Joon 5:3 - ŊWÀʼ NYÙY

³ vé yàsíi wáa rəsí a neŋ e sar wo aneénín, aámóʼó dzə̀ amfìr, ámóʼó ve virə́ʼ ví‑iì kpuun, ámóʼó aŋkivkìr. [Aá dzə́ fo, shiy ghán se ndzə́ví‑iì lo, yí wàa bìnkìr,

Joon 5:3 Iomraidhean Croise

1 Afòn 13:4

Fòn Jeroboam yú beemè ye ŋgaà ntum Nyùy beèmèn kíy cù, a wù kù tíy e ghaa kiy cù fèy, e nèn nàn kiwó, e roòmè ŋgaà ntum Nyùy sho, e yòŋ jii, «Vèn bám jwè və̀y.» Wù roòmè bèy, kóyi nèn tàvtí, là wù yòʼ dzəə yù fóo siìr e bàm.

Ŋgàn 8:34

Bòŋ ké wìr wo wù yú jí yem, dzə́ e mǒ shùu lav, shiy mo é shùu kày.

Yòvdìy 3:26

Kí bòŋ ji wìr wáa dzə ji nyaáŋ, a kìʼ a dzə̀ Nyùy Tàr, é wù sə́ wun.

Sekariya 11:17

«Lòné dzə̀ wó nshìy, nshìy woo rim, nshìy wo wù shwèyìn ŋgoo njiì. Á ku shòʼ kóy və́ é shùu rər, e mèn wan si yìy fó fo. Kóy yìyí ku kpù kpuún fó fo ŋkuuŋkùŋ, é wàn si və yìy ku fìr fìrìn féyì.»

Matio 15:30

Màŋgòŋ kfən bàʼtí fo e gháʼán. Ámóʼó wáa wìy aàŋkivkìri wùn aàntèŋe, aàmfìri, à vindzə̀mer vi, wùn à vé yàsí ámóʼó sá anín, a yen wun sho, wù wáa fèr áwune.

Matio 4:24

Leŋ vəə́ nèn sàmèr, e dù, e mèé e wòŋ Siiria. Wíri wáa yu, a lì vé yàsíi, a wìy, a yen wun sho. Kìn wìr joy kfə́ə yàsí a dzə̀ woo ka, á kù wìy sho, wù fèr áwune adzə̀m. Kìn dzə̀ wír ve *anyùyi jívir áwune, kìn ve á gbu kimgbù, kìn ve virə́ʼ ví kpuun ne.

Ŋwàʼ Luk 7:22

Wù yiì lò, e bìnèr jii, «Vèn ku kfə̀n é bàm, e fèr e Joon a dzə̀ vinyo ve vèn yenen, e kfə̀n fèr ve vèn yuun. Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.

Joon 5:2

Kisə̀m kímóʼ kí wáa dzə e Jerusalem foo fèy, aá yoŋ aáwuné Lǎm Hibru ji Besata, a kí dzə̀ é ghaa shùu kày wo vé‑eè yoŋ ji Shúu Kày Njiì. Aá bóm vibàn é ghaa kisə̀m fey vitàn,

Joon 5:4

bìʼ fo nshìylav Nyùy kù‑uù lo, yì wìy, a wùr ndzə́v yee shooy. Wù lóo wùr, wìr wo wù tòmbìy nə̀ə́ sho nèn bònén, a wù fə̀m kì joy a dzə̀ ka.]

Ŋwàʼ woó Rom 8:25

Yii bèy, mo vèsən kù shiy kifá, a bó á yóʼ ne yèn, vèsən ku nèn a yu a dzə̀ fo ŋgaà kàʼ, a leéy fó mbìy, a shìy, là dór.

Jeem 5:7

Afə̀r vem, kí nén a dzə jii, vèn kú a dzə ji nyaáŋ, a shìy ghán se Taàtá wòsən Jesus wíy wìy. Vèn kú a dzə moo ŋgaà sùm wo wù leey ji wun wíy kav vifá ve juŋ vi fo wùn sum. Wù kù yii dzə́ ji nyaáŋ, shiy a dzə̀ kimgbù ke wuu. Yí sə́ʼəyì, wù nèn a shìy a dzə̀ ye yí wáa manrí vifá.