Joon 8:12 - ŊWÀʼ NYÙY

¹² Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

Joon 8:12 Iomraidhean Croise

Ŋwàʼ Jov 33:28

Nyùy tìn ne kiyoy kém fo aŋkfəə́ wòŋ, a m kù yíi a dzə sho, e bonén, e yen vishiíy.›

Nsùyrì Nyùy 18:28

Nyùy Tàr, à dzə̀ rú kikaʼày kém, à bìnèr ndzə yem ye sənér, yì kfə́n ji ye ranén.

Nsùyrì Nyùy 49:19

Yii bèy, a wù kù wíy jùmrì ŋgwàʼ atàr və́, e tatí áwune ve bó á yòʼ dzə́ə wìy yen rán.

Nsùyrì Nyùy 97:11

Wír vəə́ wáa sheʼrí wun mo á shéʼri ndzə ye yì ráné. Wír ve melív mev mè dzəə̀n tìítiyi wáa yu vijuŋ adzə̀m.

Aysaya 49:6

«Bó yòʼ dzə̀ à kù jòʼsì cáʼ ji wír wom lìm. Yòʼ dzə̀ cáʼ ji à ku lì rám Jakov, é yí wiy fo mǒ wùn. Yòʼ dzə̀ cáʼ ji à wiy e kibér ke wìr keé Isray ke kí bòyìn kí. Dzə̀ sá ji m yíi nàn wò ji kikaʼày fo wír ve bó yòʼ dzəə̀n veé Israyi, áà yii, é wìr msòŋ woó kitu ke nsay dzə̀m fiʼ lùŋ.»

Aysaya 50:10

Wìr fo věn mvəm wo wù wayin ŋàŋ, a ghvəm Nyùy Tàr, e wày ŋàŋ, a yunín ŋgaà lìm və dzə̀ la? A ndzə lòo dzə, e màʼ wun, wù wáa ghan, a ghaà virə́ʼ gháan, ŋgaàŋ kù tìír a dzə̀ Nyùy Tàr fó mbìy, a yeʼtí a dzə̀ e wun woo Nyùy və́ wùn.

Aysaya 9:2

Kí wíy a dzə jii: Wír ve vé‑eè dzə́ e ndzə vitsə̀ʼə́ yèn ne rán ye ghaʼáné. Wír ve vé‑eè dzə́ e wòŋ, a wú sə́n ji cùm, shùy tò ne áwune.

Hosea 6:3

Vèsən ku wày vifií a dzə̀ e Nyùy Tǎr wùn, e mùm kitávín ji vèsən kiíy wun kijuujùŋ. Rúrú, wù kù yíi wìy fo vèsən moo shúy ye yì tó kijàvndzə, a wù yòʼ‑óò ndzəy. Wù yíi rəə̀r vèsən moo wuú ye yí loon, nsay rə́, e kù rəə̀r moo wuú mbìyi yeé kimgbù ke wuu.»

Malakay 4:2

Yii bèy, fo ké ven ve á ghvə́m mo kí, kishiíy kee shooy ki wíy a dzə ke m wíy kwàŋrì vinyo tìítiy, e lùŋèr ven. Kí wíy fəəsín moo shúy yee tó kijàvndzə, lóo ban, é vèn wáa yor, a bonén. Bónenè, é vèn wáa liynín, kù moo wan nàʼ wo á sòrìn fó kibìn, wù wáa liy, a dù e kwaʼ.

Matio 5:14

«A vèn kfə̀n dzə̀ moo kikaʼày ke kí kaʼày wír veé ndzə. Vèn kì sá jii, láʼ ye á bàʼrìn é kitu ke gwane yòʼ yii laynìnè.

Ŋwàʼ Luk 2:32

Wù wíy a dzə kikaʼày fo wír ve bó yòʼ dzəə̀n veé Israyi, aáwune fíʼ kiíy sa wò, a wù wíy nàn yír wìr vé veé Isray.»

Joon 12:35

Jesus bìnèr jii, «Wìr wo wù fó rán dzə̀ vèn áwune lèn, a bó wù yòʼ dzəə́ yiì dzə̀ʼtì ntàmda. Vèn wáa ghan ghán yén, aá dzəə́ yén rán yee shooy, fo ndzə yiì sàsìn, e sə̀n ven. Yì yíi sən, é la wìr yòʼ dzəə kìíy fo wù du.

Joon 12:36

Mo ŋgaà ran və̀n dzə̀ə́ vèn áwune, vèn wáy shilív é wùn wó, e fíʼ a ker rán yee shooy.» Jesus fèr vinyo vìn e wíri vidzə̀m, e nèn màʼtì áwune, e dù, e lìr.

Joon 12:46

M wìy e ndzə fèn ji m fíʼ a dzə rán, é la wìr wo wù wáy shilív e mǒ wùn yòʼ dzə́ə a ghan fo mesənér.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Joon 3:19

A dzə̀ á kù lì lòn, bìʼ fo rán ye yí loòn fo Nyùyi wìyìn ne e ndzə fèn, á kú a kòŋ fó a ghan a dzə̀ é ndzə ye sənér, bìʼ fo á yii vinyo ve bi ví.

Joon 7:17

A wìr wày ji wun wáa yiì a dzə̀ kinyo ke Nyùy taʼà, ŋgaàŋ nèn wìy kìíy rú ji kinyo ke m yéʼey kìn ki sà lò fo Nyùy, mo kí lò a dzə̀ fo mò á.

Joon 9:5

Mo m dzə̀ə́ e ndzə fèn, m dzə̀ rán ye yí kaʼày wír veé ndzə.»

Lim Aŋgàa Ntum 13:47

A Nyùy Tàr‑iì lo sùúy ji dzə̀ mo vèr ku fìʼtì, bìʼ fo wù‑uù suuyin kùm Jesus jii: « ‹M nàn ne wò ji kikaʼày fo wír ve bó yòʼ dzəə̀n veé Judàa ji à fíʼ yiì, é wír veé nsay adzə̀me luŋ.› »

Lim Aŋgàa Ntum 26:23

Vé‑eè suuy jii, *Mfə̀ə́r wo Nyùy‑iì kàʼàn kù‑uù kér fó wìy yen ŋgeʼ, a dzə wír mbìy wóo fəə fo kpu, e fo rán e wír veé Juda wùn à ve bó yòʼ dzəə̀n veé Judàa.»

2 Pita 2:17

Vee shoon vee aŋgàa yeʼéyi dzə̀ moo ntòŋ sé ndzəv se sí yumkin ne, a bó yòʼ dzə̀ wìr lùŋ fó fo, e kfə̀n a dzə moo wuú ye yí kóʼkir, shwéri jùm. A Nyùy lèm ne kirə́ʼ fo wù wíy màʼ áwune, aá wáa neŋ fo e ŋòròʼ.

2 Pita 2:4

Vèn kì sá jii, Nyùy yòʼ‑oò ló a bavtí nshèelav sə́ se sí‑iì loòn, e kèʼ vinyo ve bi ví. Wù‑uù tàtí áwune, e dòm e biíntùr, a dzə̀ fo á néŋ lèn e ŋòròʼ, shiy a dzə̀ kishiíy ke Nyùy wíy tinén nsaʼ.

1 Joon 1:6

Kí nén a dzə jii, a wìr suuy ji wùn Nyùy dzə̀ kintatì, kfə̀n ghán e ndzə ye sənér, bo ŋgaàŋ bóʼti. Wù yòʼ dzəə́ yii kinyo ke Nyùy yén ji ke ru kí.

Ŋwàʼ Jud 1:13

Á kfə́n a dzə sa moo ndzə́v lome, ye shwéri lóo tsəy, vifə́yfə́y ví wàa fə̀ʼ, a dzə̀ joonè wo áwune yii. Aá kfə̀n dzə̀ moo mejiy me mè kár karín, a bó mè yòʼ sə́ŋ fo Nyùy keèrìn. A Nyùy nàŋsín ne kirə́ʼ é ŋòròʼ wo wù sə́n ji cùm fo wù wíy way áwune, aá wáa neŋ fo viyá viyá là may.

Ŋwàʼ Jud 1:6

A kù dzə̀ sá mo wù‑uù lovtin e nshèelav sə́ se sí‑iì loòn, a koʼnín, a shaà kilíŋ ke wù‑uù foon aáwune. Wù kúr áwune e sháŋ wo bó yòʼ dzə̀ wù bvə̀rkìr, e màʼ e ŋòròʼ, á wáa neŋ fo, a shìy kishiíy kee shó ke Nyùy wíy tinén nsaʼ wìr dzə̀m.

Ŋgaà Yen 21:24

Vitúm vidzə̀m vi wíy a ker rán a dzə̀ fó laʼ foo fèy, e bó a yen virə́ʼ, a ghan, áàfon véví wáa baʼtí bùʼ wov a dzə̀ fó.