Joon 8:54 - ŊWÀʼ NYÙY

⁵⁴ Jesus bìnèr jii, «A m lò, a suúy kitú kém, bo dzə̀ kinyo kisáŋ. Kù din Tàr wor mo m dzəə̀n. A kù dzə̀ wun woo shó wo vèn yoŋ ji Nyùy won.

Joon 8:54 Iomraidhean Croise

Joon 8:50

M yii bèy, a bó m yòʼ leey ji wíri wáa burí a dzə̀ mo. Kù gwarìr Nyùy kee shooy, a kù wíy bìnèr wun fo fo.

Ŋgàn 25:27

Vilu vee lá, e tònén vi yoʼ bòŋ, réŋréŋ mo nsùyrì wo wìr suyrì kitú kfə́ yoʼ bòŋ.

2 Pita 1:17

Tàr wov Nyùy‑iì din vikuʼùy və́ vé saʼ, a vèr dzə̀ fó. Vèr yú mo wun wo dzəə̀n Vitú ve Saʼ suuy kùm Jesus jii, «Və̀n dzə̀ Wán wom. M koŋ wun e ŋàŋ. Wù bòŋ mo féyì.»

2 Korin 10:18

A kí dzə̀ jii, a wìr lò, a suúy a dzə̀ kitú kfə́, la wíri yòʼ a yen. Vitaáví vé Nyùy vi lóo yensín e wìr lìm, á nèn a yen.

Lim Aŋgàa Ntum 3:13

Yiì Nyùy ji wun kóʼór yír Jesus woo Ŋgaà və Lìm, wun woo Nyùy wo dzəə̀n wo atǎr ram yesən. Dzə̀ Nyùy Abraham, à wo Aysi, à wo Jakov. Jesus woo shooy dzə̀ wo vèn‑eè gòvtìn, e lì, e fò e vé saʼa, Payler lòo màʼtì, vèn sháʼnín.

Joon 17:1

Mo Jesus suuyin vinyo vìn ví mày, wù nàn sí, e lèéy yúv, e yòŋ jii, «Tàr, ghán sí ghèén ne. Ku dìn rì vikuʼùy vé Wan wò vi ji wíri lóo yen, aá wáa yen vikuʼùy a dzə̀ vé.

Joon 8:41

Vèn yii kinyo a dzə̀ ké wóon woo tàr.» Áwune nèn sàyín jii, «Vèr yòʼ dzə̀ atáfójiy, vèr kì tàr wor e mòʼón, a dzə̀ Nyùy.»

Joon 7:18

Wìr wo wù yii kinyo ji yii wun, ŋgaàŋ taʼ a dzə̀ ji wíri wáa burí wun. Wìr wo wù kù yii taʼ kfə́ ji á wáa burí a dzə̀ wír wo wù tumen wun, nén a suúy a dzə̀ vinyo ve ru ví, a bó yòʼ dzə̀ wù lòʼ kinyo.

1 Pita 1:21

Vèn nén a way shilív e Nyùy wùn lèn, a dzə̀ bìʼ Kristu wo wù‑uù tumen, wù wìy, e kpù fo vèn. Wù kfən fə̀ə́r fo kpu, e bùʼ e vikuʼùy və́ ví. Melív men mè nén a tiy lèn a dzə̀ e Nyùy wùn, vèn wáa leéy fó mbìy ji wù li sá ven, e wày e wùn mvə̀m vijùŋ foo fèy.

1 Pita 1:12

Nyùy nèn yiì, áwune kiíy ji vinyo ve áwune rə́si tiísi vìn vi yòʼ waà wíy koóy aáwuné ghan. Ví wìy sìíy, a koóy a dzə̀ e věn kiwo. Nén a dzə víwun ve vèn sí yú lèn fo wír ve á fiʼtì sáʼka Nyùy wo juŋ e vèn, aá fiʼtì a dzə̀ mo Kiyoy ke Nyùy‑iì tumen fó yuv kí bánri áwune, réŋréŋ mo wù‑uù bánri vee fó mbìy. A vèn nə̀ə́ ne lèn e vinyò a dzə̀ ve nshèelav se Nyùy si diy feyì ji á kiíy á mo ví dzəə̀n.

Joon 17:5

Tàr wor, ku kfə̀n fò mo vikuʼùy vém viy lèn wo m tíy e wò si və̀n, vikuʼùy ve mò‑oò sí kér wòsò, é bo ndzə wìy a dzə.

Joon 7:39

Jesus wáa suúy kin, a wù yoŋ a dzə̀ Kiyoy ke Nyùy ke wír ve á wáy shilív e wùn wùné wíy a ker. Wáa dzə e ghan see shooy, a bó Nyùy yóʼ ne tùm Kiyoy kee shooy, bìʼ fo wù yòʼ‑oò ló ne kòʼór Jesus, wù nəə́ e wùn vikùʼùy.

Joon 5:41

«A bó m yòʼ fə̀m suuy bèn ji wáa binsí wír kinyo kém.

Joon 2:11

Jesus‑eè yiì kinyo kìn e Kaana woó Galeli foo fèy, a dzə̀ kiŋgaʼnìn ke kinyò ke mbìy ki ke wù‑uù dìnèn, wíri wáa yen vitaáví ve Nyùy foon shó. Mo wón və́ lìme yenen, e nèn màysì, e wày shilív é wùn wó.

Hosea 1:9

Nyùy Tàr nèn kfə̀n yòŋ e Hosea jii, «Shù yír wan və̀ne jii, ‹Bó yòʼ dzə̀ wír vém.› Ku shù bèy, bìʼ fo wír veé Israyi yòʼ dzə̀ə́ wír vém, a m yòʼ kfə̀n dzə̀ə́ Nyùy wov.

Aysaya 66:5

Vèn yuúrí kinyo ke Nyùy Tàr suuy ki, ven ve á kér shií ji á yuúrí jí Nyùy Tàr, fan fó lì fo tèr. Wù suuy e vèn jii, «Afə́r vén veé Isray ámóʼó ban ven, méŋ ven, bìʼ fo vèn yoy, tiir a dzə̀ e mǒ wùn. Áwune té lám jii, ‹Nyùy din ri vikuʼùy və́, e bòyìr ven, é vèr yén mo vèn shéʼri.› Áwune té lám bey, a dzə̀ áwune ve m yíi yiì, aá wáa woomé.