Joon 5:1 - ŊWÀʼ NYÙY

¹ Kee shooy ki shaà, kishiíy ké kiŋkàʼ ke wìr veé Juda kímóʼ kí nèn wìy ghèén, Jesus kfən lò, a koʼ e Jerusalem.

Joon 5:1 Iomraidhean Croise

Ŋwàʼ Fəə 34:23

Vilum vén adzə̀me wíy a wìy e mǒ kirə̀ʼ ké cù akàŋ ataár e kiya, a yiì ŋkàʼ bìʼ mo woo Nyùy Tàr, Nyùy wìr veé Isray.

Matio 3:15

Jesus bìnèr jii, «Wòsò ku yiì ke kí dzəə̀n ji á yii lèn, e fíʼ yiì kinyo ke Nyùy taʼ kidzə̀m, é kí wáa dzə réŋréŋ.» Wù suúy bey, Joon nèn biìmé,

Joon 2:13

Mo yì‑iì siìn ghán se wír veé Israyi kì sí wìy a yi *Ŋkǎʼ Yáʼayshaà, Jesus nèn lò, a dù e Jerusalem.

Galatia 4:4

Ghán sí nèn wìy ghèén se Nyùy‑iì sìysìn ji wun wíy yiì kinyo ke wù‑uù kàʼàn. Wù túm Wán və é ndzə fèn, wù wìy, wiíy wùmòʼ dzəə́ wun, wù wáa dzə sa, a yu a dzə̀ fó nsər réŋréŋ mo vèsən‑eè yú.

Remrí 16:1

Mooser suúy e wír veé Israyi jii, «Vèn ku wìy a yiì *Ŋkǎʼ Yáʼayshàa é ŋwee *Abiv, e fíʼ a ghvəm Nyùy Tàr woo Nyùy won shó, bìʼ fo yì‑iì dzəə̀n vitsə́ʼ vímóʼ ví é ŋwee foo fèy, wù fəə́r ven fó wòŋ Ejiv.

Remrí 16:16

«Lùmèn e dzə̀m kù wíy a dù, a yi ŋkàʼ akàŋ ataár kiyá kidzə̀m, e kirə̀ʼ ke wúnwun woo Nyùy Tàr woo Nyùy won wíy shoʼ ji á wáa ghvəm wun fo. A ŋkàʼ see shooy si dzə̀ jii, *Ŋkǎʼ Kiban kee là Nyaà, wùn à *Ŋkàʼ woó bǎm Ŋgàm si, à *Ŋkǎʼ Tàv sé Ghane.