Joon 7:12 - ŊWÀʼ NYÙY

¹² Wìr dzə̀m ku rə̀sí, a ghay a dzə̀ kinyo kfə́. Aámóʼó bínsi ji wù dzə̀ á wír wo juŋ. Aámóʼó sháʼnin shàʼnín ji wù taʼ, e boʼtí a wíri.

Joon 7:12 Iomraidhean Croise

Matio 10:25

Wàn lìm yii li kinyo a dzə̀ ké tàr wov, wánlè wìr ké ŋgaà lav. Mo á sí yoŋ mo wo m kér ven ji Satan, bo kén ke dzəə̀n wón vém kí wíy màysì, e fòy fòyìn.

Matio 21:46

á nèn a tàʼ ji á koó wun, e bóo màʼtì. A vé‑eè fan a dzə̀ màŋgòŋ wo wù‑uù dzəə̀n fó, bìʼ fo vé‑eè biíme ji Jesus dzə̀ á *ŋgaà ntum Nyùy.

Matio 27:63

e yòŋ jii, «Wìr wo kuʼùn, vèr kù dzəə́ kuúme kinyo ke sə́ŋgúm və̀y‑iì rə́si suuy e ghan se wù‑uù dzə̀ə́ e tin. Wù‑uù suuy jii, vishiíy ví wíy meé vitaár, é wun fəə́ fó kpu.

Ŋwàʼ Luk 18:19

Jesus dzə́r shó jii, «À yoŋ mo ji wír wo juŋ bìʼ ka? Wìr wo juŋ yòʼ dzə̀, kù jòʼsì Nyùy wùn mòʼón.

Ŋwàʼ Luk 23:47

Kitú ke vé rər ke kí‑iì tíy fo ki yén kinyo ke kí kooyin, a sùyrì Nyùy, a suúy jii, «Dzə̀ rú, wìr və̀n‑eè dzə̀ là njò.»

Ŋwàʼ Luk 23:50

Wìr wùmòʼ wáa dzə e Jerusalem e ghan see shooy, aá yoŋ ji Joosev, a dzə̀ wír woó ntèʼ yee Arimatia e wòŋ woo Juda foo fèy. Wù‑uù dzə̀ wír wo juŋ, yii mo Nyùy taʼà, kfə̀n shiy ghán se Nyùy wíy a saʼ vifon və́. Wù kfə́n a dzə sa wír fo vé wòŋ vìyí mvəm, a bó wù yòʼ‑oò ló a tiy e kinyò ke vé‑eè sìysìn, e yiì e Jesus.

Ŋwàʼ Luk 6:45

Vèn wáa kiíy jii, lóo dzə wír wo runen vinyo ve juŋ vi e wùn shiliv, wù nèn a suúy sa vinyo a dzə̀ ve juŋ vi. Lóo dzə wo runen vinyo ve bi ví e wùn shiliv, nèn a fəə kinyo ke bi kí fó shuù wo. A kí dzə̀ bey, bìʼ fo kinyo ke kí runen e wìr shiliv kí kù dzə̀ kíwun ke kí fəə́ fo shuù wo.»

Ŋwàʼ Luk 7:16

Wìr dzə̀m yén bey, wún wóví beémé. Á wáa sùyrì Nyùy, a suúy jii, «*Ŋgaà ntum Nyùy wo gháʼán fəə̀ ne e vèsə́n mvəm. Nyùy wìy ne fó sə wír və́.»

Joon 6:14

Wíri yén kinyo ke Jesus yiìn, a kí din vitaáví vé Nyùy, á nèn a suúy jii, «Wìr və̀n dzə̀ rú *Ŋgaà Ntum Nyùy wo vé‑eè shiy ji wù wiy é nsay fèn.»

Joon 7:32

Wír veé mbìv *Farasii yú mo wíri kfəynìn kinyo kee kùm Jesus kìn, e nèn dù, e sìysì wùn à vitú ve atàá cùu, á túm vé rərí ji á du, e koò á Jesus.

Joon 7:47

Vé Farasi vìyi nèn dzə̀r jii, «Wù dù ne sa, a laàrì sí yén a?

Joon 7:52

Á nèn dzə̀r shó jii, «À dzə̀ sá e ŋgoo wìr woó Galeli fèy à? Ku tàr Ŋwàʼ Nyùyi kijuŋ, áà yén ji bó yòʼ dzə̀ *ŋgaà ntum Nyùy wùmòʼ wìy fəə̀ fó Galeli foo fèn.» [

Joon 9:16

Wír Farasi vìy ámóʼó nèn sàyín jii, «Bó Jesus və̀n yòʼ dzə̀ wír wo wù lo ntum Nyùy gheéy, wù shóʼor nsər kishìíy ké bam.» Aámóʼó dzə́r kév jii, «A dzə̀ wír, a bó Nyùy yòʼ kì wun, wù wàa yiì viŋgaʼnìn ve vinyò vee ben à?» Á bìʼ bèy, e bvəə̀rí.

Lim Aŋgàa Ntum 11:24

Banabar və̀n‑eè dzə̀ wír woo nyaáŋ, a wù biímé Nyùy e ŋàŋ, Kiyoy ke Ranén kí wáa run e wun shiliv. Wír aníne nèn kfə̀n a biimé kinyo ke Jesus e Antiyok foo fèy, kintatì kfə́ kí wáa kùʼ.

Ŋwàʼ woó Rom 5:7

A dzə̀ kinyo kigháʼán féyì fo wìr kpú ji wun tín wír fo kpu, a fə̀m dzə̀ wír wo á taʼ, e yuyrí là njò. Yii bèy, a tàm wìr wùmòʼ kù yòʼ biìmé kpú bìʼ wír wo juŋ wùmòʼ.

Filipi 2:14

Vèn lóo yiì vinyo ve vèn yii vidzə̀m, lá vèn yòʼ a ghvə̀vrì, a bìʼ mbìʼ,