Joon 8:2 - ŊWÀʼ NYÙY

² Ndzə bvəə́shí, e jàv, wù kfən dù e lav cù. Wíri báʼtí e wùn ghaŋ adzə̀m, wù nèn dzə̀ʼə̀m fo nsay, a yeʼéy áwune.

Joon 8:2 Iomraidhean Croise

Ŋgaà Tàrvìnyò 9:10

Kifá kidzə̀m ke à yuun fó a lìm, à kù a lìm vèn à shilív shé shi shidzə̀m, a lìm, a kiíy jii, aàŋkfəə́ wòŋ fo à du, bó á yòʼ yii lim lim fo, a bó wìr yòʼ kfə̀n kwaʼtì kinyo fo, a bó wìr yòʼ kiiy kinyo fo, é bo wìr wáa ker vifií fó.

Jeremia 25:3

«Sì lèn viyá nshòv sitaár e mbaà mo Nyùy Tàr kù tiísi kinyo kfə́ e mò. A wù‑uù kèʼ, a Fòn Josia woo wan Amon sáʼ ne e Juda kiyá nshòv sitaár e ghvə̀m. M ku nèn a fìʼtì ntum Nyùy e vèn là yar, e wìy meé lán, vèn ku tèn fó yu.

Jeremia 32:33

Áwune bìn ne ndzə̀m e mò, e laà yòʼ bìnkìr, a leéy a dzə̀ mo. Yii bèy, a m kù rə́si yéʼey áwune, la á yòʼ yuùrí kinyo kém, aá yoʼ sə̀ ntir.

Jeremia 44:4

Vé‑eè yii bèy, a m kù rə́si tsə́nsi vé lìm vém vee aŋgàa ntum adzə̀m fo áwuné wùn, kán wún jii, ‹Éè mò, la vèn dzə́ə a yiì vinyo ve joònè ve vèn yii, a ví bír mo vin.›

Matio 26:55

Jesus suúy bey, e dzə̀r e màŋgòŋ və̀y jii, «Vèn kì wiy ji vèn koó mo, wiy e nyùy sí wùn à vibur vi ben, a m dzə̀ shóŋ a? Mò‑oò rə́si yéʼey wíri é lav cù kishiíy mo kishiíy kí‑iì dzəə̀n, shém ka fo vèn koó mo é ghan see shooy?

Ŋwàʼ Luk 21:37

Jesus ku nèn a yeʼéy wíri é lav cù vishiíy vidzə̀m bèy. Yií lóo dzə vitsə́ʼ, wù lò, e kòʼ é Gwan Vicì vé Oliv, e shìíy fo.

Ŋwàʼ Luk 21:38

Ndzə bvəə́shi, javì, wíri nèn a banén e lav cù fó a yuurí kinyo kfə́.

Ŋwàʼ Luk 4:20

Jesus yòŋ bèy, e sə̀tí ŋwàʼ, e siìr e wìr wo wù‑uù lemè, e dzə̀ʼə̀m ji wun naarì kinyo kee shooy. Wìr dzə̀m wo wù‑uù dzəə̀n é ŋgày bùnrì foo fèy nèn shòvtí sí, a kiy wun.

Ŋwàʼ Luk 5:3

Wù nèn dù, e nə̀ə́ e kímóʼ kí, a dzə̀ ké Simon, e sùúy sho ji wù tsəʼ, é kí kóʼtí á fo ghaa kwaʼ shishàr. Wù tsə̀ʼ, Jesus nèn a dzə sho, wíri wáa dzə fo kwaʼ, wù wáa yeʼéy áwune.

Joon 4:34

Jesus suúy jii, «Vém vee vifá ve yi vi dzə̀ ji m yii kinyo ke wìr wo wù tumen mo, e màysì lim ye wù foon e mò e dzə̀m.

Joon 8:20

Jesus wáa suúy vinyo vìn e ghan se wù‑uù yéʼey wíri é lav cù, aáwune kaárí a dzə̀ é shùu buu fo á yii fó mbàm se Nyùy. A bó yòʼ‑oò dzə̀ wír, wù ghàr wun, bìʼ fo ghán se Nyùy‑iì sìysìn sí yòʼ‑oò ló ne ghèén.

Joon 8:3

Wír ve á yii duŋrì nsər Nyùy wùn à wír veé mbìv *Farasi ámóʼó nèn wìy e wiíy, aá koó é kwaʼ viŋkar. Á tiír wiíy və̀y fo ntìntìn,

Lim Aŋgàa Ntum 5:21

Áwune ku nèn a dù mo wù suuyin. Ndzə jàv, á nəə́ é lav cù, a yeʼéy wíri fó. Taà cù wo kuʼùn və̀y wùn aàŋgaà və́ ŋgoo nèn sìíy, e jàŋrì atǎr wìr veé Isray adzə̀m, wùn áwune dzə̀ʼə̀m, e tsə̀nsí vé rərí ji á du, e lì a wír vìy fo sháŋ, e wìy sho.