Joon 5:10 - ŊWÀʼ NYÙY

¹⁰ Vé wòŋe yén, a ŋgaà bònén və̀y béʼ gham rə́, á nèn a saʼ jii, «Lán dzə̀ kishiíy ké bam, a dzə̀ nsər fo wìr wáa beʼ kifá.»

Joon 5:10 Iomraidhean Croise

Aysaya 58:13

Nyùy Tàr suuy jii: «A vèn lò, a lèm kishiíy kém ké bam ji kishiíy kee jeéy kí, e làa yòʼ a yiì vinyo vén é kishiíy fóo fèy, e kù a ker shií ji bo á kì rə́si kishiíy kee shoon, a yen ji dzə̀ kishiíy ben, a kí kér ghvə́m, e làa yòʼ a dù ghán yén é kishiíy fen, e làa yòʼ a dìy vinyo vén é kishiíy fen, e làa yòʼ a jaár kisúŋnìn,

Jeremia 17:21

Nyùy Tàr suuy jii: A vèn koŋ dzəʼə̀m yén, vèn wàa yen fo wìr beʼey kifá e kishiíy ké bam, a yen sa fóo tosín shuu se kày Jerusalem sho.

Jeremia 17:27

« ‹Yii bèy, a vèn lò a dzə, e làa yòʼ a yunín mo, a lèm kishiíy ké bam jeéy, e làa yòʼ màʼtì vifá vé a beʼ, a tosín shuu se kày Jerusalem sho e kishiíy ké bam, bo m yíi sə̀ʼ və́y é shuù se kày, é wú bvə́ʼə́y ntoʼ seé Jerusalem, a bó yòʼ dzə̀ á ndzə̀mér.› »

Matio 12:10

Wìr wùmòʼ wáa dzə fo, a kiwó ki kpú ne. Wír veé mbìv *Farasii lòo tàʼ lor wóo lor Jesus sho, e nèn dzə̀r shó jii, «A wìr fèr wír e kishiíy ké bam, bo wù shòʼór nsər moo ŋgáŋ á?»

Maak 2:24

Wír veé mbìv *Farasi ámóʼó yén, e dzə̀r e Jesus jii, «Wón vée yii kinyo ke kí kér nsər fo wìr yii é kishiíy ké bam bìʼ ka?»

Maak 3:4

Wù kóʼtí, Jesus dzə́r e wíri jii, «Kinyo ke nsər biíme ji wìr yii é kishiíy ké bam ki dzə̀ kiné kí? Ji wù yii kinyo ke juŋ ki moo ke bi kí á? Ji wù luŋer wír, mo wù yúyrí yuyrín á?» Áwune nèn gòʼ kisə́sə.

Ŋwàʼ Luk 13:14

Taà ŋgày bùnrì rə̀y yén mo Jesus fèrìn wiíy və̀y e kishiíy ké bam, wún vəə́ kìn. Wù nèn a saʼ wíri jii, «Vishiíy ve dzə̀ á wàa yiì lim vi dzə̀ ntuùfú. Vèn wáa wìy, aá wáa fèr ven a dzə̀ é vishiíy fóo fèy. Lá wìr yòʼ dzəə mùm wìy e kishiíy ké bam.»

Ŋwàʼ Luk 23:56

Áwune yiì kfə̀n fó laʼ, e bàʼtí biʼ ye rəʼtìné wùn à meŋgvə́r memoʼ mè, a dzə̀ vifá ve á yóʼ dzə́n wìr sho. Kishiíy kév ké bam ki gheén, áwune meèmè mo nsər yev dzəə̀n.

Ŋwàʼ Luk 6:2

Wír veé mbìv *Farasi ámóʼó yén, e dzə̀r jii, «Vèn yii kinyo ke kí kér nsər fó yiì e kishiíy ké bam bìʼ ka?»

Joon 1:19

A Joon‑eè lo fìʼtì wír wo dzəə̀n Jesus Kristu və̀n. Yì‑iì dzə̀ é ghan símóʼ sí, atǎr wòŋ veé Judàa túm atàá cù ámóʼó fó Jerusalem wùn à wír veé ram Levìi ji á du, e yèn Joon, e dzə̀r shó a jii, sà dzə̀ wun la á?

Joon 5:11

Wù bìnèr kfə́ jii, «Kì sùúy wír wo wù kì fèrìn mo ji m li á gham yém, a dù.»

Joon 5:15

Wìr və̀y ku nèn lò fo fo, e dù, e sùúy e vé wòŋ vìyi ji á yoŋ wír wo wù kì fèrìn wun və̀y a ji Jesus.

Joon 5:16

Mo Jesus‑eè yiìn kinyo kìn a dzə̀ é kishiíy ké bam, vé wòŋe nèn kèʼ, a ròn wúu rə́.

Joon 7:23

Mo vèn yii kee shooy ji fo vèn shóʼór nsər Mooser, kfən yiì ka, bo vèn wáa yu nyár vèsən, a mò‑oò fèr wír férin é kishiíy ke bam?

Joon 9:16

Wír Farasi vìy ámóʼó nèn sàyín jii, «Bó Jesus və̀n yòʼ dzə̀ wír wo wù lo ntum Nyùy gheéy, wù shóʼor nsər kishìíy ké bam.» Aámóʼó dzə́r kév jii, «A dzə̀ wír, a bó Nyùy yòʼ kì wun, wù wàa yiì viŋgaʼnìn ve vinyò vee ben à?» Á bìʼ bèy, e bvəə̀rí.