Joon 6:4 - ŊWÀʼ NYÙY

⁴ Wáa dzə e ghan see shooy, a sì ghán se wír veé Judàa kì sí yiì a ker *Ŋkǎʼ Yáʼayshaà.

Joon 6:4 Iomraidhean Croise

Cù 23:5

«Lóo dzə e ŋkuùr kishìíy kee nshòv sikweè e ghvə̀m fo ŋwee mbìyi, á yiì Ŋkǎʼ Yáʼayshaà, e ghvə̀m Nyùy Tàr.

Cù 23:7

Lóo dzə e kishiíy ké mbìy ki fó vishiíy ve dzəə̀n vé ŋkàʼ vən, vèn kaàrí, a bùnrì Nyùy Tàr. Lá wìr yòʼ yiì lim ye wù yii yii e vishiíy vee viy e kishiíy fen.

Joon 11:55

Ghán sé *Ŋkǎʼ Yáʼayshaà símóʼ sí nèn kfə̀n wìy lòo gheén, wíri nèn a lòkìr fo virə̀ʼ, a dù e ŋkàlaʼ Jerusalem ji á tómbìy *kfə̀mrí vitú vév mo liì wov wòŋ taʼà, e bó a yi kiŋkàʼ kee shooy.

Joon 12:1

Kishiíy kí wìy lòo ber ntuùfú, é bo Ŋkǎʼ Yáʼayshaà və̀yi wáa dzə, Jesus nèn wìy sa, e dù, a dzə e ntèʼ yee Betani fo Laasaror wo wù‑uù fəərin fó kpu və̀y‑iì dzə́.

Joon 13:1

Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.

Joon 2:13

Mo yì‑iì siìn ghán se wír veé Israyi kì sí wìy a yi *Ŋkǎʼ Yáʼayshaà, Jesus nèn lò, a dù e Jerusalem.

Joon 5:1

Kee shooy ki shaà, kishiíy ké kiŋkàʼ ke wìr veé Juda kímóʼ kí nèn wìy ghèén, Jesus kfən lò, a koʼ e Jerusalem.

Remrí 16:1

Mooser suúy e wír veé Israyi jii, «Vèn ku wìy a yiì *Ŋkǎʼ Yáʼayshàa é ŋwee *Abiv, e fíʼ a ghvəm Nyùy Tàr woo Nyùy won shó, bìʼ fo yì‑iì dzəə̀n vitsə́ʼ vímóʼ ví é ŋwee foo fèy, wù fəə́r ven fó wòŋ Ejiv.