Joshua 1:15 - ŊWÀʼ NYÙY

¹⁵ e meé mo Nyùy Tàr yíi yiì, vèn maʼ rə́r, sí bórí, aá yov nsay ye Nyùy Tàr‑iì foon aáwune. Á yovì, é bo vèn kfə́n é bàm, e yòv yéen yee nsay ye Mooser woo ŋgaà lìm Nyùy‑iì foon e vèn ji yéen é ndzə̀n Jordan fèn, e mbìv yee fo shùy yii tó.»

Joshua 1:15 Iomraidhean Croise

1 Korin 12:26

Kí nén a dzə jii, a kibar ke wùn kímóʼ kí lò, a nyar, bo vibar ve wùn ví tàtí ne, a nyar vidzə̀m. Aá lò, a geʼ e kímóʼ kí, bo vibar ve wùn vidzə̀m vi sí yú vijuŋ.

1 Korin 13:5

a koʼnín, e kfə̀n a ŋar. A wìr koŋ wíri, la wù yòʼ a tav, a nyar shilív, e kfə̀n a lèm jay wìr e shiliv.

Galatia 5:13

Afə̀r vem, Nyùy fə̀ə́r ne ven fó vikwàn ve vèn‑eè reŋ fo nsər. Yii bèy, mo vèn bòyìn, lá vèn yòʼ kù nèn a yiì a dzə̀ mo mensə́ men mè taʼà. Vèn bòy, a kí dzə̀ ji vèn wáa kòŋnìn, e nèn a sənín vitú vén,

Galatia 6:2

Wìr kú a sə fə́r və kibeʼèy ke kí gháʼ wun. Vèn lóo yiì bèy, bo vèn sí lem nsər ye yì lo a dzə̀ fo Kristu.

Remrí 3:18

«Wáa dzə e ghan fóo fèy, m fó sáʼ, e sùúy aáwune jii, ‹Nyùy Tàr woo Nyùy wòsən fò ne nsay yeé mbìv Jordan ye yì kiʼ fo shùy yii tó ji vèn yov. Lèn, vèn baʼri shúu rərí, e tsə̀nsí e ndzə̀n Jordan fèsə, é wú du, a tiy e mbìy rə̀r, e fíʼ sə afə́r vén vee Isray, aáwune yov yéev yee nsay.

Remrí 3:20

Vèn kù kér fóo sə afə́r vén, e dù, e meé mo áwune wíy yòv nsay ye Nyùy Tàr fó aáwune é ndzə̀n Jordan, e mbìv yee fo shùy yii nəə. Kí kù wíy a dzə bèy, e meé mo Nyùy Tàr wíy yiì, aáwune wáa dzə fo ji nyaáŋ mo wù yiìn e vèn é mbìv fen. Kee shooy ki shaa, bo a dzə̀ vèn kfə̀nkír é mbìv fen, e nsay ye m toʼtin e vèn.›

Remrí 9:1

«Éè Isray, vèn yuúrí, e yù. Vèn sí lo, a liysín ndzə́v yee Jordan rə̀n e kishiíy ké lán ki. Vèn líysin, e dù, e sə nsay vitum, a ví dzə̀ viwíy, e kfə̀n tàvkír, e shaà ven. Ŋkà se laʼ sév sí kùʼkìr, e kfə̀n a ker vikum ve kày, a ví kóʼ é yuv.

Filipi 2:4

Vèn lóo yiì kinyo, vèn wàa yiì a dzə̀ ke kí sə́ wir dzə̀m. Lá wìr yòʼ a yiì ji kí kú a sə a dzə̀ wun.

Joshua 1:1

Mo Mooser woo ŋgaà lìm Nyùy‑iì kpuun, Nyùy Tàr yòŋ Joshua woo wan Nun, wun woo Joshua wo wù‑uù sə́ Mooser, e sùúy sho jii,

Joshua 1:14

Kí nén a dzə jii, vikìy vén wùn à wóné, à nyám si yíi gòʼ e ndzə̀n Jordan fèn, e nsay ye Mooser‑iì foon e vèn. Yii bèy, wír vén rərí yíi líysin e ndzən fésə, aá báʼtí ne vifá ve rər, e fíʼ sə afə́r vén,

Joshua 1:16

Áwune bìnèr e Joshua jii, «Vèr yíi a yiì kinyo kidzə̀m ke à yòŋèn e vèr, a dù e kirə̀ʼ kidzə̀m ke à túm ver shó.

Joshua 22:1

Joshua nèn bàʼtí rám Ruben wùn à yé Gadi, à kintoʼnìn ke rám Manasse keé mbìv yee fo shùy yii tó,