Joshua 1:17 - ŊWÀʼ NYÙY

¹⁷ Mo vèr‑iì yúnin Mooser e kinyò kidzə̀m, bo kù dzə̀ réŋréŋ mo vèr yíi a yunín wò. Kù dzə̀ cáʼ ji Nyùy Tàr woo Nyùy wò kú a dzə vèn wun mo wù‑uù dzəə̀n wùn Mooser.

Joshua 1:17 Iomraidhean Croise

2 Samuel 14:17

Mo woo wánlè fòn kì ji jí se fòn woo tàr wor, sí yíi fo mo á rəsìn, bìʼ fo fòn dzəə̀n moo nshìylav Nyùy bèy, a wù kì jeéyjeéy fó kinyò ke juŋ ki wùn à ke bi kí. Nyùy Tàr woo Nyùy fòn kú a dzə a wùn fòn.»

1 Afòn 1:37

Nyùy Tàr kú a dzə wùn Solomon mo wù‑uù dzəə̀n wùn taàtá wom woo fon. Wù ku yiì, é sáʼ Solomone tuúy, e shaà yé taàtá wom woo fon.»

1 Wòŋ 28:20

Á bèy, Fòn Davir nèn sùúy e wan və Solomon jii, «Kúr tímé, e wày ŋàŋ, e yiì líme. Lá à yòʼ a fàn, lá à yòʼ weèy, bìʼ fo Nyùy Tàr, wun woo Nyùy, wun wo dzəə̀n Nyùy wom kù wíy a dzə vèn wun. Wù kù wíy a leéy fo wò, é lim dzə̀m yee wun lavi du, e mày kijuŋ.

Nsùyrì Nyùy 20:1

Nyàr, Nyùy Tàr kú a sə fon e ghan sé rər, wun woo Nyùy Jakov kú a kìŋsìn fon.

Nsùyrì Nyùy 20:4

Wù kú a fo fon kifá ke shilív shé fòn shi tíy sho. Wù ku yiì, é kinyo ke fòn kidzə̀m ki kú a ghan kijuŋ,

Nsùyrì Nyùy 20:9

Éè Nyùy Tàr, ku yiì, é fòn wor só rə́r. Ku yù tóŋ yérí ye vèr tóŋ e wò.

Kintaŋ 27:18

Nyùy Tàr nèn sùúy e Mooser jii, «Lì Joshua woo wan Nun, e neèr wó yée é kitu wo. Dzə̀ wír, a wù kér shilív shee jeéy shí.

Kintaŋ 27:20

À yíi fo wun vitaáví vé saʼ, aá kú a yu sáʼ rə́ mo vé‑eè yú yé, é wìr dzə̀m woó Isray fíʼ a yunín wun.

Matio 21:9

Màŋgòŋ wùmòʼ shém fó mbìy, wùmòʼ láŋ bám, aá ndzə́ʼ jii: «Fòn wor èy, Fòn wor èy. Á yén mo Wàn Fòn Davir wiyì. Nyùy Tàr ku səə̀vì wír wo wù wiy e wùn yir. Á wáa burí Nyùy woó ntoò yùv.»

Remrí 34:9

Bo Mooser wáa kpu bèy, a wù‑uù neèr ne wó rə́ e Joshua woo wan Nun kitu ji wù wíy a dzə a njìlaʼ və. Nyùy Tàr nèn fò vifií ve ghaʼán ví e Joshua. Á bèy, wír veé Israyi nèn a ghvəm wun, a yiì kinyo kidzə̀m ke Nyùy Tàr‑iì yòŋèn e Mooser.

Joshua 1:16

Áwune bìnèr e Joshua jii, «Vèr yíi a yiì kinyo kidzə̀m ke à yòŋèn e vèr, a dù e kirə̀ʼ kidzə̀m ke à túm ver shó.

Joshua 1:18

A dzə̀ wír wo wù táv kitú fo wò, kìn wù ŋwáy sáʼ yé, e làa yòʼ a yiì kinyo ke à yòŋèn, bo á kù yíi laàr wun. Kù dzə̀ cáʼ ji à kúr á tím, e wày ŋàŋ.»

Joshua 1:5

Bó vèn wìr yòʼ wíy tam, é wù gháʼ wò, e dù meé mo à wíy a dzə sho. Mo mò‑oò dzəə̀n vèr Mooser, kù dzə̀ réŋréŋ mo m wíy a dzə wòsò. Bó m yòʼ wíy màʼtì wò, a bó yòʼ dzə̀ m màʼày wò.

Joshua 1:9

Kí m lo yòŋ e wò ji à kúr tím, e wày ŋàŋ. Lá à yòʼ a fàn, lá à yòʼ weèy. Nyùy Tàr woo Nyùy won dzə̀ vèn wun kirə́ʼ ke à du sho kidzə̀m.»

Joshua 4:14

Yì‑iì dzə̀ é kishiíy fóo fèy, Nyùy Tàr kóʼór ghay Joshua, e wìr dzə̀m woó Isray si. Á nèn kù a ghvəm wun ghán sidzə̀m, kù mo vé‑eè ghvə́m Mooser.

1 Samuel 17:37

Nyùy Tàr wo wù‑uù səən mo fo bvərə̀ʼ wùn à nyàm yee bear shuù yíi sə sa mo fo wìr woó Filistia və̀n.» Fòn Saul suúy e Davir jii, «Á dù rì. Nyùy Tàr wáa dzə vèn wun.»

1 Samuel 20:13

A tàr wor kù lò, a dzə ji wun‑éè lémér á wò, m tén fóo yiì, áà kiíy, e fíʼ leʼ, e bòy, Nyùy Tàr kù màʼ ŋgeʼ e mǒ kitu, e kfə̀n dzə̀sì. Nyùy Tàr kú a dzə vèn wun mo wù‑uù dzə́ wun tàr wor.