Joon 7:44 - ŊWÀʼ NYÙY

⁴⁴ Ámóʼó wáa tàʼ ji á bám wun, yii bèy, e làa yòʼ kùm gheéy.

Joon 7:44 Iomraidhean Croise

Matio 12:14

Kí gháʼ wír veé Farasi vìy, á nèn fəə̀, e dù, a taŋ mo dzə̀ áwune ghàn, e bóo yuyrí Jesus.

Joon 7:30

Á yú kee shooy, e nèn a tàʼ ji á koó Jesus, a bó yòʼ‑oò dzə̀ á kùm, bìʼ fo ghán se Nyùy‑iì sìysìn sí yòʼ‑oò ló ne ghèén.

Joon 8:20

Jesus wáa suúy vinyo vìn e ghan se wù‑uù yéʼey wíri é lav cù, aáwune kaárí a dzə̀ é shùu buu fo á yii fó mbàm se Nyùy. A bó yòʼ‑oò dzə̀ wír, wù ghàr wun, bìʼ fo ghán se Nyùy‑iì sìysìn sí yòʼ‑oò ló ne ghèén.

Lim Aŋgàa Ntum 18:10

M leey fo wò, a bó yòʼ dzə̀ wìr lèmér wò. M dzəə́ kér wír anín e ntèʼ fen ve dzəə̀n vém.»

Lim Aŋgàa Ntum 23:11

Yiì lòo dzə vitsə́ʼ, Jesus wìy, e tìím e Por ghaŋ, e sùúy sho jii, «Kúr shilív shí, mo à suuyin mo é Jerusalem fèn, à kù kfə̀n wíy suúy e Rom.»