Joon 8:9 - ŊWÀʼ NYÙY

⁹ Mo á yuun kee shooy, e nèn kèʼ, a làykìr amòʼón amòʼón, e kèʼ fo ŋgày sé wìr si, nèn sìíy jòʼsì Jesus wùn wiíy və̀y, a wù kù tíy fo.

Joon 8:9 Iomraidhean Croise

1 Afòn 17:18

Wù nèn sùúy e Elija jii, «Wìr Nyùy, à yiì kin e mò ben bìʼ ka? Wò‑oo wiy fen ji à kuúmé vinyo vém ve bi ví e Nyùy, e kfə̀n yiì, é wan wom kpú a?»

1 Afòn 2:44

Fòn kfən sùúy e Shimey jii, «À kì e wò vifii vinyo vidzə̀m ve wò‑oò bùʼùn e tàr wor Davir. Nyùy Tàr yíi siìr vinyo vee shooy e wò kitu,

Ŋwàʼ Jov 20:27

Yúví wíy sàr vinyo və́ ve bi ví vidzə̀m, é nsay binkir, e kìʼ wun.

Ŋwàʼ Jov 20:5

Bó kí yòʼ‑oò dzə̀ ji vijuŋ ve wìr wo wù méŋ Nyùy vi yòʼ yii tíytiyì, a shéʼe yòʼ yii laáti e wír ve bií shuù à?

Nsùyrì Nyùy 40:14

Ku màʼ wír ve á taʼ yuyrí moó, aá tátí, a woomé, a tùʼtìn. Ku màʼ wír ve á taʼ lemér moó, maʼà, aá woómé, a leʼkír.

Nsùyrì Nyùy 50:21

Vèn‑eè yii vinyo vìn, a m dzə́ kisə́sə, a vèn kwaʼtì ji m dzə̀ á moo ven. Yii bèy lèn, m kantì ven. M kù neer vinyo vén e věn si lèn tèéter.

Nsùyrì Nyùy 71:13

Ku màʼ wír ve á tóy vinyo e mǒ bàmé máʼan, aá woómé. Woómé si ku sùm wír ve á leey ji m lémé súmen.

Ŋgaà Tàrvìnyò 7:22

Wówò kitú ké, à kì ji à kuùrì ne sa wír ámóʼó akàŋ anín.

Ŋwàʼ Luk 13:17

Jesus suúy bey, aŋgaà və́ vibàné nèn a woomé, a kùʼùn wìr shéʼri kév a dzə̀ viŋgaʼnìn ve vinyò ve Jesus yii vidzə̀m.

Joon 8:10

Jesus nàn kitú, e dzə̀r shó jii, «Yaà, vé ve nsaʼ vìyi bèé? Wìr wùmòʼ yoʼ sùúy ji à kù kér fó kpu à?»

Joon 8:12

Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

Joon 8:2

Ndzə bvəə́shí, e jàv, wù kfən dù e lav cù. Wíri báʼtí e wùn ghaŋ adzə̀m, wù nèn dzə̀ʼə̀m fo nsay, a yeʼéy áwune.

Joon 8:3

Wír ve á yii duŋrì nsər Nyùy wùn à wír veé mbìv *Farasi ámóʼó nèn wìy e wiíy, aá koó é kwaʼ viŋkar. Á tiír wiíy və̀y fo ntìntìn,

Joon 8:8

Wù nèn kfə̀n gvə̀ʼə́r kitú kfə́, a saŋ kifá fo nsay.

Ŋwàʼ woó Rom 2:15

Kí nén a dìn jii, Nyùy‑iì lo wày á nsər see shooy sa aáwuné meliv. Melív mev mè kfə́n a dìn sa bèy, bìʼ fo áwune lóo yiì mo nsər taʼà mè wàa binsí, á lóo shoʼór, mè nèn a saʼ áwune.

Ŋwàʼ woó Rom 2:22

Aà kfə̀n suuy ji lá wìr lì wiiy wìr, à kù yòʼ lem saa? À nyaysì anyùy ve wíri cu, kù yòʼ du e virə̀ʼ vé cù foo fèy, taʼ kifá kée bàʼ shuu wó sho a?

1 Joon 3:20

A mè fə̀m lò, a saʼ vèsən, la vèsən yòʼ a fàn, bìʼ fo vèsən kiìn ji Nyùy kì vinyo vidzə̀m, e kfə̀n kìíy sa ji wù yòʼ dzə̀ moo melív mèsən, a dzə̀ wù kù rə̀r mendzən mèsən.