Joshua 10:13 - ŊWÀʼ NYÙY

¹³ Shùy ku nèn gòʼ, a tiy, ŋwee wáa tiy e meé mo Isray‑iì tònèn aŋgaà vév vibàn. Vé‑eè sàŋ kinyo kee shooy e Ŋwàʼ Jashar jii, shùy‑iì tìím é ntìntìn yùv moo kishiíy kifur bèy, e làa yòʼ a nəə́.

Joshua 10:13 Iomraidhean Croise

2 Samuel 1:18

e nèn fò sáʼ ji wír veé Judàa yéʼéy á yòv kpu və̀n, e yiì a yòv. Vé‑eè sàŋ yòv və̀n e ŋwàʼ Jashar, a wù dzə̀ jii:

2 Afòn 20:10

Fòn Hesekiya bìnèr jii, «Kí dzə̀ fó tèr fo kindzə̀ə́ndzəm ki du fó mbìy ŋkèʼ e ghvə̀m. M koŋ ji kí kfə́n á kfənén é bàm ŋkèʼ e ghvə̀m.»

Esta 8:13

Vé‑eè yíi lì sáʼ rə̀n, e way ji nsər e vishev ve wòŋ vidzə̀m, e sàmèr ye dzə̀ wìr dzə̀m yù, é wír veé Judàa fiʼ bàʼtí kijuŋ, e siìr ŋkfə́tír áàŋgaà vév vibàné.

Ŋwàʼ Jov 9:7

Nyùy lo, wù sə̀r shúy fo yì tó, e sə̀tí mejiy fo mè wáa ban.

Nsùyrì Nyùy 148:3

Shùy wùn à ŋwee wáa burí wun. Mejiy medzə̀m me mè báné, mè wáa burí wun.

Nsùyrì Nyùy 19:4

Yii bèy, a jí sév sí kù dunìn kitú ke nsay kidzə̀m, a sáʼka wov ghánen vitóŋtóŋ vé ndzə vidzə̀m. Nyùy‑iì bàʼrì kikum e yuv, e lèm shúy sho.

Aysaya 24:23

Ŋwee wíy a ban, a làʼrì làʼrìn, a bó shùy yòʼ kfə̀n wíy a ban, a lùm. Nyùy Tàr woo Taà Mànjòŋ wíy a saʼ e Gwan Sion e Jerusalem, é vilìmbìy ve wìr və́ ví wáa yen rán wun woo Nyùy.

Aysaya 38:8

Nyùy Tàr yoŋ a ji fòn leéy á kindzə̀ə́ndzəm ke shùy ye yì sí nəə, ke kí gbu e ŋkèʼ se sí kóʼ e Ahas lav. Wun sí lo, e siìr a kindzə̀ə́ndzəm kee shooy, é kí kfə́n é bàm ŋkèʼ e ghvə̀m.» Á bèy, kí nèn kù kòóy réŋréŋ bey.

Joel 2:10

Sí lóo wìy, é nsay wáa sə̀ʼ, é yúví wáa yàʼ, é shùy wùn à ŋwee ndzə́mén, é la mejiy mè yòʼ dzə́ə a ban.

Joel 2:31

Shùy wíy ndzəmén, lóo sən sənén, ŋwee lóo bàŋ moo mensə́, é bo kishiíy ké Nyùy Tàr ke ghaʼán kí gheén.

Joel 3:15

Kishiíy kin ki wíy lòo gheén, é shùy wùn à ŋwee ndzə́mén, a mejiy mè yòʼ wíy a ban.

Habakuk 3:11

Wò‑oò màʼ mvən yé, yí wáa bàvkìr, a wìy, a kòŋé ŋwaŋkìr sa, wiyì, shùy bàʼàr, e tìím, ŋwee tiím sá.

Kintaŋ 21:14

Á kinyo ke kí yiìn, é bo á sáŋ é ŋwàʼ woo kùm rə́r sé Nyùy Tàr jii: «Wahev, wo wù dzəə̀n é Sufa, wùn à viwoóy veé Arnon vi,

Kintaŋ 31:2

«Siìr ŋkfə́tír e wír veé Midiané kitu. Kee shooy ki shaa, áà nèn kpù, e dù, e tàtí atàr vé ve vé‑eè duùn ne fo mbìy.»

Matio 24:29

«Ghán sé ŋgeʼ ye kuʼùn sin si wíy lóo shaà, é shùy ku nèn ndzə̀mén, é la ŋwee yòʼ dzə́ə a ban, é mejiy mè wáa gbùkìr fo yuv, é vifá ve ví sə́ŋnin e yuv ví wáa nyeŋnín vidzə̀m.

Matio 5:45

Vèn lóo yiì bèy, é vèn nèn a dìn ji vèn dzə̀ rú wón Tàr won wo wù dzəə̀n é yuv. Dzə̀ wun wo wù yii, a ndzə rán wír adzə̀m. Yì rán sa wír ve á yii vinyo ve bi ví réŋréŋ mo yì rán ve á yii ve juŋ vi. A kù dzə̀ mo wù yii, a wuú ló e wír ve á méŋ wuné sum réŋréŋ mo yí ló e ve á yú wuné sum.

Ŋwàʼ Luk 18:7

Mo wù‑uù səən wiíy və̀y, bo bó Nyùy yòʼ wíy sə sa və́ vee wír ve wù‑uù shoʼon, aá tóŋ fo wun e shùy, tóŋ vitsə́ʼ ji wù sə́ áwune a? A dzə̀ wù kfə̀n a siʼsíʼ à?

Lim Aŋgàa Ntum 2:20

A shùy wíy ndzəmén, lóo sən sənén, ŋwee lóo bàŋ moo mensə́, é bo kishiíy ké Tàr ke ghaʼán kí gheén.

Joshua 10:11

Wír veé Amori wáa leʼ veé Isray, e lòo səy e dzəə̀ Bet‑Horon ye yì du e Aseka, Nyùy Tàr sə́ʼə́r lúm se mentiy fo yuv aáwuné kitu. Kùʼùn wìr wáa dzə wo yì‑iì yuyrin mentíy, e shaà wo yì‑iì yuyrin wír veé Isray.

Joshua 10:14

Bó kishiíy kí yòʼ‑oò yiì ne a dzə moo kin, a kí yòʼ kfə̀n‑eè yiì a dzə ke Nyùy Tàr yúnín wir msòŋ. Dzə̀ rú ji Nyùy Tàr‑iì màʼ á rə́r sé wìr veé Isray.

Ŋgaà Yen 21:23

Wír vee fóo yòʼ dzəə́ kér shií é ŋwee, kìn shúy, bìʼ fo rán ye yí lo a dzə̀ fo Nyùy wùné bán fo ghán sidzə̀m. Wàn Njiì Nyùy kfə́n a dzə kikaʼày ke kí kaʼày fó.

Ŋgaà Yen 6:10

rəə́me jii, «Tàr woo Ŋgaà Vitaàví Vidzə̀m, à dzə̀ e ránén, aà kù yii tíy a dzə̀ e wò jì. Ghán sí bèr é le, é bo à sáʼ wír veé kitu ke nsay, e màʼ ŋgeʼ sho, bìʼ fo vé‑eè yúyri ver?»

Ŋgaà Yen 6:12

M lòo yen, Wàn Njiì bày kiláy ke kí meen ji ntuùfú, nsay sə̀ʼ kitávín, virə́ʼ ví wáa kèrkìr. Shùy bìnkìr, a sən ji máy. Ŋwee tsə́m kirə́m, a bàŋ moo mensə́.

Ŋgaà Yen 8:12

Nshìylav Nyùy ye yì meen ji kweè tóŋ rə́ yee sóŋ. Sí shùyi ku nèn jàv mbìv sitaár, mbìv yee mòʼón bìnkìr, a sən sənén. Ŋwee wùn à mejiy mè kú a sən réŋréŋ sá bèy, la kifá ki yòʼ dzə́ə a ran e yuv fó ghan símóʼ sí gheéy. Wáa dzə ji á jav kishiíy, e kfə̀n jàv vitsə́ʼ virə́ʼ vitaár, bo kirə́ʼ kee kimòʼón ki sə́n sənén.

Atǎr Nsaʼ 16:28

Samson nèn tòŋ e Nyùy Tàr jii, «Éè Nyùy Tàr woo Taà Ndzə, ku yù tóŋ yémé. M lón wò ji à ku fò mo vitaáví. Éè Nyùy, ku kfə̀n tàvír mo lèn və̀n cáʼ, é m fíʼ siìr ŋkfə́tír e wír veé Filistiàa, bìʼ sí yém yee baà ye áwune fətin.»

Atǎr Nsaʼ 5:2

«Á wáa burí Nyùy Tàr, bìʼ vilìmbìy ve ví danèr Isray, a wíri fó vitú vév.