Joon 4:9 - ŊWÀʼ NYÙY

⁹ Wiíy və̀y dzə́r e Jesus jii, «À dzə́ wír woó Juda, a m dzə̀ kém woó *Samaria, aà kfə̀n lón mendzə́v fo mò móo le?» A wù suuy bèy, bìʼ fo wír veé Judàa kù‑uù nyáŋsi veé Samaria nyáŋsín.

Joon 4:9 Iomraidhean Croise

Matio 10:5

Jesus túm áwune, e sùúy jii, «Vèn du, lóo ghan, lá vèn yòʼ a dù fo vitúm ve bó yòʼ dzəə̀n wír veé Isray vi. Lá vèn yòʼ a nəə́ sa e wír veé Samariàá ŋka.

Ŋwàʼ Luk 10:33

Wùmòʼ woo wír nèn dù, a wìy, a dzə̀ wír woó wòŋ woo *Samaria, a wùn à wír veé Judàa yii bannìnè. Wù bvə́y fó, e yèn wír və̀y, mendzən mè ku yòʼ rə̀r wun.

Joon 4:27

Wón lìm Jesuse ku nèn a kfən e bàm, e yèn, a Jesus súŋnin wùn wiíy woó Samaria, a ker gháʼ. Yii bèy, la wìr yòʼ dzə̀r ji wiíy sà taʼ kaá, kìn kinyo ke ki yiìn, bo Jesus wáa suŋnín wùn wun.

Joon 8:48

Wír vìyi nèn lò, a kuùrì kuùrìn jii, «Vèr ku lò sùúy rú ji à dzə̀ á rim woó *Samaria, *nyùy wùmòʼ jívir wò.»

Lim Aŋgàa Ntum 1:8

Ke vèn wáa kiíy ki dzə̀ jii, Kiyoy ke Ranén kí wíy wìy fo vèn, é wù fó ven vitaáví, é vèn wáa fìʼtì mo m dzəə̀n. A vèn wíy a fìʼtì e Jerusalem, e kfə̀n a fìʼtì woŋ wìr veé Juda e dzə̀m, a fìʼtì sa e wòŋ *Samaria, e dù, e meé fo nsay jòʼsìn.»

Lim Aŋgàa Ntum 10:28

wù suúy aáwune jii, «Vèn kì sá kijuŋ ji dzə̀ nsər fo wìr woó Juda tátí wùn wìr kitum ke sən kí, bo taaka ji wù nəə́ e ŋgaàŋ lav. Yii bèy, a Nyùy dìn ne e mò ji lá m yòʼ a nyaŋsí wír wùmòʼ ji ŋgaà *kifàn.

Lim Aŋgàa Ntum 10:32

Túm wír e Joppa, é wù du, e jàŋ wír wo á yoŋ ji Simon, kfə̀n yoŋ ji Pita. Wù wìy fo, a shiíy wùn wìr wo á yoŋ ji Simon wo wù yii tám júv, a lav rə dzə̀ é ghaa rìbà ndzə̀v.›