Joon 9:4 - ŊWÀʼ NYÙY

⁴ Kí nén a dzə jii, vèsən kér fó a yiì lim ye Tàr wor wo wù‑uù tumen mo foon ji á wáa yiì, a ghán sí dzə̀ə́ sho. Ghán sí yíi mày moo ndzə ye yì loòn, e sàsìn, e sə̀n, é la wìr yòʼ dzəə yiì kinyo.

Joon 9:4 Iomraidhean Croise

Ŋgaà Tàrvìnyò 9:10

Kifá kidzə̀m ke à yuun fó a lìm, à kù a lìm vèn à shilív shé shi shidzə̀m, a lìm, a kiíy jii, aàŋkfəə́ wòŋ fo à du, bó á yòʼ yii lim lim fo, a bó wìr yòʼ kfə̀n kwaʼtì kinyo fo, a bó wìr yòʼ kiiy kinyo fo, é bo wìr wáa ker vifií fó.

Matio 20:7

Á bìnèr jii, ‹Bó wìr yoʼ lò fò ver lim ye vèr wáa lìm.› Wù nèn sùúy e wír vìyi jii, ‹Vèn du ri, a lìm sa e mǒ sum.›

Maak 3:3

Jesus nèn sùúy e wìr wo kiwó ki‑iì kpuun və̀y jii, «Lò é yuv, e kòʼtí fo mbìy.»

Joon 10:32

Wù dzə́r aáwune jii, «Vèn‑eè ló a yen, a m yii vinyo ve juŋ vi vinín, a ví lo a dzə̀ fo Tàr wor. Fo vinyò fèn, vèn taʼ ji vèn yúyrí mo a dzə̀ fo kiné kí lèn?»

Joon 10:37

A vèn yén, a vinyo ve m yii vìn vi yòʼ lo a dzə̀ fo Tàr wor Nyùy, la vèn yòʼ a biìmé kinyo kém.

Joon 12:35

Jesus bìnèr jii, «Wìr wo wù fó rán dzə̀ vèn áwune lèn, a bó wù yòʼ dzəə́ yiì dzə̀ʼtì ntàmda. Vèn wáa ghan ghán yén, aá dzəə́ yén rán yee shooy, fo ndzə yiì sàsìn, e sə̀n ven. Yì yíi sən, é la wìr yòʼ dzəə kìíy fo wù du.

Joon 17:4

A mò‑oò lo màysì lim ye wò‑oò foon e mò e dzə̀m, e dìn e nsay fèn mo vikuʼùy vé vi dzəə̀n.

Joon 4:34

Jesus suúy jii, «Vém vee vifá ve yi vi dzə̀ ji m yii kinyo ke wìr wo wù tumen mo, e màysì lim ye wù foon e mò e dzə̀m.

Joon 5:19

Jesus nèn lò, a suúy aáwune jii, «Vèn wáa kiíy rú ji bó yòʼ dzə̀ Wàn Nyùy wàa yiì kinyo ji yii wun, wù kù yii yii kinyo a dzə̀ ke wù yén, a Tàr wov yii. A Tàr yiì ka, bo Wàn kù yii kíwun,

Joon 5:36

«Kinyo kímóʼ kí nén a dzə sho, ke kí din mo m dzəə̀n, a kí shaà ké Joon. A kí dzə̀ jii, Tàr wor fò ne lim ye m wáa lìm. Vinyo ve m yii vìn vi nén a dìn ji tùm rú á Tàr wor mo.

Joon 7:33

Jesus nèn a suúy e wíri jii, «M dzəə́ yìi ndzə̀ytì vèsən fen shishàr, e nèn a kfən fo ŋgaà wo wù‑uù tumen mó wùn,

Lim Aŋgàa Ntum 4:20

A dzə̀ vèr kù a suúy kinyo ke vèr‑iì yenen, e kfə̀n yù.»

Galatia 6:10

Vèsən ku nèn a yiì a dzə̀ vinyo ve juŋ vi e wìr dzə̀m mo Nyùy fó kintóʼ, bo taaka wír ve vèsən áwune tatin, e wày shilív e Kristu wùn.

Efesor 5:16

Vèn li kilíŋ ke Nyùy foon e vèn, a yiì a dzə̀ vinyo ve juŋ vi, bìʼ fo vinyo ve bi ví kùʼùn é ghan sin e ŋàŋ.

Kolosia 4:5

Vèn lóo ghan vèn à wír ve bó yòʼ siìn vé Nyùyi, vèn kù a way vifií, a tàʼ a dzə̀ kintóʼ ke dzə̀ vèn dìn áwune kinyo ke ru kí.