Joshua 10:10 - ŊWÀʼ NYÙY

¹⁰ Nyùy Tàr wáy kindzə́m e wír veé Amorí shiliv, á wáa fàn, a tùʼtìn e shúu rər woó Israyí si. Wír veé Israyi wáa jùm áwune, a gwàtì e Gibeon foo fèy, e jùm, e sə̀y shó e dzəə̀ Bet‑Horon. Á ku jùm, e gwàtì bèy, e sə̀y é Aseka wùn ǎ Makkeda.

Joshua 10:10 Iomraidhean Croise

2 Samuel 22:15

Wù tsə́nsí mvən si, e tàʼár aŋgaà və́ vibàn, wù túm kishèv kí njáʼám, e bvə̀ə́r áwune.

1 Afòn 9:17

Solomon nèn lò, e bàʼrì Geser, e siìr fo. Vé lìm vitaavií kfə̀n‑eè bàʼrì ŋkàlaʼ yee Bet‑Horon Tsə̀n,

2 Wòŋ 14:12

Nyùy Tàr ku nèn tòn wír veé Etiopia, á bvəə́rí e Fòn Asa wùn à wír veé Judàá mbìy, kileʼ ki nèn gbù.

2 Wòŋ 25:13

Ké vé rər veé Isray ve Fòn Amatsiya‑aà siìrìn é bàm ji wùn áwune yòʼ du rə́r kí dzə̀ jii, vé‑eè lòo kfən e bàm bey, e nèn kèm rə́r é ntèʼ seé Juda see kèʼ fó Samaria, e dù, e mèé e Bet‑Horon. Áwune‑eè yùyrí wíri ansə̀kì ataár (3,000), e kùúy nsàʼmboʼ e gháʼán.

Nsùyrì Nyùy 18:14

Wù tsə́nsí mvən sə́, e tàʼár aŋgaà və́ vibàn. Wù túm kishèv, kí njáʼám, e bvə̀ə́r áwune.

Nsùyrì Nyùy 44:3

Áwune yòʼ‑oò lo koò nsay rə̀n, a dzə̀ e rə́r sí, a bó áwune yòʼ‑oò lo sò e vitaáví vév ví. Kù‑uù dzə̀ cáʼ vitaáví vé. Kù‑uù dzə̀ wò kóy wóv wo tavíné. Wò‑oò dzə́ aáwuné mvəm, din koŋ yé, aá warkìrì.

Nsùyrì Nyùy 68:14

Rúrú, Nyùy woo Ŋgaà Vitaàví Vidzə̀m‑eè tàʼár afon. Wù‑uù tàʼár áwune é kishiíy fóo fèy, kí wáa dzə mo gbù a mentíy e Gwan Tsalmon bèy.

Nsùyrì Nyùy 78:55

Wír vəə́‑əə̀ nəə e nsay foo fèy, a wù jum vitúm ve ví‑iì sí dzə́ fo. Á nəə́, wù jàv virə́ʼ aáwune mo rám sév sí‑iì dzəə̀n, e nèn fò láʼ se vitum vìy, á wáa dzə sho.

Aysaya 28:21

Rúrú, Nyùy Tàr wíy ŋaʼáy réŋréŋ mo wù‑uù ŋaʼayin é Gwan Perasim. Wù wíy shwiíy kilòŋ mo wù‑uù shwiiyin é mboʼ yeé Gibeon. Wù wíy yiì kinyo ke wù yii, é kí wáa dzə jeéy fo ke vèn kwaʼtì ki, e yiì lim rə́, é yí wáa dzə kfə́ jeéy.

Aysaya 30:30

Nyùy Tàr wíy yiì, é wíri yú jí rə mo yì súŋnin kitávín, e yiì, aá yén mo wù maʼ ŋgeʼ, kù moo ji wù nàn ne kóy və́, a səʼə́r e wírí kitu. Dòʼshwiíy wíy a kiv wun kívín, a wù wíy laàr virə́ʼ mo laàr və́y, kìn wuú ye yí ló, kúŋ virə́ʼ, kìn kinsəm, e bóo lì mentíy.

Jeremia 34:7

Wù‑uù tiísi, a vé rə́r fòn woó Babilone nəə́ ne fó e rə́r sí, sí wáa màʼ, e kù a màʼ sa e Lakish, a màʼ e Aseka, a dzə̀ vikum ve ŋkà se laʼ seé Juda se sí‑iì jòʼsìn là ton.

Sekariya 14:3

Á bèy, é Nyùy Tàr nèn fəə̀ kfə́, e nə̀ə́ vitúm vìn e rə́r sí, e kù a màʼ réŋréŋ mo wù‑uù maʼ fo ŋgùʼ.

Remrí 7:23

Á bèy, Nyùy Tàr woo Nyùy won wíy way áwune e věn kiwo, e màʼ ntùʼtìn wo ghaʼán aáwuné mvəm, e meé mo á wíy dù, e mày.

Joshua 10:11

Wír veé Amori wáa leʼ veé Isray, e lòo səy e dzəə̀ Bet‑Horon ye yì du e Aseka, Nyùy Tàr sə́ʼə́r lúm se mentiy fo yuv aáwuné kitu. Kùʼùn wìr wáa dzə wo yì‑iì yuyrin mentíy, e shaà wo yì‑iì yuyrin wír veé Isray.

Joshua 10:28

Joshua nèn tòn ŋkàlaʼ yee Makkeda e kishiíy fóo fèy, e yùyrí fon woo fó, e laàr wir dzə̀m fo fo ŋkuuŋkùŋ, e làa yòʼ ber wír. Wù kù‑uù yiì e fòn woó Makkeda mo wù‑uù yiìn e fòn woó Jeriko.

Joshua 10:9

Joshua wùn à vé rər vəə́ ku nèn lò fo Gilgal, e ghàn vitsə́ʼ vifur. Yì wáa ran, á ku nèn ràŋ wír veé Amor.

Joshua 11:8

Á bèy, Nyùy Tàr wáy afon vìy wùn à vé rər véví e wír veé Israyí wo, Isray wáa jùm áwune, a yuyrí, e jùm bèn, e dù bàʼ e Sidon wo wiy, e shaà dù e Misrefot‑Mayim, e kfə̀n jùm e dù duùn é mbìv yee fo shùy yii tó, e dù bàʼ e mboʼ yeé Mispe, e yùyrí áwune yúyrín, la wìr yòʼ gòʼ e tin.

Joshua 12:16

fon woó Makkeda, fon woó Betel,

Joshua 15:35

Jarmut, Adullam, Soko, Aseka,

Joshua 15:41

Gederot, Bet‑Dagon, Naama, e lì Makkeda. Ŋkà se laʼ sìn si wáa dzə nshòv ntuùfú e ghvə̀m, e bóo lì ntèʼ sév.

Joshua 16:3

e nèn lò, e sə̀y, a dù e mbìv yee fo shùy yii nəə, e dù bàʼ e wír veé Jafletí ŋgvən, a shaà, a dù e ŋgvən Bet‑Horon Tsə̀n, e shaà dù e Geser, e nèn dù ndzə̀y e Rìbà Ndzə̀v woo Mediteranean.

Joshua 16:5

Nsay ye vé‑eè foon e rám Efrayim mo kfə́ə sév sí dzə̀kìné rə̀ne. Bìíy yee fó tsən‑eè kèʼ fó Atarot‑Addar, e dù mèé e Bet‑Horon Kùy,

Joshua 21:22

à Kibsayim, à Bet‑Horon. Wáa dzə ŋkà se laʼ sikweè, yee shó wùn à kwáʼ və́ nyàmé.

Atǎr Nsaʼ 4:15

Barak giímé áwune e rə́r sí, Nyùy Tàr bvəə́r vifií vé Sisera. Viténtén və́ vé rər, à vé rər vəə́, à kifá kidzə̀m ki tátí, e bvəə̀rí bvəərín. Sisera nèn sə̀ʼə́y fo wun kitentén, e nyèŋ e kiwuú kí.

Atǎr Nsaʼ 4:16

Barak jùm aŋgàa vibàn vin wùn à viténtén vév ví, e dù, e mày e Haroshet‑Ha‑Goyiim, e yùyrí vé rə́r Sisera adzə̀m, la wìr yòʼ bèr.

Atǎr Nsaʼ 5:20

Mejiy meé yuv mè kaáy. Mo mè‑eè ghánen e yuv, kù dzə̀ mo mè‑eè funèn Sisera wùn à wír vəə́.

1 Samuel 13:18

wúmóʼó wàa dù e mbìv Bet‑Horon, wúmóʼó wàa dù e mbìv bìíy ye yì kiʼ Kiwoóy ké Tsəboyim e ŋkìʼnìn wòʼ.

1 Samuel 17:1

Wír veé Filistiàa nèn lò, e bàʼtí vé rər vév, e dù e mbìv Soko e nsay Juda, a taamé rə́r. Vé‑eè tàm kiláʼáy kév é Efes‑Dammim wo wù dzəə̀n é ntìntìn Soko wùn à Aseka.