Joshua 1:8 - ŊWÀʼ NYÙY

⁸ Lá à yòʼ wìy yàr fó a yòŋ Ŋwàʼ Nsər və̀n. Á yòŋ, a rə̀tì e shùy wùn à vitsə́ʼə́. Kú a yen ji à wáa yunín a kinyo kidzə̀m ke kí dzəə̀n shó, é dzə́ə sé si nèn a ran, é vinyo vé vi wáa ghan kijuŋ.

Joshua 1:8 Iomraidhean Croise

Kèʼlo 24:63

Lòo dzə e ŋkuùr wùmòʼ, wù fəə́, a kaarí e kwaʼ, a rə̀m vinyo. Wù lòo nàn sí, e yèn aàkameri wiyì.

2 Wòŋ 26:5

Wù kù‑uù yú fo Nyùy e ghan se taà cù woo Sekariya‑aà dzə̀ə́ sho, a wù tír wun e vinyò ve Nyùy. Mo wù‑uù jumrì Nyùy Tàr bey, Nyùy Tàr nèn səə̀vì wun.

Nsùyrì Nyùy 119:11

M mèrìr ne jí sé, sí wáa lùm e mǒ shiliv, a kìm mo fo m jáy kinyo wòsò.

Nsùyrì Nyùy 119:15

M yíi a yòŋ, a kwàʼtì e wò ntò se yeʼéy, e way vifií ji m wáa ghan e wò mbòv.

Nsùyrì Nyùy 119:97

M koŋ Nsər yè feyì. M rə́si, m kwàʼtì shó kishiíy kifur.

Nsùyrì Nyùy 119:99

M kìíy ne e ŋàŋ, e shaà aŋgàa yeʼéy vém adzə̀m, bìʼ fo m kù yoŋ vinyo ve à foon, kwaʼtì sho ghán sidzə̀m.

Nsùyrì Nyùy 19:14

Kú a sheʼrí rì jí sém sí, à kinyo ke m kwaʼtì, rémri e mǒ shiliv kí, Nyùy Tàr, Kikiŋ kém, Ŋgaà Lùŋèr wom.

Nsùyrì Nyùy 40:10

M yòʼ litì fó a fèr mo à yii luŋèr wír vé. M kù sùúy ne e wíri ji à yii tíy a vèsən, luŋèr ver. Bó m yòʼ yar fó a fìʼtì kùm wò e màŋgòŋ wìr vée, a m fer mo à koŋ wír vé e dù, e mày, tíy e kinyò ke à kàʼàn ver shó.

Ŋgàn 3:1

Wan wòm, lá à yòʼ ŋwày ntir se mò‑oò tír wò sho. Á lèm ntò sém sé yeʼéy si.

Aysaya 59:21

Nyùy Tàr kfə́n a kàʼ aáwune jii, «Fo kém kí, m wíy gwàr *mensaŋ vèsən jii, Kiyoy kém ke kí dzəə̀n e věn meliv kí kù wíy a dzə vèn áwune, e dù, e jòʼsì, é vèn kú a ruvtí jí sém se m yeʼeyin ven shó. Wón véné yòʼ wíy a yàr fó a ruvtí, à wón won véné shó. Á yòʼ wíy a yàr fó a rə̀tì sho, e kèʼ fo lèn, e dù, e jòʼsì.»

Matio 12:35

Lóo dzə wír wo runen vinyo ve juŋ vi e wùn shiliv, wù nèn a suúy sa vinyo a dzə̀ ve juŋ vi. Lóo dzə wo runen vinyo ve bi ví e wùn shiliv, nèn a fəə kinyo ke bi kí fó shuù wo.

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Matio 7:21

«Wír ve á yoŋrì mo ji Tàr, Tàr, yòʼ dzə̀ vee shooy adzə̀m ve m wíy lì ji wír vém é ghan se m sí sáʼ ji Fon. Kù wíy a dzə wír wo wù yii kinyo ke Tàr wor wo wù dzəə̀n é yuv koŋ ji wù wáa yiì.

Matio 7:24

«Vinyo vìn vidzə̀m vi nén a dzə jii, a wìr yuúri vinyo ve m tír wíri shó vìn, yii mo ví dzəə̀n, bo ŋgaàŋ fìír feyì moo wír wo wù‑uù baʼrì lav, e wày kinsə̀ŋ a dzə̀ é kitu ke kilan.

Ŋwàʼ Luk 11:28

Jesus bìnèr jii, «Wír ve á kér kishéʼrì ke kuʼùn kií dzə̀ ve á yú kinyo ke Nyùy, yii mo kí dzəə̀n.»

Joon 13:17

Mo vèn kiiyin ne kinyo kìn lèn, a vèn lò, a yiì, é vèn wáa yu vijuŋ.

Joon 14:21

Wìr wo wù yú nsər sém lemè, dzə̀ wo wù koŋ mo. Mo ŋgaàŋ koŋ mo, Tàr wor nén a kòŋ sa wun, é m kfə́n a kòŋ sa, e yiì, é wù kiíy mo.»

Efesor 4:29

Vèn wáa yen fo wìr wáa suŋnín lám wo bií. Vèn wáa suúy a dzə̀ kinyo ke kí wáa tir wír tirín, wíri lóo yu, aá wáa yu a dzə̀ vijuŋ.

Remrí 29:8

e tòn bèy, e faàsì nsay yev, e jàv e rám Ruben wùn à yé Gadi, à kintoʼnìn ke yé Manassèe ji vitsə́ʼ vév.

Remrí 29:9

Kí nén a dzə jii, vèn wáy ŋàŋ ji á kú a lèm ntò se mensàŋ sìn sidzə̀m, é vinyo ve vèn yii vidzə̀m vi wìy a dù kijuŋ.

Remrí 30:14

Àáyiì, sí kù dzə̀ e věn mentsə̀m, a dzə e věn shuù, e kfə̀n a dzə e věn meliv ji vèn fíʼ a lèm.

Remrí 31:11

Kù dzə̀ ghán se wìr dzə̀m woó Isray kóʼti e Nyùy Tàr woo Nyùy wón si, e kirə̀ʼ ke wù wíy shoʼ. Ku nèn a dzə e ghan sin se vèn kù wíy a yòŋ Ŋwàʼ Nsər və̀n e wír veé Israyí si adzə̀m, aá wáa yu.

Remrí 31:24

Mooser ku nèn sàŋ yéʼéy Nyùy rə̀n wùn à nsər si sidzə̀m e ŋwàʼ fèn, e màysì.

Remrí 5:1

Mooser báʼtí wír veé Isray adzə̀m, e sùúy aáwune jii, «Éè wìr veé Isray, vèn yú, vèn yuúrí sáʼ Nyùy wùn à vinyo ve wù tinen ví. Dzə̀ vinyo ve m yoŋ e vèn lán. Vèn yéʼéy, e wày ŋàŋ ji á wáa yiì a mo ví dzəə̀n.

Remrí 5:29

Kì yée fó a dzə feyì ji á mo shilív shév shí dzəə̀n ben ghán sidzə̀m. Áwune kì yèe fó a fàn mo, a lèm nsər sém sidzə̀m, é kí fiʼ yiì, aáwune wáa ker vishí ve juŋ vi, à rám yéví shó, e wìy dù, e mày.

Remrí 5:32

Mooser kfə́n a yòŋ jii, «Wír veé Isray, kù dzə̀ cáʼ ji vèn ku wày ŋàŋ ji á wáa yiì a dzə̀ mo Nyùy Tàr woo Nyùy won yòŋèn e vèn. Lá vèn yòʼ shòʼór nsər rə yìmòʼ, e bàr ŋwàn.

Kolosia 3:16

Vèn kú a kuumé kinyo a dzə̀ ké Jesus Kristu ghán sidzə̀m, é kí wáa lìm e věn vifii, é wìr wáa yeʼéy fə́r və, a tir e vifií ve ví lo a dzə̀ fo Nyùy vi. Vèn kú a sheʼrí Nyùy fo věn meliv ghán sidzə̀m, a yòv luŋ se sí fəə́ fo wùn ŋwàʼ, kìn dzə̀ se Kiyoy kfə́ kí fó e ŋgaàŋ, e kfə̀n a yòv símóʼ sí, a sùyrì wun sho.

Joshua 1:7

Dzə̀ cáʼ ji à ku kùr a dzə̀ á tím, e wày ŋàŋ. Ku yèn ji à kú a yunín a kinyo kidzə̀m keé Ŋwàʼ Nsər wo Mooser woo ŋgaà lìm wom‑eè foon e wò, a yiì réŋréŋ mo kí dzəə̀n. Lá à yòʼ bìn ndzə̀m e yìmòʼ yee ntir, é dzə́ə sé si nèn a ran e kirə̀ʼ kidzə̀m ke à du sho.

Joshua 8:34

Joshua nèn yòŋ kinyo keé Ŋwàʼ Nsər kidzə̀m. Wù yòŋ jí se kisəə̀vì, e yòŋ sé lòn, kù mo sí dzəə̀n sisáŋén é Ŋwàʼ Nsər.

Ŋgaà Yen 22:14

«Bòŋ ké wìr ve á su ndzə̀y sév, a sí ráné, e fíʼ a ker kilíŋ ke dzə̀ á tòsín shúu kày, e nə̀ə́ e Nyùy mvə̀mlaʼ, e kòy kicí ke wìr yí, wù wáa ker dzəʼə̀m yee là may.