Joshua 10:14 - ŊWÀʼ NYÙY

¹⁴ Bó kishiíy kí yòʼ‑oò yiì ne a dzə moo kin, a kí yòʼ kfə̀n‑eè yiì a dzə ke Nyùy Tàr yúnín wir msòŋ. Dzə̀ rú ji Nyùy Tàr‑iì màʼ á rə́r sé wìr veé Isray.

Joshua 10:14 Iomraidhean Croise

Ŋwàʼ Fəə 14:14

Nyùy Tàr yíi màʼ rə́r sén, kù dzə̀ cáʼcáʼ ji vèn tiím á ji nyaáŋ.»

Ŋwàʼ Fəə 14:25

Wù kfən nə̀ʼə́y kár se vitentén, la ví yòʼ dzə́ə a dù kijuŋ. Áwune suúy jii, «Vèsən lo fo wír veé Isray vìné bàm, bìʼ fo Nyùy Tàr sí funèn vindzəʼ vév, aáwune só vèsən.»

Aysaya 38:8

Nyùy Tàr yoŋ a ji fòn leéy á kindzə̀ə́ndzəm ke shùy ye yì sí nəə, ke kí gbu e ŋkèʼ se sí kóʼ e Ahas lav. Wun sí lo, e siìr a kindzə̀ə́ndzəm kee shooy, é kí kfə́n é bàm ŋkèʼ e ghvə̀m.» Á bèy, kí nèn kù kòóy réŋréŋ bey.

Sekariya 14:3

Á bèy, é Nyùy Tàr nèn fəə̀ kfə́, e nə̀ə́ vitúm vìn e rə́r sí, e kù a màʼ réŋréŋ mo wù‑uù maʼ fo ŋgùʼ.

Ŋwàʼ Luk 17:6

Taàtá Jesus bìnèr jii, «Ŋgoòy shishùr ŋeèrí feyì, a yensín shishàr. A vèn bèn kì wày shilív e Nyùy wùn shishàr bèy, bo dzə̀ vèn kù sùúy e kicí kin ki jii, ‹Mènèn fó fèn, e dù, e tìím a dzə̀ é rìbà ndzə̀v›, kí kù nèn meènè mo vèn suuyin.

Remrí 1:30

Nyùy Tàr woo Nyùy won wo wù danèr ven, wúnwun yíi fùnèn, e màʼ rə́r sén réŋréŋ mo wù‑uù fùnèn é Ejiv, a vèn yéné.

Joshua 10:15

Á wìy màysì rə́r sin, Joshua wùn à shúu rər woó Israyi nèn kfə̀n é bàm é kibeèy é Gilgal.

Joshua 10:42

Wù‑uù tòn afon veé wòŋ fèn adzə̀m, e sə̀ nsay yev ghan mòʼón, bìʼ fo yì‑iì maʼ Nyùy Tàr, wun woo Nyùy wìr veé Isray rə́r sév.

Joshua 23:3

Vèn‑eè lo yèn kinyo kidzə̀m ke Nyùy Tàr woo Nyùy wòsən‑eè yiìn e vitúm vìn vi, e fò e vèsən. Yì‑iì funèn wun woo Nyùy Tàr woo Nyùy wòsən áwune, e fò e vèsən.