Biblia Todo Logo
Bìoball air-loidhne

- Sanasan -




Joon 8:52 - ŊWÀʼ NYÙY

52 Wír vìyi nèn kfə̀n sùúy jii, «Vèr kìíy ne rú lèn ji à shèm ŋgoo anyùy. Abraham woo tàr à ram yér‑iì lo kpù, *aŋgàa ntum Nyùy adzə̀me kpúkír sá. Aà suuy ké fèn ji a wìr yú kinyo ké, lemè, la wù yòʼ dzəə wìy kpù.

Faic an caibideil Dèan lethbhreac




Joon 8:52
14 Iomraidhean Croise  

Ke vèsən yén lèn ki dzə̀ Jesus wo wù sáʼ vifá vìn vidzə̀m. A Nyùy‑iì lo lèm wun fo nshèelav sə́ sí mbìv tsə̀n e bǎm shintàm. Wù‑uù lèm bey ji Jesus kpú á fo wìr dzə̀m mo wun woo Nyùy‑iì shamen áwune, e sìysì. Wáa dzə lèn, a Nyùy búʼ ne wun, e fò vitaáví vé saʼ sho ji á wáa ghvəm, a yu fo fo, bìʼ fo wù‑uù biimen ŋgeʼ, e kpù fo wíri.


Vé wòŋe kfən lò, e jàŋ wír wo yì‑iì siìn mfìr woo shooy fo akàŋ vee abaà, a suúy sho jii, «Lìʼ yír Nyùyi, e sùúy kinyo ke ru kí. Vèr kì féyì ji Jesus və̀n dzə̀ á wír wo bi.»


Wír vìyi nèn lò, a kuùrì kuùrìn jii, «Vèr ku lò sùúy rú ji à dzə̀ á rim woó *Samaria, *nyùy wùmòʼ jívir wò.»


Wír vìn adzə̀me‑eè ló a dzə, a bó á yòʼ‑oò lo kòóy vifá vidzə̀m ve Nyùy‑iì kàʼàn áwune shó, e wìy a kpukír, aá kù wáy shilív a dzə̀ e Nyùy wùn. Yii bèy, a vé‑eè ló a yen vinyo vee shooy, a ví dzə̀ə́ kwaʼda, a sheʼrí, a yòŋ vitú vév ji áwune kù dzə̀ á viŋgwìy, aá bee beèn é nsay fèn.


«Vèn wáa kiíy rúrú jii, a wìr yú kinyo kém, yii mo kí dzəə̀n, la ŋgaàŋ yòʼ dzəə wìy kpù.»


A kù dzə̀ mo vé‑eè tuʼùr Joon. Wù‑uù wìy, e làa yòʼ a ghan, a yinín, a nonín, á wáa kuù ji ŋgaà ŋgoo Satan.


A Joon‑eè lo fìʼtì wír wo dzəə̀n Jesus Kristu və̀n. Yì‑iì dzə̀ é ghan símóʼ sí, atǎr wòŋ veé Judàa túm atàá cù ámóʼó fó Jerusalem wùn à wír veé ram Levìi ji á du, e yèn Joon, e dzə̀r shó a jii, sà dzə̀ wun la á?


Wíri bìnèr jii, «À dzə̀ ben, a nyùy wùmòʼ jívir vifií vé. Wìr wo wù taʼ ji wun yúyrí wò dzə̀ la?»


Vé wòŋe nèn a ghaynín jii, «Wù yíi yuyrí kitú kfə́ yuyrín a, e bó a suúy ji bó yòʼ dzə̀ vèsən wìy fo wù du?»


Yii bèy, a bó vèn yòʼ kì wun gheéy. Kù kì mo. A m lò, a shaʼnín ji bó m yòʼ kì, bo m dzə̀ ŋgaà kimboʼtì sa moo ven. M kì wun feyì, a m yú kinyo kfə́, lemè.


Jesus bìnèr jii, «A wìr koŋ mo, wù nèn a lèm kinyo kém, é Tàr wor nèn a kòŋ sa ŋgaàŋ, é vèr Tàr wor wiy, é vèr à ŋgaàŋ wáa dzə.


Vèn kuúmé kinyo ke mò‑oò suuyin ji bó wàn lìm yòʼ yii kuʼ, shaa tàr wov. Mo vé‑eè sí ban mo, bo kù dzə̀ sá, á wàa bàn ven. A dzə̀ ji vé‑eè yú kinyo kém, bo á wáa yu sa kén.


«Mò‑oò ló a dìn mo wò woo Tàr wor dzəə̀n e wír ve wò‑oò shoʼon fo veé ndzə fèn, e fò ji vémé. Kù‑uù kér wò wír vee shoon, e bóo fo ji vém. A vé‑eè lo yù kinyo ké, e kù nèn lèm.


Lean sinn:

Sanasan


Sanasan