Joon 5:4 - ŊWÀʼ NYÙY

⁴ bìʼ fo nshìylav Nyùy kù‑uù lo, yì wìy, a wùr ndzə́v yee shooy. Wù lóo wùr, wìr wo wù tòmbìy nə̀ə́ sho nèn bònén, a wù fə̀m kì joy a dzə̀ ka.]

Joon 5:4 Iomraidhean Croise

2 Afòn 5:10

Elisha túm wír ji wù suúy á e Naaman jii, «Dùu, e sù wún wóo é ndzəv yee Jordan kàŋ saàmbà, é wún wóo kfə́n fó, áà bónén.»

Nsùyrì Nyùy 119:60

M sí shwírí, a m yòʼ kfə̀n jívir ghán, fó a lèm nsər sé.

Ŋgàn 6:4

Kú a lon là meemè, a lon ghán sidzə̀m, là búʼúr.

Ŋgàn 8:17

M koŋ wir dzə̀m wo wù koŋ mo, a ve á taʼ mo é shií kù yíi yen.

Ŋgaà Tàrvìnyò 9:10

Kifá kidzə̀m ke à yuun fó a lìm, à kù a lìm vèn à shilív shé shi shidzə̀m, a lìm, a kiíy jii, aàŋkfəə́ wòŋ fo à du, bó á yòʼ yii lim lim fo, a bó wìr yòʼ kfə̀n kwaʼtì kinyo fo, a bó wìr yòʼ kiiy kinyo fo, é bo wìr wáa ker vifií fó.

Esiker 47:8

Wù lò, e sùúy e mò jii, «Ndzə́v rə́ne léŋ bèn, du e mbìv ntoshùy, sə́y e Mboʼ Araba. Yí nəə e Ndzə́v Shiŋgwaŋ ye yí tíy tiyín, yí yiì, mendzə́v mee fó mè kfə̀n ji me juŋ mè.

Hosea 13:13

Áwune dzə̀ moo wán wo á sí lúmé, yii bèy, kù dzə̀ wán, a wù dzə̀ là vifií. Ghán sé dzəə́ si yíi gheén, é wù ku tàv távín é bvə̀m.

Sekariya 13:1

«Ghán sin si wíy gheén, é ntòŋ ndzə̀v yìmòʼ mvəʼəm, a fəə ji ye wìr vee rám Davir wùn à wír ve á dzə́ e Jerusaleme, aá wáa sù njò yev fó, a ran fo áwuné vinyò ve bi ví, à fo áwuné joònè e dzə̀m.»

Sekariya 14:8

Wíy lòo dzə e kishiíy fóo fèy, é ntòŋ ndzə̀v ye yì fəə́ ghán sidzə̀m wáa leŋ fo Jerusalem. Nshwàn wúmóʼó wíy a leŋ, a dù e Ndzə́v Shiŋgwaŋe, e mbìv yee fo shùy yii tó, é wúmóʼó wáa leŋ, a dù e Rìbà Ndzə̀v woo Mediteranean, e mbìv yee fo shùy yii nəə. Yí kù wíy a leŋ bèy e bìŋ, a leŋ e lùm.

Matio 11:12

A kí dzə̀ jii, kèʼ fo ghan se Joon‑eè wìyìn, a fìʼtì kinyo kfə́, e shem lèn, wíri sí nyornìn, táŋ dzə́ə ji á nəə́ e Nyùy mvə̀m saʼ, a wír ve á táŋ, du fo mbìyi sí faasì.

Matio 6:33

Vèn ku nèn a tiír a dzə̀ Nyùy fo mbìy ji vèn wáa yu sáʼ rə́, a yiì réŋ mo yí dzəə̀n, é Nyùy nèn fò ven vifá vìn vidzə̀m.

Ŋwàʼ Luk 13:24

«Vèn wáa mùm kitávín fó tosín a dzə̀ fó shùu lav wo wú fárninè, e lùŋ. Vèn wáa kiíy ji wír aníne wíy a mùm fó tosín, a bó á yòʼ wíy a ker dzə́ə.

Ŋwàʼ Luk 16:16

Jesus kfən sùúy jii, «Yì‑iì dzə̀ fó mbìy, a wíri yú a dzə̀ fó kinyò keé Ŋwàʼ Nsər Mooser, à fó kinyò ke aŋgàa ntum Nyùyi‑iì saŋen. Kèʼ mo Joon‑eè wìyìn, á sí fiʼtì lèn a dzə̀ sáʼka wo juŋ ji Nyùy sí yiì a saʼ vifon və́, a wìr dzə̀m sí táŋ dzə́ə fó nəə́ e Nyùy mvə̀m saʼ foo fèy.

Joon 5:3

vé yàsíi wáa rəsí a neŋ e sar wo aneénín, aámóʼó dzə̀ amfìr, ámóʼó ve virə́ʼ ví‑iì kpuun, ámóʼó aŋkivkìr. [Aá dzə́ fo, shiy ghán se ndzə́ví‑iì lo, yí wàa bìnkìr,

Joon 5:5

Wìr wùmòʼ wáa dzə sa fo, a wù gón ne kiyá nshòv waamé e mtaár.

Joon 5:7

Ŋgaà gòn və̀y nèn sùúy jii, «Taàtá, bó m yòʼ kér wír wo dzə̀ wù lì mo, e wày é kisə̀m é ghan se kí binkìrì. Kí lóo bìnkìr, m lo ji m ŋaayì, e dù, e meé fo, a wìr wo sən kì nə̀ə́ ne fo mbìy.»

1 Korin 6:11

Yì‑iì dzə̀ fó mbìy, a ven ámóʼó yii vinyo vee shoon. Nyùy nèn wìy sù vinyo vee shoon fo věn wùn, e lì ven ji və́ vee wír. A wù lèéy ne ji vèn sì á wír vee là njò, bìʼ kinyo ke Tàr wòsən Jesus Kristu wùn Kiyoy ke wun woo Nyùy ki‑iì yiìn fo vèn.

1 Joon 1:7

Yii bèy, mo Nyùy dzəə̀n é ndzə ye ranén, wíri lóo ghan sa e ndzə ye ranén, áwune nèn a dzə kintatì, a ghan kiwuú kév kimòʼón. Mo á ghán bèy, Nyùy nèn kfə̀n sù sa njò yev, á wàa dzə là jay. A wù su a dzə̀ e mensə́ me Wan və woo Jesus mè.