Joon 7:6 - ŊWÀʼ NYÙY

⁶ Jesus bìnèr jii, «Ghán se dzə̀ m fəə̀sín sí yóʼ ne ghèén, a ghán sidzə̀m si kù dzə̀ sigheénén fo vèn.

Joon 7:6 Iomraidhean Croise

Nsùyrì Nyùy 102:13

Rúrú, à yíi nàn sí yé, e sham Sion. Sì ghán se à ku shàm Sion, a sí ghèén ne mo wò‑oò sìysìn.

Matio 26:18

Wù bìnèr jii, «Vèn du é mvə̀mlaʼ, yén kày, vèn sùúy shó jii, Ŋgaà Yèʼéy suuy a ji ghán sə́ sí ghèén a ne, a wun taʼ ji wùn à wón və́ lìme ku yì Ŋkǎʼ Yáʼayshaà a dzə̀ e wùn lav.»

Joon 13:1

Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.

Joon 17:1

Mo Jesus suuyin vinyo vìn ví mày, wù nàn sí, e lèéy yúv, e yòŋ jii, «Tàr, ghán sí ghèén ne. Ku dìn rì vikuʼùy vé Wan wò vi ji wíri lóo yen, aá wáa yen vikuʼùy a dzə̀ vé.

Joon 2:4

Wù yòŋ jii, «Yìy, à wáa bi mo shó ji m yée? Ghán se dzə̀ m kèʼ lim yém sí yóʼ ne ghèén.»

Joon 7:30

Á yú kee shooy, e nèn a tàʼ ji á koó Jesus, a bó yòʼ‑oò dzə̀ á kùm, bìʼ fo ghán se Nyùy‑iì sìysìn sí yòʼ‑oò ló ne ghèén.

Joon 7:8

Kú a dù ven fó kiŋkàʼ foo fèy, m yòʼ du. Sém see ghán sí yóʼ ne ghèén.»

Joon 8:20

Jesus wáa suúy vinyo vìn e ghan se wù‑uù yéʼey wíri é lav cù, aáwune kaárí a dzə̀ é shùu buu fo á yii fó mbàm se Nyùy. A bó yòʼ‑oò dzə̀ wír, wù ghàr wun, bìʼ fo ghán se Nyùy‑iì sìysìn sí yòʼ‑oò ló ne ghèén.

Lim Aŋgàa Ntum 1:7

Wù bìnèr jii, «Tàr wor sìysì ne fo wùn vitaáví ghán se kinyo kee shooy ki wíy koóy, e kfə̀n sìysì fìʼ, a bó yòʼ dzə̀ kirə́ʼ kén fóo kiíy.