Joon 7:1 - ŊWÀʼ NYÙY

¹ Kee shooy ki shaà, Jesus kú a ghan a dzə̀ é Galeli foo fèy, e làa yòʼ a dù e mbìv Juda, bìʼ fo atǎr wòŋ veé Judàa‑aà sí wooy ji á yúyrí á wun.

Joon 7:1 Iomraidhean Croise

Matio 10:23

Kí nén a dzə jii, vèn nəə e ntèʼ, á lóo nyàvrì e vèn, vèn lèʼ, e dù e ntèʼ ye sən. A m suuy kinyo ke ru kí e vèn jii, vèn yòʼ wíy ghan ntèʼ seé Isray, é sí may, a bó ŋgaà wo yírí dzəə̀n *Wanwìr kfə́n é bàm.

Matio 21:38

Wír vìyi yén, a sí wiy wan ŋgaà sùm lèn, e nèn sùŋnín jii, ‹Və̀sə dzə̀ njìlaʼ ŋgaà sùm, vèsən yúyrí, e yòv súm.›

Maak 11:18

Vitú ve atàá cù wùn à wír ve vé‑eè duŋrì nsər Nyùyi yú kinyo kìy, e nèn a tàʼ dzə́ə ye dzə̀ á yùy Jesus sho. A vé‑eè fan fo wù səŋri wíri adzə̀m, bìʼ fo wìr dzə̀m‑eè sí yuúri yéʼéy rə́, kér gháʼ.

Joon 1:19

A Joon‑eè lo fìʼtì wír wo dzəə̀n Jesus Kristu və̀n. Yì‑iì dzə̀ é ghan símóʼ sí, atǎr wòŋ veé Judàa túm atàá cù ámóʼó fó Jerusalem wùn à wír veé ram Levìi ji á du, e yèn Joon, e dzə̀r shó a jii, sà dzə̀ wun la á?

Joon 4:3

Jesus yú ji leŋ woo shooyi dù ne, e mèé a fo wír vìyi, wù nèn lò fo wír veé Judàá mbìv wòŋ foo fèy, a kfən e mbìv Galeli.

Joon 4:54

Mo Jesus yiìn kin kee kinyo, ke kí wáa dìn vitaáví vé Nyùy, wáa dzə ve ví meen vibaà ve wù ku lò fo wír veé Judàá mbìv wòŋ, e wìy, e yiì e Galeli.

Joon 6:1

Kee shooy ki shaà, Jesus lò, e dù, e tùmsín kibáŋ keé Galeli ke á yoŋ sa ji keé Tiberia.

Joon 7:11

Atǎr wòŋ veé Judàa nèn dù, a dzə̀rnìn wun fo kiŋkàʼ fèy ji wù sà fèn bèé á?

Joon 7:13

A bó yòʼ‑oò dzə̀ wìr wàa binsí kinyo ke Jesus e ŋgèŋgèr, bìʼ fo vé‑eè fan vé wòŋe.

Joon 7:19

Mooser yòʼ‑oò lo fò nsər e vèn a? Wìr fo vèn wo wù lem nsər yee shooy dzə̀ la? Vèn kfə́n a tàʼ ji á yúyrí mo fó gha?»

Joon 7:25

Jesus wáa suŋnín bèy, wír veé Jerusalem foo fèy ámóʼó wáa ghaynín jii, «Wìr wo á taʼ ji á yuyrí və̀ne lèn,

Joon 7:35

Vé wòŋe nèn a kfə̀ynìn jii, «Jwè və̀n suuy ji wun du fèé, fo bó yòʼ dzə̀ vèsən yèn wun? A tàm bo wù taʼ, a ghan fo wír veé Juda ve á dzəə̀n é vitum vímóʼ ví, a yeʼéy wír vee fó.

Joon 8:37

M kì sá ji vèn dzə̀ rám Abraham. Yii bèy, a vèn kù taʼ ji á yúyrí mo, bìʼ fo kinyo kém kí yòʼ nəə e věn meliv.

Joon 8:40

M fiʼtì kinyo e vèn a dzə̀ ké ru kí, a m yù a dzə̀ fo Nyùy, a vèn kù taʼ ji á yúyrí mo yúyrín, a bó yòʼ dzə̀ mo Abraham‑eè yii.

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.