Joon 9:5 - ŊWÀʼ NYÙY

⁵ Mo m dzə̀ə́ e ndzə fèn, m dzə̀ rán ye yí kaʼày wír veé ndzə.»

Joon 9:5 Iomraidhean Croise

Aysaya 49:6

«Bó yòʼ dzə̀ à kù jòʼsì cáʼ ji wír wom lìm. Yòʼ dzə̀ cáʼ ji à ku lì rám Jakov, é yí wiy fo mǒ wùn. Yòʼ dzə̀ cáʼ ji à wiy e kibér ke wìr keé Isray ke kí bòyìn kí. Dzə̀ sá ji m yíi nàn wò ji kikaʼày fo wír ve bó yòʼ dzəə̀n veé Israyi, áà yii, é wìr msòŋ woó kitu ke nsay dzə̀m fiʼ lùŋ.»

Malakay 4:2

Yii bèy, fo ké ven ve á ghvə́m mo kí, kishiíy kee shooy ki wíy a dzə ke m wíy kwàŋrì vinyo tìítiy, e lùŋèr ven. Kí wíy fəəsín moo shúy yee tó kijàvndzə, lóo ban, é vèn wáa yor, a bonén. Bónenè, é vèn wáa liynín, kù moo wan nàʼ wo á sòrìn fó kibìn, wù wáa liy, a dù e kwaʼ.

Matio 4:16

wír vìn ve vé‑eè dzə́ e ndzə vitsə̀ʼə́ yèn ne rán ye ghaʼáné. Wír ve kpúu‑uù sùmèn, á wáa dzə e ndzə vitsə̀ʼ, shùy tò ne áwune.»

Matio 5:14

«A vèn kfə̀n dzə̀ moo kikaʼày ke kí kaʼày wír veé ndzə. Vèn kì sá jii, láʼ ye á bàʼrìn é kitu ke gwane yòʼ yii laynìnè.

Ŋwàʼ Luk 2:32

Wù wíy a dzə kikaʼày fo wír ve bó yòʼ dzəə̀n veé Israyi, aáwune fíʼ kiíy sa wò, a wù wíy nàn yír wìr vé veé Isray.»

Joon 12:46

M wìy e ndzə fèn ji m fíʼ a dzə rán, é la wìr wo wù wáy shilív e mǒ wùn yòʼ dzə́ə a ghan fo mesənér.

Joon 8:12

Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

Lim Aŋgàa Ntum 13:47

A Nyùy Tàr‑iì lo sùúy ji dzə̀ mo vèr ku fìʼtì, bìʼ fo wù‑uù suuyin kùm Jesus jii: « ‹M nàn ne wò ji kikaʼày fo wír ve bó yòʼ dzəə̀n veé Judàa ji à fíʼ yiì, é wír veé nsay adzə̀me luŋ.› »

Lim Aŋgàa Ntum 26:18

À wíy dù, e mvə̀ʼtì sí yév, e fəə́r áwune fó ndzə vitsə̀ʼ, e tiír fo meranén. A dzə̀ jii, à wíy fəə́r áwune fo Satan wo, e siìr e Nyùy mbìv, aá wáy shilív e mǒ wùn, é Nyùy laysin vinyo vév ve bi ví, aá wáa ker sa kilíŋ e wír ve Nyùy‑iì liìn ji və́ adzə̀mé mvəm.›

Lim Aŋgàa Ntum 26:23

Vé‑eè suuy jii, *Mfə̀ə́r wo Nyùy‑iì kàʼàn kù‑uù kér fó wìy yen ŋgeʼ, a dzə wír mbìy wóo fəə fo kpu, e fo rán e wír veé Juda wùn à ve bó yòʼ dzəə̀n veé Judàa.»

Efesor 5:14

Á kinyo ke kí‑iì yiìn, é bo á yoŋ kinyo kímóʼ kí jii: «Wò woo ŋgaà mbuùné, yìmène. Fəə́ fó sày ye à néŋ sho, é Kristu fó wò rán.»

Ŋgaà Yen 21:23

Wír vee fóo yòʼ dzəə́ kér shií é ŋwee, kìn shúy, bìʼ fo rán ye yí lo a dzə̀ fo Nyùy wùné bán fo ghán sidzə̀m. Wàn Njiì Nyùy kfə́n a dzə kikaʼày ke kí kaʼày fó.