Joon 4:6 - ŊWÀʼ NYÙY

⁶ Jesus wáa meé fo, a sì e ntìntìn shùy, a ndzə́v ye Jakov‑iì tuŋené dzə̀ fó, wù nèn dzə̀ʼə̀m e ghaŋ wo, bìʼ fo wù‑uù ghanen ne, e dòr.

Joon 4:6 Iomraidhean Croise

Matio 27:45

Yiì lòo dzə e ntìntìn shùy, woŋe sàsìn, e sə̀n e dzə̀m, e meé shúy sitaár.

Matio 4:2

Jesus dù, a shiíy fo e jìŋ. Kishiíy kí meé mkweè, a jìŋ sí yúy wun yúyín,

Matio 8:24

Kinsəm ki nèn lò, e sàsìn, a shaà kitávín, a tsəy ndzə́v, mendzə́v mè wáa liy, a nəə́ e kikoŋ, a Jesus kì buúne.

Ŋwàʼ Luk 2:7

Wù fùm wán və lumèn, e boò e ndzə̀y sí, e neèr a dzə̀ é kikoŋ ke nyám si yii yíkir fo fo, bìʼ fo vé‑eè wìyìn, e bùŋ kirə́ʼ é lav viŋgwìy.

Ŋwàʼ Luk 9:58

Jesus bìnèr sho jii, «Nyám símóʼ sí kér bií sév, a menə́n medzə̀m mè kér láʼ sév. Yii bèy, a bó ŋgaà wo yírí dzəə̀n Wanwìr və̀n yòʼ kér fó teʼ kfə́ kee kitú.»

Joon 11:9

Jesus bìnèr jii, «Ndzə yòʼ yii rán, e kèʼ fo shúy ntuùfú, yì jì shúy ntuùfú a? Wìr lóo ghan e shùy, la wù yòʼ bàyrìn e kifa, bìʼ fo ndzə ráné.

Joon 4:12

À shaà tàr wor Jakov wo wù‑uù tuŋen rən yee ndzə́v, e lèm e vèr a? Bó wun woo tàr wor yòʼ‑oò ló a no ndzə́v rən, kfə́ə rə́ wùn à nyám sév sí kfə́n a no sa à?»

Joon 4:5

Wù lòo dù, e mèé e mvə̀mlaʼ yeé Samaria yìmòʼ, aá yoŋ ji Sikar, a yì dzə̀ é ghaa sum wo Jakov woo tàr à ràm yeé Isray‑iì foon e wan və woo Joosev.

Joon 4:7

Wiíy woó Samaria foo fèy wùmòʼ nèn wìy ji wun tú mendzə́v, Jesus lón jii, «Ku fò mo mendzə́v, é m nó.»

2 Korin 8:9

Vèn kì sá mo Tàr wòsən Jesus Kristu‑uù shamen vèsən. Vifá vidzə̀m vi dzə̀, a yì‑iì kér wun, wù màʼtì bìʼ vèsən, e wìy e ndzə ji ŋgaà kitàn. A wù‑uù yii bèy, ji vèsən fíʼ nəə́ e Nyùy mvə̀m vikùʼùy.

Hibru 2:17

Á kinyo ke kí‑iì yiìn, é bo wù binkir, a dzə réŋréŋ moo afə́r və́, e fíʼ a dzə ŋgaà wov cù wo kuʼùn, a sham áwune, a lìm fo Nyùy shilív shimòʼón, e taŋrí áwune, é Nyùy laysin ajay vév.

Hibru 4:15

a kiíy jii, taà cù wòsən wo kuʼùn və̀n dzə̀ réŋréŋ moo vèsən. A dzə̀ wù kìíy kinyo ke kí gháʼ vèsən kidzə̀m, bìʼ fo wù‑uù dzə́ e nsay fèn, a vinyo vi mum wun réŋréŋ mo ví mum vèsən, a bó wù yòʼ‑oò yiì jày kímóʼ kí gheéy.