Joshua 1:6 - ŊWÀʼ NYÙY

⁶ Kúr tímé, e wày ŋàŋ. Kù yíi lì wò wír vìn, e nəə́ sho e nsay fèn, é bo á yov woŋ wo mò‑oò lìʼìn vèr aàtǎr ram véví ji m wíy fo aáwune.

Joshua 1:6 Iomraidhean Croise

Kèʼlo 12:7

Nyùy Tàr nèn lò, e wìy fo Abram wùn, e sùúy sho jii, «M yíi fo woŋ və̀n e rám yée.» Mo Nyùy Tàr‑iì wìyìn fo wun wùn é kirə̀ʼ fóo fèy, wù nèn bòm *kíy cù Nyùy Tàr fó.

Kèʼlo 26:3

Kú a dzə e wòŋ fèn, é m wìy a dzə wòsò, a səə̀vì wò. Kiíy ji m wíy fo woŋ və̀n e dzə̀m e wò, é wáa dzə wó vèn à rám yée. A m kfə̀n wíy yùŋrì ŋkàʼmé wo mò‑oò kàʼàn tàr won Abraham sho, e lìʼ.

2 Samuel 10:12

Kúr shilív shí, e tìím kitávín, é vèsən funen bìʼ wír vesən. Á ku fùnèn bìʼ ŋkà se laʼ se Nyùy wo wù kér vèsən, é wun woo Nyùy Tàr yii á kinyo ke kiìn wun.»

1 Afòn 2:2

Wù‑uù tír, suuy jii, «M sí lo, a màʼtì kitú ke nsay. Kúr shilív shí, a dzə ji lumèn.

1 Wòŋ 22:13

Aà lò, a yu sáʼ Nyùy Tàr, a jùmrì vinyo ve wù tinen, e fò e Isray, e shaà fo Mooser, bo vinyo vé vi yíi a ghan kijuŋ. Kúr tímé, e wày ŋàŋ. Lá à yòʼ a fàn. Lá à yòʼ a weèy.

1 Wòŋ 28:10

Ku kìíy bèy, a kuumé ji Nyùy Tàr shòʼ ne wò ji à yíi bàʼrì a lav cù ye dzəə̀n kirə́ʼ kfə́ kee jeéy. Kúr shilív shí, e yiì lim yee shoone.»

1 Wòŋ 28:20

Á bèy, Fòn Davir nèn sùúy e wan və Solomon jii, «Kúr tímé, e wày ŋàŋ, e yiì líme. Lá à yòʼ a fàn, lá à yòʼ weèy, bìʼ fo Nyùy Tàr, wun woo Nyùy, wun wo dzəə̀n Nyùy wom kù wíy a dzə vèn wun. Wù kù wíy a leéy fo wò, é lim dzə̀m yee wun lavi du, e mày kijuŋ.

2 Wòŋ 15:7

Kén kí nén a dzə jii, vèn wáa tiy a kitávín, é la melív men mè yòʼ a seèm, bìʼ fo lim yéné yíi a ker vilaámé.»

2 Wòŋ 20:11

Leéy ri, e yèn, áwune sí beerì ver, a dzə̀ e jum ye á wiy ji á jum ver fo wò nsay ye wò‑oò foon e vèr ji vitsə́ʼ vér.

2 Wòŋ 20:7

Éè Nyùy wor, wò‑oò jùm vitúm fo wír veé Israyí mbìy, ve ví‑iì dzə́ e nsay fèn, e nèn fò nsay rə̀n ji sì á ye rám Abraham woo ŋkar yè, e wìy dù, e mày.

Nsùyrì Nyùy 27:14

Éè wan ŋkfə wìr, ku tìír rì vifií ví a dzə̀ e Nyùy Tǎr wùn. Tiím kitávín, e kùr shilív shí. Eènó, ku tìír vifií ví a dzə̀ e Nyùy Tǎr wùn.

Daniel 10:19

Wù nèn yòŋ mo jii, «Wò, wo Nyùy kòŋèn é ŋàŋ, lá à yòʼ a fàn. Nyaáŋ wáa dzə vèn wun. Á dzə kitávín, ku tàv ben, e kòŋrí.» Wù súŋnín bey, vitaáví ví ku nèn wìy e mǒ wùn. M bìnèr jii, «Tàr wor, kú a suŋnín. À kù kì tàvír ne mo, wún wómé kfə́n fó.»

Hagay 2:4

Yii bèy, mo woo Nyùy Tàr, m yoŋ e Serubbabel jii, ‹Kúr shilív shí,› kfə̀n yoŋ e Joshua woo taà cù wo kuʼùn jii, ‹Kúr shilív shí›, kfə̀n yoŋ jii, ‹Lá wìr fo vèn ve á dzəə̀n é wòŋàn yòʼ a koo ŋgòy, bìʼ fo mo woo Nyùy Tàr woo Taà Mànjòŋ suuy jii, «M dzə̀ vèsən.»

Sekariya 8:9

Ke suuy Nyùy Tàr woo Taà Mànjòŋ ki dzə̀ jii, «Vèn ku wày ŋàŋ, e làa yòʼ weèy. Réŋréŋ mo vèn‑eè sí yú, aàŋgàa ntum Nyùyi suuyì, e kèʼ fo kishiíy ke vé‑eè wayin kinsə̀ŋ ke lav cù Nyùy Tàr woo Taà Mànjòŋ ji á fiʼ wìy bàʼrì, e siìr fo.

Kintaŋ 26:53

á kù wíy jàv nsay e rám yee shóo, kù mo wíri dzəə̀n.

Kintaŋ 33:53

Vèn ku jùm aŋgàa nsayi, e yòv nsay yee shooy, a dzə fo. M fò ne a dzə̀ e vèn ji yéen yee nsay.

1 Korin 16:13

Kén kí nén a dzə jii, vèn ku wày a dzə̀ á vifií, a tiy kitávín é kinyò ke Jesus Kristu ke vèn biimen. Vèn ghár melív men, é mè táv.

Efesor 6:10

Kidzə̀m ki nén a dzə jii, vèn wáa tiy a kitávín. A kí dzə̀ jii, vèn kú a tiy vèn à Tàr wòsən Kristu, a yeʼtí a dzə̀ e və́ vee vitaáví ve ghaʼán ví.

Remrí 1:21

Vèn leéy ri, Nyùy Tàr fò ne ven nsay. Vèn nəə́ shó, e faàsì, e yòv, kù mo Nyùy Tàr woo Nyùy atàr vén‑eè kàʼàn. Lá vèn yòʼ fàn, lá vèn yòʼ weèy.

Remrí 1:8

Vèn yén ri mbà, m fò ne nsay rə̀n e vèn. Vèn nəə́, e faàsì nsay rə̀n, e yòv. Dzə̀ nsay ye mo woo Nyùy Tàr‑iì kàʼàn atǎr ram vén vee Abraham wùn à Aysi, à Jakov sho, e lìʼ ji m wíy fo a aáwune wùn à rám sév sí.› »

Remrí 11:8

«Bo dzə̀ jii, vèn sí lo, e liysín ndzə́v, e nəə́ e nsay ye vèn yíi sə. M yoŋ e vèn lán jii, a vèn lèm nsər sidzə̀m se m fó, bo kí yíi sə, é vèn távkír, e yòv nsay.

Remrí 31:23

Nyùy Tàr nèn lèm Joshua woo wan Nun ji kilìmbìy, e yòŋ sho jii, «Kúr tímé, e wày ŋàŋ, bìʼ fo à yíi lì wír veé Isray vìn, e dù sho e wòŋ wo mò‑oò kàʼàn áwune shó. M kù wíy a dzə wòsò.»

2 Timoti 2:1

Wan wom Timoti, kú a yeʼtí a dzə̀ é vitaaví ve Jesus Kristu fó e vèsən ví, a tiy kitávín.

Joshua 1:18

A dzə̀ wír wo wù táv kitú fo wò, kìn wù ŋwáy sáʼ yé, e làa yòʼ a yiì kinyo ke à yòŋèn, bo á kù yíi laàr wun. Kù dzə̀ cáʼ ji à kúr á tím, e wày ŋàŋ.»

Joshua 1:7

Dzə̀ cáʼ ji à ku kùr a dzə̀ á tím, e wày ŋàŋ. Ku yèn ji à kú a yunín a kinyo kidzə̀m keé Ŋwàʼ Nsər wo Mooser woo ŋgaà lìm wom‑eè foon e wò, a yiì réŋréŋ mo kí dzəə̀n. Lá à yòʼ bìn ndzə̀m e yìmòʼ yee ntir, é dzə́ə sé si nèn a ran e kirə̀ʼ kidzə̀m ke à du sho.

Joshua 1:9

Kí m lo yòŋ e wò ji à kúr tím, e wày ŋàŋ. Lá à yòʼ a fàn, lá à yòʼ weèy. Nyùy Tàr woo Nyùy won dzə̀ vèn wun kirə́ʼ ke à du sho kidzə̀m.»

Joshua 10:25

Joshua nèn kfə̀n sùúy aáwune jii, «Lá vèn yòʼ a fàn, lá vèn yòʼ a weèy. Vèn kúr a dzə̀ tímé, e wày ŋàŋ. Á mo Nyùy Tàr yíi yiì bèy, e vé vibàn véné adzə̀m ve vèn áwune funènè.»

Joshua 13:6

Kirə́ʼ kin ki tàtí nsay wìr veé Sidon e dzə̀m, aáwune dzə́ aàŋkoŋ, e nsàn agwan veé Lebanon wùn Misrefot‑Mayim. Mómò, m yíi jùm wír vìn adzə̀m mo wír veé Israyi nəə e nsay foo fèy. Ké ki wáa dzə ji à kù yíi jàv nsay rə̀n e wír veé Israyi ji vitsə́ʼ vév mo mò‑oò suuyin e wò.

Joshua 18:3

Joshua nèn yòŋ e wír veé Israyi jii, «Vèn yíi màʼ wún ben e meé e le, e bóo sə nsay ye Nyùy Tàr woo Nyùy atǎr ram yén‑eè foon e vèn?

Joshua 21:43

Á bèy, Nyùy Tàr nèn fò nsay dzə̀m e wír veé Israyi mo wù‑uù lìʼìn áàtàr véví ji wun wíy fo. Áwune sə́ nsay yee shooy bèy, e nèn a dzə fo.

Joshua 5:6

Mo wír veé Israyi‑iì ghanen é woʼ kiyá mkweè, vilum ve vé‑eè siìn antav e ghan se vé‑eè lo fo Ejivi nèn kpù mày. Vé‑eè kpú bìʼ fo á yòʼ‑oò lo yùnín Nyùy Tàr, Nyùy Tàr nèn lìʼ ji bó wìr fo áwune yòʼ wíy shov a woŋ Kanan e si, woŋ wo wun‑eè kàʼàn atàr vév shó ji wun wíy fo e rám yéví, a kù dzə̀ woŋ, a vín nàʼ wùn à vilu vi tsəətìn sho.

1 Samuel 4:9

Wír veé Filistia, vèn kúr shilív shí. Vèn tiím moo vilum. Là bey, bo vèsən yíi a dzə akwǎn wìr veé Isray mo áwune‑eè dzəə̀n akwàn vesən. Vèsən funen moo vilum.»