Joon 5:2 - ŊWÀʼ NYÙY

² Kisə̀m kímóʼ kí wáa dzə e Jerusalem foo fèy, aá yoŋ aáwuné Lǎm Hibru ji Besata, a kí dzə̀ é ghaa shùu kày wo vé‑eè yoŋ ji Shúu Kày Njiì. Aá bóm vibàn é ghaa kisə̀m fey vitàn,

Joon 5:2 Iomraidhean Croise

Nehemia 12:39

e shaà, e dù e Shùu Kày Efrayim, e dù e Shùu Kày Jeshana, e shaà, e dù e Shùu Kày Sə, e kfə̀n shaà, e dù e Kirùmèn ke Hananel, e shaà, e dù e Kirùmèn kee Wiì, e shaà, e dù e Shùu Kày Njiì, e nèn wìy tìím e Shùu Kày Anshìy.

Nehemia 3:1

Eliashiv woo taà cù wo kuʼùn wùn aàŋgàa ŋgoo və́ vee atàá cùu nèn bòm Shúu Kày Njiì, e shwì Nyùy sho ji sì á woo jeéyí, e nèn wàyrí shuu si. Vé‑eè bòm kirə́v ké kày, e kèʼ fo fo, e dù, e meé e Kirùmèn kee Wiì, e kfə̀n dù, e mèé e Kirùmèn kee Hananel, e nèn shwì sá Nyùy sho.

Nehemia 3:32

Vé kilàm ke kishà ke mbàm ke baar kí wùn à vé wayí nèn nàŋsín ke kí jòʼsìn, a kí kéʼ fó lav yeé kitu ke kor kày, e dù, e mèé e Shùu Kày Njiì.

Aysaya 22:11

Vèn kfə̀n‑eè fèr kisə̀m é kintìntìn ke virəv vé kày, e fèr ji mendzə́v mè lóo leŋ fo kisə̀m ke mvə kí, é mè wáa nəə́ sho. Vèn‑eè yii vinyo vìn vidzə̀m, a bó vèn yòʼ dzəə́ mbaa wun woo Ŋgaà wo wù yii, é bo vinyo vìn vi wáa koóy. Vèn yòʼ‑oò ló a yòy, a tiír e wun wùn, a kù dzə̀ wun wo wù‑uù sìysìn ne vinyo vìn fo yàŋgùʼ.

Aysaya 22:9

Vèn ló fó fo, e lèéy vintóʼ ve ví dzə̀kìn é wǔn kày ye yí giŋ Jerusalem woo ŋkàlaʼ Davir, e kfə̀n lì ndzə́v ji yí fíʼ a leŋ, a nəə́ e kisə̀m kee fó tsən.

Joon 19:13

Payler yú kee shooy, e nèn fə̀ə́r Jesus, e dzə̀ʼə̀m e kirəsí fo wù yii tínen nsaʼ, aá yoŋ fó ji nsaàlav mfiì, a dzə̀ é Lǎm Hibru ji Gabata.

Joon 19:17

wùn áwune fəə́, wù wáa beʼ kintam kfə́, á wáa dù e kirə̀ʼ ke á yoŋ ji ŋgéreʼ kitu ke wìr, a dzə̀ é Lǎm Hibru ji Gorgota.

Joon 19:20

Kirə́ʼ ke vé‑eè tamen Jesus sho kìn ki‑iì dzə̀ é ghaa ŋkàlaʼ Jerusalem. Wír veé Judàa wáa shaà fo anín, a yòŋ kinyo kee shooy, a vé‑eè sàŋ aáwuné Lǎm Hibru, e kfə̀n sàŋ e wír veé Romé làm, e sàŋ sá e wír veé Grikí làm.

Joon 20:16

Jesus nèn yòŋ lèn jii, «Maria.» Wù kóʼtí fó, e kù nèn yòŋ Jesus aáwuné Lǎm Hibru jii, «Raboni», a dzə̀ jii, Ŋgaà Yèʼey.

Joon 5:3

vé yàsíi wáa rəsí a neŋ e sar wo aneénín, aámóʼó dzə̀ amfìr, ámóʼó ve virə́ʼ ví‑iì kpuun, ámóʼó aŋkivkìr. [Aá dzə́ fo, shiy ghán se ndzə́ví‑iì lo, yí wàa bìnkìr,

Joon 7:21

Jesus bìnèr jii, «Mò‑oò yiì kinyo kimòʼón e kishiíy ké bám, vèn wáa ker gháʼ.

Lim Aŋgàa Ntum 21:40

Wù biímé, Por nèn tìím e kirə̀ʼ ke seʼtìn kiy ki, e sə̀r wíri e kiwó ki. Á sə́sín, wù yòŋ áwune é Lǎm Hibru jii,

Ŋgaà Yen 16:16

Vibáy vìy vi ku nèn bàʼtí afon veé kitu ke nsay vìy e kirə̀ʼ kímóʼ kí, aá yoŋ e Lǎm Hibru ji Amagedon.

Ŋgaà Yen 9:11

Fòn wo wù kér áwune dzə̀ nshìylav ye yì sáʼ biíntùr vəy, a yír rəə́ dzə̀ é Lǎm Hibru ji Abadon, e kfə̀n a dzə e Lǎm Grik ji Apoliyon, a nsàv dzə̀ ji ŋgaà laàr.