Joon 8:41 - ŊWÀʼ NYÙY

⁴¹ Vèn yii kinyo a dzə̀ ké wóon woo tàr.» Áwune nèn sàyín jii, «Vèr yòʼ dzə̀ atáfójiy, vèr kì tàr wor e mòʼón, a dzə̀ Nyùy.»

Joon 8:41 Iomraidhean Croise

Ŋwàʼ Fəə 4:22

Áà kfən sùúy e Farao ji mo woo Nyùy Tàr suuy a jii, ‹Isray dzə̀ wán wom mbìy woo lumèn,

Aysaya 63:16

Nyùy Tàr, à dzə̀ Tàr wor. A fə̀m dzə̀ ji Abraham méŋ ver, Isray méŋ sá ver ji vèr yòʼ dzə̀ wír vee wun ram, éè Nyùy Tàr, bo à kù dzə̀ Tàr wor. À kù‑uù sì Mfə̀ə́r wor, e kèʼ fo yàŋgùʼ.

Aysaya 64:8

Yii bèy, Nyùy Tàr, kù dzə̀ wò wo à dzəə̀n Tàr wor. Vèr dzə̀ kér nsay mbóm, aà dzə̀ ŋgaà mbom. Kù bòm wò ver wir dzə̀m e wó yée.

Jeremia 3:19

«Wír veé Isray, mò‑oò yén jii, m yíi lèm a ven jeéy e wón vém adzə̀mé mvəm, e fo ven nsay ye juŋ, vitsə́ʼ, a ví bòŋ feyì, e shaà ve ví dzəə̀n é vitum vímóʼ ví. M kfə́n a ki ji vèn yíi a yòŋ a mo ji Tàr won, a ghan e mǒ mbòv, e làa yòʼ bìn ndzə̀m e mò.

Jeremia 31:20

Nyùy Tàr suuy jii: «Bó rám Efrayime yòʼ dzə̀ ji wán wo m kòŋèn a? Kí m tìír vifií é wùn wó feyì? Fə̀m mo m lo, m wàa suŋnín e wùn wó, m kù dzəə́ kér shíi və. M lo, m kù a yar jíŋ rə, a m kù wíy sham mendzən mvə.

Hosea 1:2

Yì‑iì dzə̀ é ghan se Nyùy Tàr‑iì kèʼèn, a suŋnín e Hosea ji wù lo ntum rə, wù‑uù sùúy shó jii, «Dùu, e tàʼ wiíy, e wày é lav, lóo way, à wàa kiíy ji yeè lav wò və̀n wíy a ghan a ghán kisaŋe, e dzəə́ wón é ndzə. Kù dzə̀ kíwun ke wír vémé yii e mò. Á ŋwày ne mo woo Nyùy Tàr, e toòmé liì kisaŋ, a cù anyùy ve səné.»

Malakay 1:6

Nyùy Tàr woo Taà Mànjòŋ yoŋ aàtàá cù ve á káy wune jii, «Wóné kù yii lo, á wàa ghvəm atàr vév, aàkwàné yii ghvə́m atàr vév lìm. A fèn dzə̀ rú ji m dzə̀ tàr won, bo ghvə́m ye vèn fó e mòó bèé? Wáa dzə rú ji m dzə̀ tàr won lìm, bo yúnín ye vèn yúnin moó bèé? Yii bèy, vèn ló kén, a dzər e mò jii, ‹Vèr kày wò e dzəə rəné?›

Malakay 2:11

Ven vee wír veé Judàa bìn ne ndzə̀m e Nyùy Tàr, e bùʼ rə́mrə́m kinyò e Jerusalem, e kù bùʼ bèy nsay Isray e dzə̀m. Á bìvír ne kirə́ʼ ké cù ke Nyùy Tàr kòŋèn é ŋàŋ. Áwune sí táti vijín wùn à vikìy ve á ghvə́m anyùy kisaŋe.

Joon 8:38

M fiʼtì vinyo a dzə̀ ve mò‑oò yenen e Tàr wór laʼ, a vèn yii kén vinyo a dzə̀ ve vén vee atàrí‑iì dànèn ven shó.»

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.

Remrí 14:1

Mooser kú a suúy e wír veé Israyi jii, «Vèn dzə̀ wón Nyùy Tàr woo Nyùy won. Wìr kpú, lá vèn yòʼ shùnrí wún wón, kìn ji á keŋri kitú kén fó vishi mo wír ámóʼó yii.

Remrí 32:6

Á mo a kì dzə̀ vèn lòvtí e Nyùy Tàr ben à? Vèn dzə̀ viyúŋ vé wíri, e kfə̀n a dzə anjìʼ. Kí dzə̀ wun Tàr won, a dzə̀ wun Ŋgaà Mbóm won. Bó yòʼ kù‑uù fèr wun ven ji kitúm à?

1 Joon 3:12

A bó kí yoʼ ghèén ji vèsən wáa yiì moo Keen. Wù‑uù dzə̀ kfə́ wan Satan woo ŋgaà vinyò ve bi ví, e nèn lò, e yùyrí wan yè wov. A yì‑iì yiì ka, bo wù wáa yuyrí fə́r və? Wù‑uù yúyri, bìʼ fo wù‑uù yii kfə́ a dzə̀ vinyo ve bi ví, a fər və yii ve juŋ vi.