Joon 4:12 - ŊWÀʼ NYÙY

¹² À shaà tàr wor Jakov wo wù‑uù tuŋen rən yee ndzə́v, e lèm e vèr a? Bó wun woo tàr wor yòʼ‑oò ló a no ndzə́v rən, kfə́ə rə́ wùn à nyám sév sí kfə́n a no sa à?»

Joon 4:12 Iomraidhean Croise

Matio 12:42

A Yaà wo wù‑uù sáʼ woŋ Sheba kfə̀n wíy a roòmè sa wír vìn e kishiíy fóo fèy. Wù‑uù yù ji Solomon kér vifií ve ghaʼán ví, e lò fo ndzəywoŋ, a wìy ji wun yén e sí rəə́. Wùmòʼ woo wír wíy lèn, a və́ vee vifií ví shaá vé Solomon, la á yòʼ a yen.

Joon 4:13

Jesus bìnèr jii, «Kilòŋ kí kù dzəə́ wìy a yum wír wo wù nó mèn mee mendzə́v.

Joon 4:20

Atàr vérí‑iì rə́si bunrì Nyùy a dzə̀ é gwan fèn, yiì ka, bo ven vee wír veé Judàa wáa suúy kén ji kirə́ʼ ke dzə̀ á wàa bùnrì Nyùy sho ki kù mày Jerusalem?»

Joon 4:5

Wù lòo dù, e mèé e mvə̀mlaʼ yeé Samaria yìmòʼ, aá yoŋ ji Sikar, a yì dzə̀ é ghaa sum wo Jakov woo tàr à ràm yeé Isray‑iì foon e wan və woo Joosev.

Joon 4:6

Jesus wáa meé fo, a sì e ntìntìn shùy, a ndzə́v ye Jakov‑iì tuŋené dzə̀ fó, wù nèn dzə̀ʼə̀m e ghaŋ wo, bìʼ fo wù‑uù ghanen ne, e dòr.

Joon 8:53

À shaà tàr wor Abraham wo wù‑uù kpuun, e kfə̀n shaà sa aŋgàa ntum Nyùy ve á kù‑uù kpúkirì à? À kwaʼtì ji à dzə̀ la?»

Hibru 3:3

Yii bèy, a kinyo ke Jesus ki kùʼ feyì, e shaà ké Mooser, réŋréŋ mo kinyo ke ŋgaà lav ki yii kuʼ, shaa ké lav ye wù bàʼrìn.