Joon 8:6 - ŊWÀʼ NYÙY

⁶ Áwune kù‑uù yutì a dzə̀ shúu və́ ji á fiʼ kòóy kinyo kée lor wun sho. Jesus ku gvə̀ʼə́r a dzə̀ kitú kfə́, a saŋ kifá fo nsay e wàn kiwo.

Joon 8:6 Iomraidhean Croise

Kèʼlo 49:9

Wan wom Juda, à dzə̀ ji bvərə̀ʼ. À kfə̀n ne e bàm fó kwaʼ jwim, à koò ne nyám sé, e kfə̀r. À kfə̀n ne e bàm, e nyàʼám, e nàsì vikoy ji á wò bvərə̀ʼ féyì. Yeè bvərə̀ʼ, a dzə̀ yùʼtí la wún, e sə̀ʼ wò?

Nsùyrì Nyùy 39:1

Mò‑oò shìvìr jii, «M yíi a tiír kiwúu kém, a fìʼ, ji lá m yòʼ a suúy kinyo ke dzə̀ kí wày mo é jay. Mo wír ve á méŋ wòo dzə̀ə́ e mǒ si, m yíi sətí shuu wóm.»

Ŋgàn 26:17

Wìr wo wù wáy shuu e kinyò ke kí yoʼ kùm wun dzə̀ moo wír wo wù yenen a jwi shaa, e bàm fó vitùʼùr.

Ŋgaà Tàrvìnyò 3:7

Ghán sée sàʼtì ndzə̀y sí dzə̀, a sée tsəmrí si dzə̀. Ghán sée gòʼ kisə́sə si dzə̀, a sé kisuŋnìn si dzə̀.

Jeremia 17:13

Éè Nyùy Tàr, wò woo fo kwaʼtì Israyi tíyí, wír ve á méŋ wòo wíy woomé. Wír ve á bin ndzə̀m e wòo wíy a dzə moo kinyo ke á saŋen é kibvə̀r, bìʼ fo á meŋen ne Nyùy Tàr, wun wo dzəə̀n ntoò ndzə̀v ye yì fəər mendzə́v me mè fó dzəʼə̀m.

Daniel 5:5

Kù mo á dzə́, nó, ghvə́m anyùy vìy, kiwó ke wìr ki nèn sàsìn, e fəə̀sín, a saŋ kifá e kirəv ke vé‑eè yoʼon é ntoʼ, a kí dzə̀ é ŋkìʼnìn kifa ke vé‑eè fèrìn, a tiír lam si shó. Á bèy, a fòn kù yén mo kiwó kìy ki sáŋ kifá.

Amos 5:10

Wír veé Isray, vèn ban wír ve á tínen kinyo e nsànloŋ, nyaysì wír ve á suuy suuyrú.

Amos 5:13

Bìʼ bey, fiì nen gòʼ kfə́ kisə́sə, bìʼ fo ghán sí kù siìn sé yiì ye bií.

Kintaŋ 14:22

bó wìr fo wír vìne yòʼ wíy nəə́ e wòŋ wo á du sho. Vé‑eè lo yèn rán yém ye ghaʼáné, e kfə̀n a yen viŋgaʼnìn ve vinyò ve mò‑oò yii e Ejiv, kfə̀n yii e woʼ fen, e kù a ghiʼ mo ghíʼín kàŋ e ghvə̀m, e tèn fó yu jí yem.

Matio 10:16

«Vèn wáa kiíy jii, m tsə̀nsí ven é kwaʼ bèn, a vèn du moo njiì wo wù du, e nəə́ e nyám se bi sí wo. Kí nén a dzə jii, vèn lóo ghan, á wàa fiír moo yó si, e kfə̀n a ghan ji weè moo vibìŋ, e làa yòʼ a ŋaʼrí.

Matio 15:23

Wù kú a toŋ bèy, la Jesus yòʼ a ghay. Wón və́ lìme nèn kòʼtí, e sùúy sho jii, «Ku kwàŋ kinyo ke wiíy və̀n ki, é wù bér njèʼèr, a dù.»

Matio 16:1

Wír veé mbìv *Farasi wùn à veé mbìv *Sadusìi nèn lò, e wìy yèn Jesus, a woóy wun, a tàʼ ji wù yii á kiŋgaʼnìn ke kinyò ke kí wáa dìn ji wù sə́ vitaáví a dzə̀ fo Nyùy.

Matio 19:3

Wír veé mbìv *Farasi ámóʼó nèn dù wìy, a woóy wun, a dzər sho jii, «Nsər yèsən biíme ji dzə̀ wír, wù fə̀ə́r wiíy və bìʼ kinyo kímóʼ kí gheéy á?»

Matio 22:18

Jesus kiíy kinyo ke vé‑eè woóne sho, e yòŋ aáwune jii, «Abìnbìnteʼnsə́m vin, vèn taʼ, a woóy mo ji ka?

Matio 22:35

Wìr wáa dzə e mvə̀m ŋgoo fèy, a wù yéʼéy ne nsər feyì. Wù nèn wòór kinyo, a dzər e Jesus jii,

Matio 26:63

Jesus ku nèn a tiy, e làa yòʼ a ghay. Taà cù wo kuʼùn və̀y nèn kfə̀n sùúy sho jii, «Ku lìʼ, e kàn yír Nyùy wo wù gòʼòn kàŋ mòʼón. Dzə̀ wò *Mfə̀ə́r woo Wan Nyùy moo ŋgáŋ á?»

Maak 10:2

Wír ve vé‑eè dzəə̀n é mbìv *Farasi ámóʼó nèn lò wìy, a woóy wun, a dzər sho jii, «Nsər yèsən biímé ji dzə̀ wír, wù fə̀ə́r wiíy və á?»

Maak 12:15

Vèsən wáa màʼ, mo la á yòʼ a màʼ a?» Jesus kiíy kinyo ke vé‑eè woóne sho, e bìnèr jii, «Vèn wooy mo bìʼ ka? Vèn wiy e sí mbàm yee *danarìi, é m yén.»

Maak 3:2

Wír ámóʼó nèn a shweʼ ji á koóy á lor wóo lor Jesus sho, a leéy ji a wù lòo dzə, e fèr wír woo shooy e kishiíy ké bam, bo áwune kòóy ne a kinyo.

Maak 8:11

Wír ve vé‑eè dzəə̀n é mbìv *Farasi ámóʼó nèn wìy, a woóy Jesus, a yùtì ji wù ku yiì a kiŋgaʼnìn ke kinyò ke kí din ji wù sə́ rú vitaáví a dzə̀ fo Nyùy.

Ŋwàʼ Luk 10:25

Wìr wo wù kiìn nsər wùmòʼ nèn wìy wìy, a woór kinyo, a dzər e Jesus jii, «Ŋgaà Yèʼey, kinyo ke dzə̀ m kù yiì, e bóo nəə́ e dzə̀ʼə̀m yee là may ki dzə̀ ka?»

Ŋwàʼ Luk 11:16

Aámóʼó ghíʼ Jesus ghíʼín ji wù yii ri a kiŋgaʼnìn ke kinyò ke kí wáa dìn rú ji vitaáví və́ ví lo fo Nyùy.

Joon 8:2

Ndzə bvəə́shí, e jàv, wù kfən dù e lav cù. Wíri báʼtí e wùn ghaŋ adzə̀m, wù nèn dzə̀ʼə̀m fo nsay, a yeʼéy áwune.

1 Korin 10:9

Lá vèsən yòʼ a ghiʼ sa Nyùy ji wù ku yiì kinyo mo wír vìn ámóʼó‑oò ghíʼí, Nyùy nèn tsə̀nsí yó, sí térí wír vee shooy, e laàr.