Joon 4:41 - ŊWÀʼ NYÙY

⁴¹ Wíri yuúrí kinyo ke wù fiʼtì fo wùn shuù, e nèn kfə̀n a biimé aneénín, e shaà vé mbìyi,

Joon 4:41 Iomraidhean Croise

Kèʼlo 49:10

Kitoómé ké vifòn ki yòʼ wíy buú fo Juda. Kitoómé ké saʼ ki yòʼ wíy buú fo wun nsàn vibìy, e dù, e meé e ghan se ŋgaà kitoòmé wiyì, a dzə̀ wun wo vitúm vidzə̀m vi wíy a yunín.

Ŋwàʼ Luk 4:32

Á wáa yuurí, a ker gháʼ, bìʼ fo wù‑uù yéʼey kfə́, kiiy kinyo ke wù suuyì.

Joon 4:40

Áwune wìy, e yèn wun, a lon ji wù ku dzə̀ʼtì a wùn áwune shishàr. Wù biímé, e shìíy fo vishiíy vibaà.

Joon 4:42

a suúy e wiíy və̀y jii, «Vèr wày shilív e Jesus wùn lèn a dzə̀ bìʼ fo vèr yuun ne kinyo kfə́ e vituʼùr vér ví, bó yòʼ dzə̀ə́ bìʼ kinyo ke à kì fèrìn e vèr cáʼcáʼ. Vèr kìíy ne lèn kijuŋ ji wìr və̀n dzə̀ wo wù wíy lùŋèr kitú ke nsay kidzə̀m.»

Joon 6:63

Vèn wáa kiíy jii, kù yii fó Kiyoy ke Nyùy dzəʼə̀m yee là may e wìr, a bó yòʼ dzə̀ wìr wàa ker fo wùn vitaaví. A jí se m súŋnin e vèn sin si lo fo Kiyoy kee shooy ki, nén a dzə síwun se sí fó dzəʼə̀m yee là may.

Joon 7:46

Á bìnèr jii, «Bó wìr yòʼ‑oò yiì ne sùŋnín moo wír woo shooy.»

Lim Aŋgàa Ntum 1:8

Ke vèn wáa kiíy ki dzə̀ jii, Kiyoy ke Ranén kí wíy wìy fo vèn, é wù fó ven vitaáví, é vèn wáa fìʼtì mo m dzəə̀n. A vèn wíy a fìʼtì e Jerusalem, e kfə̀n a fìʼtì woŋ wìr veé Juda e dzə̀m, a fìʼtì sa e wòŋ *Samaria, e dù, e meé fo nsay jòʼsìn.»

Lim Aŋgàa Ntum 15:3

Mo kintatì ki tumen áwune, á nèn lò, a shaà dzə́ə fó wòŋ Fənisia wùn à woó Samariàa, a ghan aŋgàa biimé vee fó, a fìʼtì mo wír ve bó yòʼ dzəə̀n veé Judàa biimen ne sa kinyo ke Jesus. Wìr dzə̀m wáa yu, a sheʼrí feyì.

Lim Aŋgàa Ntum 8:12

Mo Filiv wìyìn, a fìʼtì sáʼka Nyùy wo juŋ woo kùm Jesus Kristu, a naàrì mo sáʼ Nyùyi dzəə̀n, wìri nèn a biimé, à vikìy, à vilum, á wáa way áwune é ndzəv.

Lim Aŋgàa Ntum 8:25

Áwune màysì, e fìʼtì kinyo ke Jesus, e naàrì mo wù dzəə̀n, e nèn lò, a kfən e Jerusalem. Á lòo kfən, a ghan e ntèʼ seé wòŋ Samaria símóʼ sí sinín, a fìʼtì sáʼka Nyùy wo juŋ fo.

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.