Joshua 10:19 - ŊWÀʼ NYÙY

¹⁹ Yii bèy, lá vèn yòʼ gòʼ fo. Vèn jum kén a dzə̀ aŋgaà vén vibàné, a nyoòrì áwune e rə́r sí fó bàm fó bàm. Lá vèn yòʼ biìmé aá nəə́ aáwuné ŋkà se laʼ. Nyùy Tàr woo Nyùy won wày ne áwune e věn kiwo.»

Joshua 10:19 Iomraidhean Croise

2 Samuel 17:13

A wù lòo dzə, e nyèŋ, e nə̀ə́ e ŋkàlaʼ ye á bomen kay, e kaàrí sho, é wìr dzə̀m woó Isray nèn wìy aàkfə̀ə́, aá səŋ kay, e dù, e màʼ e kiwoóy, é la tíy e mòʼóne yòʼ bèr fó.»

2 Samuel 20:6

Fòn Davir nèn sùúy e Abishay jii, «Sheba woo wan Bikri yíi fo vèsən ŋgeʼ, é yì shaa ye Absalom. Lì vé rər vémé, é vèn áwune nyoori Sheba fo wùn à wír vəə́ yén ŋkà se laʼ se bomén símóʼ sí, e nə̀ə́ sho, e bòy fo vèsə́n wo.»

Jeremia 48:10

Lòné ku koò wír wo wù yii lim ye Nyùy Tàr foon, kér ŋgòy. Lòné ku koò wír wo wù bavtin nyùy rə rə̀r é kiburúʼ.»

Jeremia 8:14

Wíri wíy a kàn ndzə jii, «Vèsən dzə́, yii ka fen? Vèsən báʼtí, a nyeŋ, a dù e ŋkà se laʼ see vikum, e kpù fó. Nyùy Tàr woo Nyùy wòsən shòv ne vèsən, e fò e kpúu. Wù nòór vèsən e mendzə́v mè, a ndzəʼ dzə̀ shó. A kù dzə̀ bìʼ fo vèsən yiìn ne kibí e wun.

Joshua 10:18

Wù suúy jii, «Vèn dzəə́r vimà vé vilan, e sə̀tí shúu mbvə̀ʼə shó, e lèm vilum ámóʼó, aá wáa shìy.

Joshua 10:20

Joshua wùn à vé rərí ku nèn a gwàtì wír veé Amor gwátin, e meé mo vé‑eè laàrìn áwune ŋkuuŋkùŋ. Yii bèy, ámóʼó ku yòʼ lèʼkír, e jeètí, e nə̀ə́ aáwuné ŋkà se laʼ.