Joshua 1:9 - ŊWÀʼ NYÙY

⁹ Kí m lo yòŋ e wò ji à kúr tím, e wày ŋàŋ. Lá à yòʼ a fàn, lá à yòʼ weèy. Nyùy Tàr woo Nyùy won dzə̀ vèn wun kirə́ʼ ke à du sho kidzə̀m.»

Joshua 1:9 Iomraidhean Croise

Kèʼlo 28:15

Á kiíy jii, m kù wíy a dzə wòsò, a leéy fo wò, e kirə̀ʼ kidzə̀m ke à du sho. M kù wíy lì wò, e kfən sho e bàm é nsay Kanan fèn. M kù wíy yiì kinyo kidzə̀m ke m suuyin e wò, a bó m yòʼ wíy màʼtì wò e ghan símóʼ sí gheéy.»

Kèʼlo 39:2

Joosev ku nèn a rèŋ vikwàn e tàr wov lìm woo wír woó Ejiv və̀y lav. Nyùy Tàr wáa sə wun, vinyo və́ ví wáa ghan kijuŋ.

Kèʼlo 39:3

Mo tàr wov lìm yenen ji Nyùy Tàr dzə̀ á wùn Joosev, yii, a vinyo və́ ví du fo mbìy,

2 Samuel 13:28

e tìr və́ vé lìme jii, «Amnon yií nó meluʼ, mè lóo kar e si wo, m yoŋ ji vèn wàá yúyrí, lá vèn yòʼ a fàn. Vèn kùr shilív, e yùyrí kàŋ mòʼón, bìʼ fo suuyin mo.»

1 Wòŋ 28:20

Á bèy, Fòn Davir nèn sùúy e wan və Solomon jii, «Kúr tímé, e wày ŋàŋ, e yiì líme. Lá à yòʼ a fàn, lá à yòʼ weèy, bìʼ fo Nyùy Tàr, wun woo Nyùy, wun wo dzəə̀n Nyùy wom kù wíy a dzə vèn wun. Wù kù wíy a leéy fo wò, é lim dzə̀m yee wun lavi du, e mày kijuŋ.

2 Wòŋ 15:7

Kén kí nén a dzə jii, vèn wáa tiy a kitávín, é la melív men mè yòʼ a seèm, bìʼ fo lim yéné yíi a ker vilaámé.»

Nsùyrì Nyùy 46:7

Nyùy Tàr woo Taà Mànjòŋ dzə̀ vèr áwune. Wun woo Nyùy Jakov dzə̀ kikiŋ kér.

Aysaya 41:10

Lá vèn yòʼ a fàn, m dzə̀ vèsən. Lá kindzə́m kí yòʼ a gwàr ven, m dzə̀ Nyùy won. M kù wíy a fo ven vitaáví, a sə ven. M wíy a kìŋsìn ven e vitaáví vém ve ghaʼán ví.

Aysaya 43:1

Yii bèy, vèn yú kinyo ke Nyùy Tàr suuy ki lèn, Nyùy Tàr wo wù‑uù bomen ven vee rám Jakov, wun wo wù‑uù yiìn, é bo ven vee Isray wáa dzə ji kitúm. Wù suuy jii, «Lá vèn yòʼ a fàn, m tìn ne ven fó vikwàn. M kì ven é yír yir, a vèn dzə̀ wír vém.

Aysaya 43:5

«Éè wìr vem, lá vèn yòʼ a fàn, m dzə̀ vèsən. M yíi siìr rám yén ye yí dzə́ e mbìv yee fo shùy yii tó, aá kfə́n é bàm, e kù baʼtí sa ve á dzəə̀n fo shùy yii nəə, e siìr e bàm.

Aysaya 8:12

«Vèn aàŋgàa ŋgoo véné wáa yen. Wíri lóo yòŋ ji menàŋ menàŋ, lá vèn yòʼ kù nèn biìmé biimén. Áwune lóo fàn kifá, lá vèn yòʼ a fàn, a yiì, é kí wáa bemér ven.

Daniel 10:19

Wù nèn yòŋ mo jii, «Wò, wo Nyùy kòŋèn é ŋàŋ, lá à yòʼ a fàn. Nyaáŋ wáa dzə vèn wun. Á dzə kitávín, ku tàv ben, e kòŋrí.» Wù súŋnín bey, vitaáví ví ku nèn wìy e mǒ wùn. M bìnèr jii, «Tàr wor, kú a suŋnín. À kù kì tàvír ne mo, wún wómé kfə́n fó.»

Hagay 2:4

Yii bèy, mo woo Nyùy Tàr, m yoŋ e Serubbabel jii, ‹Kúr shilív shí,› kfə̀n yoŋ e Joshua woo taà cù wo kuʼùn jii, ‹Kúr shilív shí›, kfə̀n yoŋ jii, ‹Lá wìr fo vèn ve á dzəə̀n é wòŋàn yòʼ a koo ŋgòy, bìʼ fo mo woo Nyùy Tàr woo Taà Mànjòŋ suuy jii, «M dzə̀ vèsən.»

Hagay 2:5

M kù dzə̀ vèsən réŋréŋ mo mò‑oò kàʼàn atàr vén é ghan se vé‑eè fəən fó wòŋ Ejiv jii, lá áwune yòʼ a fàn. M kù dzə̀ á vèr áwune ghán sidzə̀m.›

Lim Aŋgàa Ntum 4:19

Pita wùn Joon nèn bìnèr jii, «Vèn ku kwàʼtì kinyo ke Nyùy koŋ ji wìr yii. Wù koŋ ji wìr yú kinyo a dzə̀ ké wìr moo ké wun woo Nyùy a?

Remrí 1:21

Vèn leéy ri, Nyùy Tàr fò ne ven nsay. Vèn nəə́ shó, e faàsì, e yòv, kù mo Nyùy Tàr woo Nyùy atàr vén‑eè kàʼàn. Lá vèn yòʼ fàn, lá vèn yòʼ weèy.

Remrí 20:1

Mooser shaà fo mbìy, a yòŋ e wír veé Israyi jii, «Vèn wíy du ji á tám é shùu rər vèn aàŋgaà vén vibàné, yén, aá kér nyám se ŋkoʼ wùn à *viténtén vé rər ví, à shúu rərí nyanyày, e shaà wón, lá vèn yòʼ fàn áwune. Nyùy Tàr woo Nyùy won dzə̀ vèn áwune. Dzə̀ wun wo wù‑uù liìn ven, e kòʼ shó fo Ejiv.

Remrí 31:23

Nyùy Tàr nèn lèm Joshua woo wan Nun ji kilìmbìy, e yòŋ sho jii, «Kúr tímé, e wày ŋàŋ, bìʼ fo à yíi lì wír veé Isray vìn, e dù sho e wòŋ wo mò‑oò kàʼàn áwune shó. M kù wíy a dzə wòsò.»

Remrí 31:28

Vèn báʼtí atǎr ram sén wùn à ntom se saʼ si, é m yoŋ jí sìn, aáwune yú. M nén a bi yúv wùn à nsay ji á tiím á vinjen ve vinyò ve wír vìne rə́si mumè.

Joshua 1:10

Joshua nèn yòŋ e vilìmbìy ve wíri ví jii,

Joshua 1:17

Mo vèr‑iì yúnin Mooser e kinyò kidzə̀m, bo kù dzə̀ réŋréŋ mo vèr yíi a yunín wò. Kù dzə̀ cáʼ ji Nyùy Tàr woo Nyùy wò kú a dzə vèn wun mo wù‑uù dzəə̀n wùn Mooser.

Joshua 1:18

A dzə̀ wír wo wù táv kitú fo wò, kìn wù ŋwáy sáʼ yé, e làa yòʼ a yiì kinyo ke à yòŋèn, bo á kù yíi laàr wun. Kù dzə̀ cáʼ ji à kúr á tím, e wày ŋàŋ.»

Joshua 10:25

Joshua nèn kfə̀n sùúy aáwune jii, «Lá vèn yòʼ a fàn, lá vèn yòʼ a weèy. Vèn kúr a dzə̀ tímé, e wày ŋàŋ. Á mo Nyùy Tàr yíi yiì bèy, e vé vibàn véné adzə̀m ve vèn áwune funènè.»

Joshua 10:8

Nyùy Tàr suúy e Joshua jii, «Lá à yòʼ a fàn. M wày ne áwune e wò kiwo. Wìr yòʼ dzə̀ shó wo wù wíy tam vèn wun, e tòn wò.»

Joshua 3:7

Nyùy Tàr suúy e Joshua jii, «M sí yìi kèʼ, a koʼór wò e wír veé Israyí si adzə̀m e kishiíy ké lán ki, aáwune fíʼ kiíy rú ji m dzə̀ á wòsò, kù mo mò‑oò dzəə̀n vèr Mooser.

Joshua 6:27

Á mo Nyùy Tàr‑iì dzəə̀n wùn Joshua, leŋ vəə́ wáa dù woŋ e dzə̀m.

Joshua 8:1

Nyùy Tàr nèn yòŋ Joshua, e sùúy sho jii, «Lá à yòʼ a fàn, lá à yòʼ a yàʼ. Lì vé rər veé Israyi adzə̀m, é vèn áwune kóʼ, e tòn Ay. M wày ne fon woó Ay e wò kiwo, à wír vəə́, à ŋkàlaʼ rə, à nsay rə.

Atǎr Nsaʼ 6:14

Nyùy Tàr nèn bìnèr e wun jii, «Bó yòʼ tùm mo wò à? Lì vitaáví ve à kér vìn vi, e dù, e faàsì wír veé Israyi fo veé Midiané wo.»

1 Samuel 10:7

Vinyo vìn vi kooy wò, mayì, à wàa yiì kinyo ke kí dzəə̀n ji á yii, bìʼ fo Nyùy dzəə̀n vèn wun.