Joon 4:5 - ŊWÀʼ NYÙY

⁵ Wù lòo dù, e mèé e mvə̀mlaʼ yeé Samaria yìmòʼ, aá yoŋ ji Sikar, a yì dzə̀ é ghaa sum wo Jakov woo tàr à ràm yeé Isray‑iì foon e wan və woo Joosev.

Joon 4:5 Iomraidhean Croise

Kèʼlo 33:19

Kirə́ʼ kin ki‑iì dzə̀ ké wón Hamor, Hamor wo yì‑iì dzəə̀n tàr à Shekem. Jakov yún kirə́ʼ kee shooy mbàm wií, e tùy kibàn kfə́ fó,

Kèʼlo 48:22

Mo‑óò fó sá wò fómo woo jeéy, wo bó m yòʼ‑oò lo fò áàfə́r vée. A dzə̀ jii, gwaáné wo mò‑oò faàsìn e nyùy wùn à kòŋé fo wír veé Amori sì wó.»

1 Afòn 13:32

Ké ru kí, kàʼ wo Nyùy Tàr‑iì tumen wun, wù dù, e lòo beèmè kíy cù woó Betel wùn à virə́ʼ vé cù veé ntèʼ seé Samaria vi, a tin, wù kù kér fó wìy gheén.»

Ŋwàʼ Luk 9:52

Wù lòo dù, e tùm wír ámóʼó fó mbìy. Áwune nèn dù e ntèʼ yeé Samaria yìmòʼ, a tàʼ fo wù yií shiíy.

Joon 4:12

À shaà tàr wor Jakov wo wù‑uù tuŋen rən yee ndzə́v, e lèm e vèr a? Bó wun woo tàr wor yòʼ‑oò ló a no ndzə́v rən, kfə́ə rə́ wùn à nyám sév sí kfə́n a no sa à?»

Joon 4:39

Mo wiíy və̀y fìʼtìn é mvə̀mlaʼ mo Jesus toʼtin vinyo ve wù‑uù rə́si yii vidzə̀m, wír veé Samaria foo fèyi nèn wày shilív e Jesus wùn anín.

Joon 4:6

Jesus wáa meé fo, a sì e ntìntìn shùy, a ndzə́v ye Jakov‑iì tuŋené dzə̀ fó, wù nèn dzə̀ʼə̀m e ghaŋ wo, bìʼ fo wù‑uù ghanen ne, e dòr.

Joon 4:8

A wù kì dzə́ fo bèy, a wón və́ lìme dú ne ji á yún a vifá ve yi fo mvə̀mlaʼ.

Joshua 24:32

Á kfən dzəə̀mè vighvə́r vé Joosev ve wír veé Israyi‑iì koʼon shó fo Ejiv e Shekem. Vé‑eè dzəə̀mè é kirə̀ʼ ke Jakov‑iì yunen fo wón Hamor woo tàr à Shekeme, visha ve mbàm ve fəvír ví wií. A dzə̀ nsay yee shooy ye yì‑iì loòn, e kfə̀n ji vitsə́ʼ vé rám Joosev.