Joshua 1:5 - ŊWÀʼ NYÙY

⁵ Bó vèn wìr yòʼ wíy tam, é wù gháʼ wò, e dù meé mo à wíy a dzə sho. Mo mò‑oò dzəə̀n vèr Mooser, kù dzə̀ réŋréŋ mo m wíy a dzə wòsò. Bó m yòʼ wíy màʼtì wò, a bó yòʼ dzə̀ m màʼày wò.

Joshua 1:5 Iomraidhean Croise

Kèʼlo 39:2

Joosev ku nèn a rèŋ vikwàn e tàr wov lìm woo wír woó Ejiv və̀y lav. Nyùy Tàr wáa sə wun, vinyo və́ ví wáa ghan kijuŋ.

1 Afòn 1:37

Nyùy Tàr kú a dzə wùn Solomon mo wù‑uù dzəə̀n wùn taàtá wom woo fon. Wù ku yiì, é sáʼ Solomone tuúy, e shaà yé taàtá wom woo fon.»

1 Afòn 11:38

Aà lò, a yu mo, a yiì kinyo kidzə̀m ke m yòŋèn, a ghan e mǒ mbòv, a yiì kinyo ke kí wáa gheén mo, a yu sáʼ yém, a yunín nsər sém mo Davir woo ŋgaà lìm wom‑eè yúninè, bo m yíi a dzə wòsò. Bo m yíi yiì, é rám yée wìy a saʼ vifon ghán sidzə̀m moo yé Davir, é mbìv wòŋ ye dzəə̀n Isray wáa dzə e wò kiwo.

1 Afòn 6:13

a kí dzə̀ jii, m wíy a dzə e lav cù fèn, a dzə e wír veé Israyí mvəm, e làa yòʼ wìy màʼtì áwune vee wír vém.»

1 Afòn 8:57

Nyùy Tàr woo Nyùy wòsən wáa dzə vèsən áwune mo wù‑uù dzəə̀n wùn aàtàr vesəné. Lá wù yòʼ màʼtì vèsən, lá wù yòʼ màʼày vèsən.

1 Wòŋ 28:20

Á bèy, Fòn Davir nèn sùúy e wan və Solomon jii, «Kúr tímé, e wày ŋàŋ, e yiì líme. Lá à yòʼ a fàn, lá à yòʼ weèy, bìʼ fo Nyùy Tàr, wun woo Nyùy, wun wo dzəə̀n Nyùy wom kù wíy a dzə vèn wun. Wù kù wíy a leéy fo wò, é lim dzə̀m yee wun lavi du, e mày kijuŋ.

Nsùyrì Nyùy 46:11

Nyùy Tàr woo Taà Mànjòŋ dzə̀ vèr áwune. Wun woo Nyùy Jakov dzə̀ kikiŋ kér.

Ŋwàʼ Fəə 3:12

Nyùy nèn sùúy jii, «M yíi a dzə wòsò. À yíi fəə́r wír veé Isray fo Ejiv, á cu mo é gwan fèn, é nèn a dzə kisəəm kee ji tùm á mo wò.»

Aysaya 42:16

«M wíy dànèr wír vém vee amfìr, aá ghán é dzəə ye á yòʼ‑oo shaá ne sho. M wíy a dànèr áwune, a dù sho e nshwàn wo á yòʼ‑oo tiír ne kiwuú shó. M wíy tsə̀ʼ ndzə ye sənér fo áwuné kitu, aá yén rán, e siìr virə́ʼ vév ve ví dzəə̀n vikóŋkóŋ vikóŋkóŋ, é ví kfə́n é leŋ, a dzə ji fèm. Á kinyo ke m wíy yiì bìʼ áwune, a bó m yòʼ wíy màʼày áwune.

Jeremia 1:8

Lá à yòʼ a fàn áwune. M yíi a dzə wòsò, a kìŋsìn wò. Suuy mo woo Nyùy Tàr.»

Daniel 11:16

Mo fòn woó Siiria sùmèn woó Ejiv e rə́r sí, wù kù wíy a yiì kinyo a dzə̀ ke koŋ wun, a bó wìr yòʼ wíy a meʼ wun. Wù wíy faàsì nsay ye dzəə̀n ye mbùʼmé, a wù wíy a ker vitaáví vée laàr fó ŋkuuŋkùŋ.

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Ŋwàʼ woó Rom 8:31

Mo Nyùy yii vinyo vìn e vèsən ben, bo vèsən dzə̀ é le lèn? Wìr wo dzə̀ wù kfə̀n yiì vèsən e kinyo ki dzə̀ la?

Ŋwàʼ woó Rom 8:37

Vinyo vìn vi kooy vèsən ben, a Kristu wo wù‑uù kòŋèn vèsən, kù dzəə́ leey fo vèsən, yii, a vèsən só vinyo vee shooy soón, la ví yòʼ a sə̀ʼ vèsən gheéy.

Remrí 20:1

Mooser shaà fo mbìy, a yòŋ e wír veé Israyi jii, «Vèn wíy du ji á tám é shùu rər vèn aàŋgaà vén vibàné, yén, aá kér nyám se ŋkoʼ wùn à *viténtén vé rər ví, à shúu rərí nyanyày, e shaà wón, lá vèn yòʼ fàn áwune. Nyùy Tàr woo Nyùy won dzə̀ vèn áwune. Dzə̀ wun wo wù‑uù liìn ven, e kòʼ shó fo Ejiv.

Remrí 20:4

Nyùy Tàr woo Nyùy won dzə̀ vèn áwune. Wù maʼ rə́r sén, yii, a vèn ton aŋgaà vén vibàn.›

Remrí 31:23

Nyùy Tàr nèn lèm Joshua woo wan Nun ji kilìmbìy, e yòŋ sho jii, «Kúr tímé, e wày ŋàŋ, bìʼ fo à yíi lì wír veé Isray vìn, e dù sho e wòŋ wo mò‑oò kàʼàn áwune shó. M kù wíy a dzə wòsò.»

Remrí 4:31

Nyùy Tàr woo Nyùy won dzə̀ ŋgaà shammèndzə̀n. Wù yòʼ wíy màʼày ven, a wù yòʼ wíy laàr ven, a bó wù yòʼ wíy làysìn mensaŋ me wù‑uù gwàrìn wùn aàtǎr ram véné, e fìnèr e kilìʼ kí.

Remrí 7:24

Wù wíy way afon vév e věn wo, é vèn sə́ʼsí yír yév fó kitu ke nsay. Bó wìr yòʼ wíy tam vèn áwune, e meé mo vèn wíy laàr áwune.

2 Timoti 4:17

A wun woo Nyùy‑iì lo tìím e mǒ bàm, a tavír mo, m wáa fìʼtì kinyo kfə́ tèéter, wír ve bó á yòʼ kiìn Nyùyi wáa yu adzə̀m. Wù kfən sə̀ mo, la á yòʼ tìnén nsaʼ e ghan see shooy, e fò mo, áàbvərə̀ʼə́ kfə́r.

Hibru 13:5

Wìr dzə̀m wáa sheʼrí a dzə̀ kifá ke wù kérí, e màʼtì shií woo kùm mbàm. Nyùy‑iì sùúy jii, «M yòʼ wíy màʼtì wò, a bó m yòʼ wíy màʼày wò e ghan símóʼ sí gheéy.»

Joshua 1:17

Mo vèr‑iì yúnin Mooser e kinyò kidzə̀m, bo kù dzə̀ réŋréŋ mo vèr yíi a yunín wò. Kù dzə̀ cáʼ ji Nyùy Tàr woo Nyùy wò kú a dzə vèn wun mo wù‑uù dzəə̀n wùn Mooser.

Joshua 1:9

Kí m lo yòŋ e wò ji à kúr tím, e wày ŋàŋ. Lá à yòʼ a fàn, lá à yòʼ weèy. Nyùy Tàr woo Nyùy won dzə̀ vèn wun kirə́ʼ ke à du sho kidzə̀m.»

Joshua 10:8

Nyùy Tàr suúy e Joshua jii, «Lá à yòʼ a fàn. M wày ne áwune e wò kiwo. Wìr yòʼ dzə̀ shó wo wù wíy tam vèn wun, e tòn wò.»

Joshua 21:44

Nyùy Tàr nèn fò áwune meemè mbìv sidzə̀m, kù mo wù‑uù lìʼìn ne aàtàr véví. Bó ŋgaà vibàn wov yòʼ‑oò lo ghàʼ áwune, fə̀m e mòʼón. Nyùy Tàr‑iì wày aŋgàa vibàn vév adzə̀m aáwuné kiwo.

Joshua 3:7

Nyùy Tàr suúy e Joshua jii, «M sí yìi kèʼ, a koʼór wò e wír veé Israyí si adzə̀m e kishiíy ké lán ki, aáwune fíʼ kiíy rú ji m dzə̀ á wòsò, kù mo mò‑oò dzəə̀n vèr Mooser.

Joshua 6:27

Á mo Nyùy Tàr‑iì dzəə̀n wùn Joshua, leŋ vəə́ wáa dù woŋ e dzə̀m.

Atǎr Nsaʼ 2:18

Ghán sidzə̀m se Nyùy Tàr‑iì fó tàr nsaʼ e wír veé Israyi, wù kù a tom wun, wù wàa fəə́r wír veé Isray fo aŋgaà vév vibàné wo, á wàa dzə nyaáŋ, e meé mo tàr nsaʼ və̀n‑eè dzəə̀n shó. Nyùy Tàr‑iì lèéy ŋgeʼ se áwune‑eè yén e wír ve vé‑eè nyavrì aáwuneé sar, a rər mendzən mev.

Atǎr Nsaʼ 6:16

Nyùy Tàr suúy shó jii, «M yíi a dzə wòsò, aà yíi laàr wír veé Midian, kù moo ji kì dzə̀ á wír e mòʼón bèy.»

1 Samuel 10:7

Vinyo vìn vi kooy wò, mayì, à wàa yiì kinyo ke kí dzəə̀n ji á yii, bìʼ fo Nyùy dzəə̀n vèn wun.