Joon 7:18 - ŊWÀʼ NYÙY

¹⁸ Wìr wo wù yii kinyo ji yii wun, ŋgaàŋ taʼ a dzə̀ ji wíri wáa burí wun. Wìr wo wù kù yii taʼ kfə́ ji á wáa burí a dzə̀ wír wo wù tumen wun, nén a suúy a dzə̀ vinyo ve ru ví, a bó yòʼ dzə̀ wù lòʼ kinyo.

Joon 7:18 Iomraidhean Croise

Ŋgàn 25:27

Vilu vee lá, e tònén vi yoʼ bòŋ, réŋréŋ mo nsùyrì wo wìr suyrì kitú kfə́ yoʼ bòŋ.

Kintaŋ 11:29

Mooser bìnèr jii, «Shii wò dzə̀ ka é kinyò ke kí kùmèn a dzə̀ mo? Kì yée fo wáa dzə ji wír Nyùy adzə̀me kì tiísi ntum rə? Wìr ku lì ji Nyùy Tàr kì wày á kiyoy kfə́ e wìr dzə̀m wùn féyì.»

Matio 6:9

Vèn lóo bùnrì, vèn wàa suúy jii: « ‹Tàr wor woó yuv, ku yiì, é wíri wáa ghvəm yír yé,

Joon 11:4

Jesus yú, e sùúy jii, «Bó yàsí və̀n yòʼ dzə̀ wo kpu. Kù dzə̀ ji wù yii, aá yén mo vitaáví vé Nyùy vi dzəə̀n, a burí a dzə̀ ŋgaà wo dzəə̀n Wan Nyùy.»

Joon 12:28

Wù nèn yòŋ jii, «Tàr, ku yiì, é wíri wáa ghvəm a dzə̀ yír yé.» Jì Nyùy nèn sùŋnín fo yuv jii, «M yiì ne, á wáa ghvəm, a m kfə̀n wíy yiì.»

Joon 12:43

A vé‑eè fan bèy, bìʼ fo á koŋ búrí a dzə̀ yé wíri, nèn laysìn búrí ye dzə̀ wàa burí Nyùy.

Joon 5:41

«A bó m yòʼ fə̀m suuy bèn ji wáa binsí wír kinyo kém.

Joon 8:54

Jesus bìnèr jii, «A m lò, a suúy kitú kém, bo dzə̀ kinyo kisáŋ. Kù din Tàr wor mo m dzəə̀n. A kù dzə̀ wun woo shó wo vèn yoŋ ji Nyùy won.

1 Tesalonika 2:6

Vèr yòʼ‑oò ló a tàʼ ghvə́m yímóʼó gheéy, kìn fo vèn, kìn fo wír ámóʼó.

1 Pita 4:11

A Nyùy bùʼ wír, wù kiíy mo dzə̀ wù fìʼtì kinyo, ŋgaàŋ wàa fìʼtì a dzə̀ kinyo ke kí lo fo Nyùy. A wo wìr woo mbùʼmé dzə̀ ji wù wáa sə wíri, ŋgaàŋ kù bàʼtí vitaáví ve Nyùy foon e wun vee shooy vidzə̀m, a sə wíri shó kijuŋ. Vèn ku nèn a yiì vinyo vidzə̀m bèy, ji wíri fíʼ a burí Nyùy bìʼ Jesus Kristu wo wù bánri ven, é bo á wáa yiì. Vèsən wáa burí wun, a koʼór yír rə́, é sáʼ rəə́ wáa dù fo mbìy viyá viyá, là may. Amen.

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.