Joon 6:9 - ŊWÀʼ NYÙY

⁹ «Wánlè kér ntuʼ se kiban fèn sitàn, wùn à sə́ si sibaà. Yii bèy, kee shoon ki yòʼ mèé e gha fo màŋgòŋ və̀n?»

Joon 6:9 Iomraidhean Croise

Ŋwàʼ Luk 9:13

Jesus bìnèr kfə́ jii, «Kù yíi yiír ven wír vee shoon.» Á nèn sùúy jii, «Kifá ke vèr kér ki jòʼsì ntuʼ se kiban sitàn wùn à sə́ si sibaà, mo à kì yén ké ji dzə̀ vèr yùn vifá ve yi ve dzə̀ á yìír màŋgòŋ və̀n sho à?»

Maak 6:38

Jesus dzə́r jii, «Vèn kér ntuʼ se kiban sìsìʼ? Vèn du, e lèéy.» Á dù, e lèéy, e wìy, e sùúy ji ntuʼ se kiban si dzə̀ sitàn, a sə́ si dzə̀ fó ghaŋ a sibaà.

Matio 14:17

Áwune bìnèr jii, «Kifá ke vèr kér fèn ki jòʼsì ntuʼ se kiban sitàn wùn à sə́ si sibaà.»

Nsùyrì Nyùy 78:19

Áwune‑eè súŋnin kibí e Nyùy bàm jii, «Kù yòʼ dzə̀ Nyùy fò ver viyíkìr e woʼ fen a?

Matio 16:9

Vèn yòʼ sí yén vinyo, səəmè à? Vèn yòʼ dzəə́ kuúme ntuʼ se kiban see sitàn se mò‑oò jàvìn e wíri ansə̀kì atàn à? Vèn‑eè bàʼtí vimbéʼ ŋkaà sìsìʼ?

Maak 8:19

Mò‑oò lì ntuʼ se kiban sitàn, e bèʼtí, màŋgòŋ yí, a vilum dzə̀ ansə̀kì atàn. Vèn‑eè bàʼtí vimbéʼ ŋkaà sìsìʼ?» Á bìnèr jii, «Sí‑iì dzə̀ nshòv sibaà e ghvə̀m.»

2 Korin 8:9

Vèn kì sá mo Tàr wòsən Jesus Kristu‑uù shamen vèsən. Vifá vidzə̀m vi dzə̀, a yì‑iì kér wun, wù màʼtì bìʼ vèsən, e wìy e ndzə ji ŋgaà kitàn. A wù‑uù yii bèy, ji vèsən fíʼ nəə́ e Nyùy mvə̀m vikùʼùy.

Nsùyrì Nyùy 147:14

Wù yii, a nyaáŋ dzə́ e věn bìíy se wòŋ, fó ven vifá ve yi, a dzə̀ vé ntay vi.

Nsùyrì Nyùy 81:16

Yii bèy, é m wáa yiír ven e sáŋ ye juŋe, a yiír e dòŋ, é vèn wáa la, a kur.»

Remrí 8:8

Dzə̀ nsay, a kfə́ə saŋ yee *wit wùn à yee *barlìi boŋ fo. Vitiír vé *vayin wùn à vicí vé *fig vi, à vicí vé *grenadin vi, à vicí vé *oliv vi dzə̀ fó, e bóo lì sa vilu.

Ŋgaà Yen 6:6

M yú, a jì yìmòʼ súŋnin, koó mo yì lo fo vifá vee vikweè ve ví dzəə̀n é ghaa kàvàʼ vìy vi, suuy jii, «Wìr kér fó lì vilaʼày vee kishiíy kifur, e bóo yun taasa saŋ shó e mòʼón, kìn wó ŋgwàsáŋ e taár. Yii bèy, lá à yòʼ lùmèr meŋgvə́r wùn à meluʼ mè.»

Joon 11:32

Maria dù, e yèn Jesus, e tsə̀m é si wo, a suúy sho jii, «A wò‑oò dzə̀ fen, bo bó fər wom yoʼ kpù.»

Joon 11:21

Maata dù, e sùúy e Jesus jii, «Tàr, a wò‑oò dzə̀ fen, bo bó fər wom yoʼ kpù.

Joon 6:7

Filiv bìnèr sho jii, «Aá fə̀m yùn vifá ve yi e shùu danari ghii baà, la wír vìne yòʼ yì, e yù.»

Esiker 27:17

Wír veé Juda wùn à veé nsay Israyi‑iì kávnin wáy vèn áwune. Áwune‑eè kúvsin vifá vé e sáŋ yee *wit yee jeéyí, kfə̀n kúvsin e meŋkfəŋ memoʼ mè, kúvsin e vilu vi, kúvsin e meŋgvə́r me *oliv mè, e bóo lì kiláy kee *baam.

Nsùyrì Nyùy 78:41

Áwune‑eè mum wun à fó à fó, nyárir shilív shé wun woo Ŋgaà wo Ranén woó Isray.

2 Afòn 7:1

Elisha bìnèr jii, «Yuúrí ri jí Nyùy Tàr. Nyùy Tàr suuy jii, ‹E ghan fen kibvəə́shí, á bvəə́shi, a fìʼ meŋkfəŋ me kpuún mè, a fiìnè *shekel e mòʼón mòʼón, e kfə̀n a fìʼ sáŋ yee *barli mfìʼ sibaà, a fiìnè shekel e mòʼón mòʼón, e shùu kày yeé Samaria.› »

1 Afòn 4:28

Kfə̀n dzə̀ sá áwune ve vé‑eè fó yí nyàm se ŋkoʼ ye yì‑iì dzəə̀n sáŋ yee *barli wùn à visáŋsáŋ vé saŋ ví.

Remrí 32:14

Wù‑uù lìy áwune e nyèbàm, e lìy e vín bvəyi, e yìír e nyàm bvəy, e yìír e ye nàʼ. Nyám si, aá líy ben e mbòŋ e ŋgvən Bashan. Wù kfən yìír e meŋkfəŋ me sàŋ yee *wit me juŋ mè, e nòór e meluʼ me juujùŋ mè.

Joon 6:11

Á dzə̀ʼə̀m, Jesus lì ntuʼ se kiban sìy, e beèrì Nyùy, e fò ji á jav e wír ve á dzə́ fo nsayi. Wù kfən lì sa sə́, e yiì sho réŋréŋ bey, wìr wáa yi mo wù koŋè.

Joon 21:9

Á dù, e lòo fəəsín e ghaa kwaʼ, e yèn, a və́yí gheʼ fo e vikaysín, a sə́ si néŋ e kitu wo, a kibán ki dzə̀ sá fo.

Joon 21:10

Jesus suúy jii, «Vèn wiy e sə́ se vèn koon símóʼ sí.»