Joshua 10:11 - ŊWÀʼ NYÙY

¹¹ Wír veé Amori wáa leʼ veé Isray, e lòo səy e dzəə̀ Bet‑Horon ye yì du e Aseka, Nyùy Tàr sə́ʼə́r lúm se mentiy fo yuv aáwuné kitu. Kùʼùn wìr wáa dzə wo yì‑iì yuyrin mentíy, e shaà wo yì‑iì yuyrin wír veé Isray.

Joshua 10:11 Iomraidhean Croise

Kèʼlo 19:24

Nyùy Tàr ku nèn màʼ və́y fó yuv, wú wáa shwi, a baarí moo mekàŋ, e sùm Sodom wùn Gomorra,

2 Samuel 18:8

Vé‑eè maʼ rə́r fó e dzə̀m. Wír ve vé‑eè kpukin é kòví‑iì kùʼ, e shaà ve vé‑eè yuyrin yúyrín é shùu rər.

Ŋwàʼ Jov 38:22

«À nə̀ə́ ne e kitàv ké kintòn ke kí yii gbu moo mbàʼ à? À yèn ne fo m lem mentíy me wuú lóo lo, mè wàa gbù à?

Ŋwàʼ Jov 38:23

Vifá vìn ve m lemè, shiy ghán sé ŋgeʼ sho, kishiíy ke wíri wíy a fùnèn vindzəʼ, a màʼ rə́r.

Nsùyrì Nyùy 11:6

Ké wìr ve á méŋ wun, Nyùy Tàr kù yíi màʼ və́y aáwuné kitu, a dzə̀ və́y wo wú shwí, baári moo mekàŋ, aáwune kù yíi a yu, a virə́ʼ ví ríʼsin rìʼsín.

Nsùyrì Nyùy 147:17

Wù lo, wù tsə̀nsí mentíy, mè wàa gbù moo waár. Dzə̀ la wo yòʼ dzə̀ wù tàvtí é kintòn ke Nyùy tsənsin?

Aysaya 28:2

Vèn yuúrí, Nyùy Tàr lèm ne kintav ke wìr. Wù wíy wìy e njà kinsəm, e wìy moo mentíy meé mvə̀m kiŋkò ke wuu me mè ketì virə́ʼ, e wìy moo kiŋkò ke wuu ke kí keèsìn, kúŋé lí virə́ʼ. Wù wíy wìy e menshév mè wùn, é wù saʼti kifá kidzə̀m e ŋkàlaʼ, é kí wáa neŋ e nsay.

Aysaya 28:21

Rúrú, Nyùy Tàr wíy ŋaʼáy réŋréŋ mo wù‑uù ŋaʼayin é Gwan Perasim. Wù wíy shwiíy kilòŋ mo wù‑uù shwiiyin é mboʼ yeé Gibeon. Wù wíy yiì kinyo ke wù yii, é kí wáa dzə jeéy fo ke vèn kwaʼtì ki, e yiì lim rə́, é yí wáa dzə kfə́ jeéy.

Aysaya 30:30

Nyùy Tàr wíy yiì, é wíri yú jí rə mo yì súŋnin kitávín, e yiì, aá yén mo wù maʼ ŋgeʼ, kù moo ji wù nàn ne kóy və́, a səʼə́r e wírí kitu. Dòʼshwiíy wíy a kiv wun kívín, a wù wíy laàr virə́ʼ mo laàr və́y, kìn wuú ye yí ló, kúŋ virə́ʼ, kìn kinsəm, e bóo lì mentíy.

Esiker 13:11

Yòŋ e vee shooy ve á tee fém e kàyi ji yí waà yíi keèsì. Kiŋkò ke wuu kí yíi keèsì fo yuv, é m tsə́nsí mentíy me biibí mè, é mè gbu, é kinsəm ki shaa, e kèr kifá kidzə̀m e nsay.

Remrí 20:4

Nyùy Tàr woo Nyùy won dzə̀ vèn áwune. Wù maʼ rə́r sén, yii, a vèn ton aŋgaà vén vibàn.›

Ŋgaà Yen 11:19

M ku nèn yèn, aá mvə́ʼ lav Nyùy ye yì dzəə̀n é yuv. M yén ŋkùv wo á lem vifá ve *mensàŋ me Nyùy‑iì gwàrìn wùn à wíri shó, a wù tíy fo mvəm. Kishèv ki ku nèn a njàʼkìr, a baykír, virə́ʼ ví wáa dzə̀mkìr, nsay wáa sə̀ʼ, a kèrkìr, lúm se mentiy si wáa keèsì fo yuv.

Ŋgaà Yen 16:21

Lúm se mentiy si wáa gbù moo vilán e wírí kitu, á kú a kuù Nyùy wo wù tsənsin mentíy, wíri wáa yen ŋgeʼ ye ghaʼán.

Atǎr Nsaʼ 5:20

Mejiy meé yuv mè kaáy. Mo mè‑eè ghánen e yuv, kù dzə̀ mo mè‑eè funèn Sisera wùn à wír vəə́.