋ 13:17

Fòn Abija wùn à və́ vé rərí neèr wír veé Isray e mentey, e yùyrí wír ansə̀kì ghii tàn (500,000), a dzə̀ wír ve á kiìn móo màʼ rə́r kijuŋ.

Jeremia 4:5

«Á wáa dù, e tòŋ sóŋ, é yí ghánén woŋ e dzə̀m. Á wáa fìʼtì e Juda, e kfə̀n fùŋ sá e Jerusalem ji Nyùy Tàr yoŋ a jii, ‹Á báʼtí, a nyeŋ, a dù e ŋkà se laʼ see vikum.

Jeremia 8:14

Wíri wíy a kàn ndzə jii, «Vèsən dzə́, yii ka fen? Vèsən báʼtí, a nyeŋ, a dù e ŋkà se laʼ see vikum, e kpù fó. Nyùy Tàr woo Nyùy wòsən shòv ne vèsən, e fò e kpúu. Wù nòór vèsən e mendzə́v mè, a ndzəʼ dzə̀ shó. A kù dzə̀ bìʼ fo vèsən yiìn ne kibí e wun.

Remrí 20:16

«Yii bèy, ké ŋkà se laʼ se wìr ve Nyùy Tàr woo Nyùy won fó ji vitsə́ʼ vén, vèn wíy laàr kifá kidzə̀m ke kí ŋeʼè fo fo, kìn dzə̀ wír, kìn nyám.

Joshua 10:10

Nyùy Tàr wáy kindzə́m e wír veé Amorí shiliv, á wáa fàn, a tùʼtìn e shúu rər woó Israyí si. Wír veé Israyi wáa jùm áwune, a gwàtì e Gibeon foo fèy, e jùm, e sə̀y shó e dzəə̀ Bet‑Horon. Á ku jùm, e gwàtì bèy, e sə̀y é Aseka wùn ǎ Makkeda.

Joshua 10:19

Yii bèy, lá vèn yòʼ gòʼ fo. Vèn jum kén a dzə̀ aŋgaà vén vibàné, a nyoòrì áwune e rə́r sí fó bàm fó bàm. Lá vèn yòʼ biìmé aá nəə́ aáwuné ŋkà se laʼ. Nyùy Tàr woo Nyùy won wày ne áwune e věn kiwo.»

Joshua 10:21

Vé rər Joshua adzə̀me kfə́n é bàm kijuŋ e kibeèy é Makkeda. Kitúm kímóʼ kí yòʼ kfə̀n‑eè dzə̀ shó kée mvə̀ʼ shuu, e guùtì wír veé Isray.

Joshua 11:12

Joshua tòn ŋkà se laʼ sìy sidzə̀m wùn aàfon véví, e yùyrí wir dzə̀m, e laàr fó láarin réŋréŋ mo Mooser woo ŋgaà lìm Nyùy Tàr‑iì yòŋèn ji á kù wíy yiì.

Joshua 11:8

Á bèy, Nyùy Tàr wáy afon vìy wùn à vé rər véví e wír veé Israyí wo, Isray wáa jùm áwune, a yuyrí, e jùm bèn, e dù bàʼ e Sidon wo wiy, e shaà dù e Misrefot‑Mayim, e kfə̀n jùm e dù duùn é mbìv yee fo shùy yii tó, e dù bàʼ e mboʼ yeé Mispe, e yùyrí áwune yúyrín, la wìr yòʼ gòʼ e tin.

Joshua 8:24

Mo wír veé Israyi màysìn, e yùyrí vilum veé Ay e kirə̀ʼ ké woʼ kí e ŋgèŋgèr fo wír veé Ayi‑iì jùmèn áwune, e dù sho, wír veé Israyi nèn kfə̀n é bàm é ŋkàlaʼ, e màysì, e yùyrí kibér ke wìr ke kí‑iì dzəə̀n fó.