Màŋgòŋ e dzə̀m wo wù‑uù kfənen é bàm fo vé‑eè koon áwune, e dù sho‑oò fèr táv sí, a dzə sho, a sheʼrí e ŋàŋén. Wír veé Israyi yòʼ‑oò yiì yì ŋkàʼ vən e dzəə foo fèy, e kèʼ fo Joshua woo wan Nun ghan, e wìy, e meé e ghan fen.
Wón véví nèn wìy sìíy, e sə̀ fo atàr vesən víyi, a beʼ, a wìy sho fèn. A ghán sin si‑iì dzə̀ se wùn à Joshua‑aà faasì nsay fo vitúm ve ví‑iì dzə́ fèn vi, a ghán Nyùy fo mbìy, jum vitúm vee shooy. Kibàn kee shooy ki nèn a dzə fèn, e meé e ghan se Fòn Davir‑iì sáʼ woŋ və̀n.
Nyùy Tàr nèn lèm Joshua woo wan Nun ji kilìmbìy, e yòŋ sho jii, «Kúr tímé, e wày ŋàŋ, bìʼ fo à yíi lì wír veé Isray vìn, e dù sho e wòŋ wo mò‑oò kàʼàn áwune shó. M kù wíy a dzə wòsò.»
Nyùy Tàr woo Nyùy won, wúnwun yíi liysín Jordan e věn mbìy. Wù kù wíy a dù e věn mbìy, a tòn vitúm ve ví dzə́ fo, é vèn fiʼ yòv nsay yev. Joshua wíy a tsəəné ven mo Nyùy Tàr‑iì yòŋèn.
Bó wùmòʼ woo ŋgaà ntum Nyùy yòʼ kfə̀n‑eè yiì ne a dzə wó a ker vitaáví ve ghaʼán ví, vé a yiì kfəə́ se viŋgaʼnìn ve vinyò, à vinyo ve beemén ví vee moo ve Mooser‑iì yiìn e wìr dzə̀m woó Isray si.
Bo Mooser wáa kpu bèy, a wù‑uù neèr ne wó rə́ e Joshua woo wan Nun kitu ji wù wíy a dzə a njìlaʼ və. Nyùy Tàr nèn fò vifií ve ghaʼán ví e Joshua. Á bèy, wír veé Israyi nèn a ghvəm wun, a yiì kinyo kidzə̀m ke Nyùy Tàr‑iì yòŋèn e Mooser.
Ŋwàʼ və̀ne sàŋ mo woo Por wo dzəə̀n ŋgaà lìm Nyùy, e kfə̀n a dzə ŋgaà ntum Jesus Kristu. A lim yémé dzə̀ ji m sə́ á wír ve Nyùy shoʼon ji və́, aá maysi, e wày shilív é wùn wó, e kìíy kinyo kfə́ ke ru kí, a ghan moo wír və́.
e meé mo Nyùy Tàr yíi yiì, vèn maʼ rə́r, sí bórí, aá yov nsay ye Nyùy Tàr‑iì foon aáwune. Á yovì, é bo vèn kfə́n é bàm, e yòv yéen yee nsay ye Mooser woo ŋgaà lìm Nyùy‑iì foon e vèn ji yéen é ndzə̀n Jordan fèn, e mbìv yee fo shùy yii tó.»
Á afon vee abaà ve Mooser woo ŋgaà lìm Nyùy Tàr wùn à wír veé Israyi‑iì tònèn. Mooser woo ŋgaà lìm Nyùy Tàr nèn fò nsay yev e kfə́ə Rubene, à yé Gadi, à kintoʼnìn ke yé Manasse ki, ji vitsə́ʼ vév.
a m dzə̀ shó ghán sidzə̀m. Mò‑oò lo kpù, yii bèy, m sì lèn e tin, a m gòʼ ne kàŋ mòʼón. Kinyo kee kùm kpú ki dzə̀ a dzə̀ e mǒ kiwo, a kér mo kimbàʼ ke dzə̀ kí mvə̀ʼ shúu wòŋ aŋkfə.»