Joshua 1:1 - ŊWÀʼ NYÙY

¹ Mo Mooser woo ŋgaà lìm Nyùy‑iì kpuun, Nyùy Tàr yòŋ Joshua woo wan Nun, wun woo Joshua wo wù‑uù sə́ Mooser, e sùúy sho jii,

Joshua 1:1 Iomraidhean Croise

1 Afòn 19:16

e yòʼ Jehu woo wan Nimshi ji fon woó Isray, e kfə̀n yòʼ Elisha woo wan Shafat woó Abel‑Mehola, é wù li kirə́ʼ ké ji *ŋgaà ntum wom.

2 Afòn 3:11

Fòn Jehoshafat nèn dzə̀r jii, «Ŋgaà ntum Nyùy Tàr yòʼ dzə̀ fen wo dzə̀ vèsən lòn, wù tàr fo Nyùy Tàr a?» Nshìylav fòn woó Isray yìmòʼ nèn bìnèr jii, «Elisha woo wánlè lìm Elija waà dzə̀ á fèn, Elisha wo dzəə̀n á wan Shafat.»

Nehemia 8:17

Màŋgòŋ e dzə̀m wo wù‑uù kfənen é bàm fo vé‑eè koon áwune, e dù sho‑oò fèr táv sí, a dzə sho, a sheʼrí e ŋàŋén. Wír veé Israyi yòʼ‑oò yiì yì ŋkàʼ vən e dzəə foo fèy, e kèʼ fo Joshua woo wan Nun ghan, e wìy, e meé e ghan fen.

Ŋwàʼ Fəə 24:13

Mooser nèn ŋàʼáy wùn ŋgaà sə və Joshua, a koʼ e Nyùy gwan.

Kintaŋ 11:28

Joshua woo wan Nun, wun woo Joshua wo yì‑iì siìn ŋgaà sə Mooser, e kèʼ fo meterí, nèn yòŋ e Mooser jii, «Tàr wor Mooser, ku sə̀r wír vìne.»

Kintaŋ 12:7

A bó ké Mooser woo ŋgaà lìm wom kí yòʼ dzə̀ bey. Wír vén veé Isray adzə̀me kù sì e wun kiwo.

Kintaŋ 13:16

Á yír sé agwèy ve Mooser‑iì tumen ji á du, e shwèʼ woŋ. Ké Hoshea woo wan Nun, Mooser‑iì lò, e shù kfə́ yír rə́ ji Joshua.

Kintaŋ 13:8

Fo rám Efrayim, wáa dzə Hoshea woo wan Nun.

Ŋwàʼ Luk 16:10

Wìr wo wù leey fo shifarìn kijuŋ, kù dzə̀ wù lèéy sá fo ke kuʼùn kí. Wo wù leey fo shifarìn, lóʼ ŋgaà kifa, kù dzə̀ sá mo dzə̀ wù lòʼ e ke kuʼùn kí.

Lim Aŋgàa Ntum 7:45

Wón véví nèn wìy sìíy, e sə̀ fo atàr vesən víyi, a beʼ, a wìy sho fèn. A ghán sin si‑iì dzə̀ se wùn à Joshua‑aà faasì nsay fo vitúm ve ví‑iì dzə́ fèn vi, a ghán Nyùy fo mbìy, jum vitúm vee shooy. Kibàn kee shooy ki nèn a dzə fèn, e meé e ghan se Fòn Davir‑iì sáʼ woŋ və̀n.

Ŋwàʼ woó Rom 1:1

Ŋwàʼ və̀ne sàŋ mo woo Por, a m dzə̀ kém ji ŋgaà lìm Jesus Kristu. Wù‑uù lì mo ji m wáa dzə ŋgaà ntum və, e lèm ji m wáa fìʼtì a sáʼka Nyùy wo juŋ.

Remrí 1:38

Kù wíy nəə́ Joshua woo wan Nun, wun woo ŋgaà wò ntom. Ku tàvír wun, bìʼ fo wíy tsəəné wun wír veé Isray, aá du, e yòv fó.

Remrí 31:23

Nyùy Tàr nèn lèm Joshua woo wan Nun ji kilìmbìy, e yòŋ sho jii, «Kúr tímé, e wày ŋàŋ, bìʼ fo à yíi lì wír veé Isray vìn, e dù sho e wòŋ wo mò‑oò kàʼàn áwune shó. M kù wíy a dzə wòsò.»

Remrí 31:3

Nyùy Tàr woo Nyùy won, wúnwun yíi liysín Jordan e věn mbìy. Wù kù wíy a dù e věn mbìy, a tòn vitúm ve ví dzə́ fo, é vèn fiʼ yòv nsay yev. Joshua wíy a tsəəné ven mo Nyùy Tàr‑iì yòŋèn.

Remrí 33:1

Bo Mooser woo *ŋgaà ntum Nyùy wáa kpu, wù‑uù lòn kisəəvì bìʼ rám seé Isray.

Remrí 34:12

Bó wùmòʼ woo ŋgaà ntum Nyùy yòʼ kfə̀n‑eè yiì ne a dzə wó a ker vitaáví ve ghaʼán ví, vé a yiì kfəə́ se viŋgaʼnìn ve vinyò, à vinyo ve beemén ví vee moo ve Mooser‑iì yiìn e wìr dzə̀m woó Isray si.

Remrí 34:5

Á bèy, Mooser woo ŋgaà lìm Nyùy Tàr nèn kpù fó e nsay Moav, kù mo Nyùy Tàr‑iì suuyin.

Remrí 34:9

Bo Mooser wáa kpu bèy, a wù‑uù neèr ne wó rə́ e Joshua woo wan Nun kitu ji wù wíy a dzə a njìlaʼ və. Nyùy Tàr nèn fò vifií ve ghaʼán ví e Joshua. Á bèy, wír veé Israyi nèn a ghvəm wun, a yiì kinyo kidzə̀m ke Nyùy Tàr‑iì yòŋèn e Mooser.

Titur 1:1

Ŋwàʼ və̀ne sàŋ mo woo Por wo dzəə̀n ŋgaà lìm Nyùy, e kfə̀n a dzə ŋgaà ntum Jesus Kristu. A lim yémé dzə̀ ji m sə́ á wír ve Nyùy shoʼon ji və́, aá maysi, e wày shilív é wùn wó, e kìíy kinyo kfə́ ke ru kí, a ghan moo wír və́.

Jeem 1:1

Ŋwàʼ və̀ne sàŋ mo woo Jeem wo dzəə̀n ŋgaà lìm Nyùy wùn Taàtá wòsən Jesus Kristu. A m sàŋ, a shàʼtì ven vee wír Nyùy ve á taʼrin, a dzə woŋ dzə̀m.

Joshua 1:15

e meé mo Nyùy Tàr yíi yiì, vèn maʼ rə́r, sí bórí, aá yov nsay ye Nyùy Tàr‑iì foon aáwune. Á yovì, é bo vèn kfə́n é bàm, e yòv yéen yee nsay ye Mooser woo ŋgaà lìm Nyùy‑iì foon e vèn ji yéen é ndzə̀n Jordan fèn, e mbìv yee fo shùy yii tó.»

Joshua 1:2

«Mooser woo ŋgaà lìm wom kpù ne, lò ri lèn, e tùm ndzə́v yee Jordane. Ku lì wír vìne, aá du, e nə̀ə́ e wòŋ wo m sí fó aáwune vee rám Isray.

Joshua 12:6

Á afon vee abaà ve Mooser woo ŋgaà lìm Nyùy Tàr wùn à wír veé Israyi‑iì tònèn. Mooser woo ŋgaà lìm Nyùy Tàr nèn fò nsay yev e kfə́ə Rubene, à yé Gadi, à kintoʼnìn ke yé Manasse ki, ji vitsə́ʼ vév.

Ŋgaà Yen 1:18

a m dzə̀ shó ghán sidzə̀m. Mò‑oò lo kpù, yii bèy, m sì lèn e tin, a m gòʼ ne kàŋ mòʼón. Kinyo kee kùm kpú ki dzə̀ a dzə̀ e mǒ kiwo, a kér mo kimbàʼ ke dzə̀ kí mvə̀ʼ shúu wòŋ aŋkfə.»