Joshua 10:1 - ŊWÀʼ NYÙY

¹ Adonisedek woo fon woó Jerusalem yú mo Joshua tònèn Ay, e laàr fó láarin e dzə̀m, e yiì e Ay wùn à fòn woo fó mo wù‑uù yiìn e Jeriko wùn à wóov woo fon. Wù kfən yù sá ji wír veé Gibeone tàr á ne shuu wùn à wír veé Israyi, a dzə aáwuné mvəm.

Joshua 10:1 Iomraidhean Croise

Kèʼlo 14:18

Melkisedek woo fon woó Salem nèn wìy e vifá ve yi vi wùn à meluʼ mè ji wun fó á e Abram. Wù‑uù dzə̀ taà cù Nyùy woo Taà Vitu.

Hibru 7:1

Melkisedek və̀n‑eè dzə̀ Fon woó kirə̀ʼ kímóʼ kí ke á yoŋ ji Salem, e kfə̀n a dzə taà cù wo wù‑uù lim fo Nyùy woo Taà Vitu. Wáa dzə e ghan se Abraham‑eè duùn rə́r, e yùyrí afon ámóʼó, a kfən e bàm, Melkisedek wìy, wùn wun tárnín, wù səə̀vì Abraham.

Joshua 10:3

Fòn Adonisedek nèn tsə̀nsí ntum e Hoham woo fon woó Hebron, e kfə̀n tsə̀nsí e Piram woo fon woó Jarmut, e tsə̀nsí e Jafia woo fon woó Lakish, e tsə̀nsí e Debir woo fon woó Eglon, e yòŋ jii,

Joshua 6:21

Mànjòŋ nèn laàr kifá kidzə̀m keé ŋkàlaʼ e nyùy rə̀r, kifá kidzə̀m moo vilum wùn à vikìy, à wánlè, à ŋgàywìr, à nàʼ, à njiì, à vimbèʼbìy ví.

Joshua 8:2

À yíi lovtí e fòn woó Ay wùn à wír vəə́ réŋréŋ mo wò‑oò lovtin e fòn woó Jeriko wùn à və́ vee wíri. Yii bèy, à yíi lì lèn kéŋ yév wùn à nyám sév sí ji nshwì wó. À yíi baʼtí wír ámóʼó, aá laáy laayín é bǎm ŋkàlaʼ.»

Joshua 8:21

A kí dzə̀ jii, mo Joshua wùn à wír vəə́ yenen ji wír ve á kì laayiné sùm a ne ŋkàlaʼ, e tòn, kindzə́ʼ ki wáa koʼ fo fo, á nèn bìnkìr, e tsə̀ə́m, a yuyrí wír veé Ay.

Joshua 9:3

Yii bèy, wír veé ŋkàlaʼ Gibeone yú mo Joshua lovtin e Jeriko wùn à Ay,