Joon 6:2 - ŊWÀʼ NYÙY

² Màŋgòŋ báʼtí fó e gháʼán, a ghan e wùn bàm, bìʼ fo vé‑eè yén viŋgaʼnìn ve vinyò ve wù‑uù yii e vé yàsií wùn.

Joon 6:2 Iomraidhean Croise

Matio 12:15

Á lòo taŋ, Jesus nèn kìíy, e lò fo ntèʼ fóo fèy. Wù lòo dù, wíri lò fo bàm anín, aámóʼó joykìrì, wù wáa fèr vee shooy adzə̀m,

Matio 13:2

Màŋgòŋ wìy, e bàʼtí nyanyày, a far wun, wù nəə́, e dzə̀ʼə̀m a dzə̀ é kikoŋ, wíri wáa tiy kév é ghaa ndzəv.

Matio 14:14

Jesus meé fó, e lòo fəə fo kikoŋ, e yèn màŋgòŋ wo wù‑uù baʼtin fó, kitú ki lùm wun, wù gòʼ fo, a fèr aŋgaà vév yàsí.

Matio 8:1

Jesus sə́y fó gwan fèy, wíri lò e wùn bàm aneénín.

Maak 1:45

Wìr və̀y nèn dù kfə́, a fèr kinyo kee shooy e wáynjáŋ, kí sàmèr virə́ʼ vidzə̀m. Wíri nèn a wìy, a far Jesus ŋkóŋkóŋ, la wù yòʼ dzə́ə a nəə́ e ntèʼ yìmòʼ é nsaànsaá gheéy. Wù nèn a dzə a dzə̀ é ghaŋ se kwaʼ, wíri wáa wìy virə́ʼ vidzə̀m, a yen wun fo.

Maak 6:33

Á lòo liysín kibáŋ, màŋgòŋ yén áwune, e kìíy, e nèn a nyeŋ e kiwuú kí, a tinér áwune, ntèʼ sidzə̀m si wáa fəə fo bàm. Á dù, e mèé fo, bo Jesus wáa wìy.

Joon 11:47

Vitú ve atàá cù wùn à wír vee Farasi vee shooyi nèn kùm vé wòŋe adzə̀m. Á dzə̀ʼə̀m, a ghay jii, «A dzə̀ vèsən yèe, e bóo sə̀r wír və̀n. Wù ghán, shóʼ virom ve vinyò vinín,

Joon 12:37

Wíri siíy, e làa yòʼ fə̀m biimé kinyo kfə́, a wù‑uù sí ghán aáwuné mvəm, yii vinyo vinín ve ví din vitaáví vé Nyùy.

Joon 2:11

Jesus‑eè yiì kinyo kìn e Kaana woó Galeli foo fèy, a dzə̀ kiŋgaʼnìn ke kinyò ke mbìy ki ke wù‑uù dìnèn, wíri wáa yen vitaáví ve Nyùy foon shó. Mo wón və́ lìme yenen, e nèn màysì, e wày shilív é wùn wó.

Joon 2:23

Jesus ku nèn a dzə e Jerusalem e ghan sé Ŋkǎʼ Yáʼayshaà sìn, a yiì viŋgaʼnìn ve vinyò, ví wáa dìn vitaáví vé Nyùy. Wír aníne wáa yen, a way shilív é wùn wó.

Joon 20:30

Jesus yiì vinyo vìn, wón və́ lìme yén vitaáví vé Nyùy, a wù‑uù yii sa vímóʼ ví vinín ve bó á yoʼ sàŋ é ŋwàʼ fèn.

Joon 3:2

Wù nèn wìy lò vitsə́ʼ vímóʼ ví, e dù, e yèn Jesus, e yòŋ jii, «Ŋgaà Yèʼey, vèr kì ji tùm Nyùy wò ji à wiy, a yeʼéy ver. Bó yòʼ dzə̀ wìr wàa yiì viŋgaʼnìn ve vinyò ve à yii vìn, a bó túm Nyùy ŋgaàŋ.»

Joon 6:14

Wíri yén kinyo ke Jesus yiìn, a kí din vitaáví vé Nyùy, á nèn a suúy jii, «Wìr və̀n dzə̀ rú *Ŋgaà Ntum Nyùy wo vé‑eè shiy ji wù wiy é nsay fèn.»

Joon 6:22

Ndzə bvəə́shí, e jàv, màŋgòŋ wo wù‑uu gòʼòn é ndzə̀n kibàŋ və̀y nèn a tàʼ Jesus, bìʼ fo vé‑ee kiìn ji kikóŋ ki‑ii dzə fó e ŋkuùr kimòʼón cáʼcáʼ, nəə́ wón lìm Jesus sho, a dù, a bó Jesus yòʼ dzə̀.

Joon 6:26

Jesus kòr a dzə̀ lám aáwune jii, «M suuy ven kinyo ke ru kí ji bó vèn yòʼ ghán, taʼ mo ben ji bìʼ fo vèn‑ee yenen ji vinyo ve m yii vi din vitaáví vé Nyùy. Vèn wiy a dzə̀ bìʼ fo vèn‑ee yiin kibán, kí‑ii gháʼ ghaʼán.

Joon 6:30

Á nèn a dzər jii, «Kinyo ke à yii, ke kí din vitaáví vé Nyùy, é bo vèr yén, e wày shilív e wò wùn kí dzə̀ ka?