Joon 4:10 - ŊWÀʼ NYÙY

¹⁰ Jesus bìnèr jii, «Aà bèn kì fómo wo Nyùy taʼ, e fo wò, e kfə̀n kìíy mo wìr wo wù lón mendzə́v fo wò və̀n dzəə̀n, bo kì yíi lon wò fo ŋgaàŋ, é wù fó wò mendzə́v me mè léŋ ghán sidzə̀m.»

Joon 4:10 Iomraidhean Croise

Nsùyrì Nyùy 10:17

Nyùy Tàr, à yù ne rú tóŋ wìr ve á bórkir e wò si. À kù yii távir melív mev, teer kituʼùr ké, yuúri tóŋ yév.

Nsùyrì Nyùy 46:4

Ndzə́ví dzə̀ ye yí yii, a kishéʼrì ki dzə́ e ŋkàlaʼ ye dzəə̀n ye Nyùy. Ŋkàlaʼ ye ranén ye dzəə̀n kirə́ʼ ké dzə ke wun woo Taà Vitu.

Ŋwàʼ Fəə 17:6

M yíi a tiy e wò mbìy e kilan ke kí dzəə̀n é Gwan Horev. À mee fo, à dzə̀v kilán kee shooy e mbàŋ, é mendzə́v mè fəə́ fó fo, é wíri wáa no.» Mooser dù, e yiì bèy, a vilìmbìy ve wìr veé Isray vi yéné.

Yòv Viŋgér 4:15

À dzə̀ dàn wo wù fəə́, léŋ e kiboo. Ntoò ndzə̀v ye yì fəər mendzə́v me rəə̀n mè. Rúrú, à rəsìn moo ndzə́v se sí léŋ, sə́y fo agwan veé Lebanon.

Aysaya 12:3

Wír veé Isray, vèn wíy a sheʼrí boyìr ye Nyùy bòyìrìn ven, a yu vijuŋ feyì moo wír wo kilòŋ kí lòo yum, wù koóy mendzə́v.

Aysaya 35:6

Aŋkivkìri wíy a liynín moo njà, é vindzə̀mer vi wáa yòv e kishéʼrì ki. Rúrú, Nyùy wíy yiì, é nsay shaʼam é woʼ, é mendzə́v mè wáa mee fo fo, é ndzə́v sí wáa leŋ leŋén é nsay ye yumér.

Aysaya 42:6

«Dzə̀ mo Nyùy Tàr, a m lì ne wò ji à tuúy sáʼ yee réŋé. M yíi fo wò vitaáví, a leéy fo wò. M yíi lèm wò ji kilaa ke *mensàŋ me vèr à wíri, áà wáa dzə kikaʼày ke kí kaʼày vitúm.

Aysaya 43:20

Nyám se kwaʼ si wíy a sheʼrí ndzə́v ye m wíy yiì, é yí wáa leŋ e kirə̀ʼ ké woʼ e gháʼán. Akoosàʼ, e lì amàshìnə̀n vee moo *ostrish, aá wáa ghvəm mo, a ghvəm, bìʼ ndzə́v ye m wíy fo ji wír vém ntayi fiʼ kòóy mendzə́v mé a no.

Aysaya 44:3

Kí dzə̀ jii, m wíy səə̀vì nsay ye yì yúm ji káv, e fəə́r ndzə́v, é yí wáa leŋ e nsay ye yì yumen ne, e mày. M wíy səə̀vì rám yén, e fo Kiyoy kém aáwune, é kiŋgoòy kén kí wáa yu vijuŋ ve kisəə̀vì kém.

Aysaya 49:10

Jìŋ yòʼ dzəə́ wìy a yar áwune, a bó kilòŋ kí yòʼ dzəə́ wìy a yum áwune. Shwér wo lumèné yòʼ dzəə́ wìy a feè áwune, a bó shùy yòʼ dzəə́ wìy a tòn áwune. Kí dzə̀ jii, mo woo Nyùy Tàr wo m shám áwune, m wíy a dànèr áwune é dzəə ye juŋ, a dù sho fo ntòŋ sé ndzəv se dzə̀ á wàa no si dzə̀kìn.

Aysaya 9:6

Kí dzə̀ jii, vèsən kòóy ne wán. Á fò ne vèsən wán lumèn. Wù wíy a saʼ vifon. Á wíy a yòŋ wun jii, Ŋgaà Ntir wo ghaʼán, Nyùy wo kuʼùn, Tàr wo wù gòʼòn kàŋ mòʼón, Wan Fòn woo Ŋgaà Nyaáŋ.

Jeremia 2:13

Wír vémé jày ne vinyo e mò vibaà. Áwune bìn ne ndzə̀m e mò, mo woo ntòŋ ndzə̀v ye yì fó dzəʼə̀m. Áwune fèr ne a dzə̀ vév vee visə̀m, e lì ndzə́v, e wày shó, visə̀m, a ví káʼkír ne.»

Esiker 16:35

Àbaày Jerusalem, vifǔmbèʼ, yuúrí kinyo ke Nyùy Tàr yoŋ ki.

Sekariya 13:1

«Ghán sin si wíy gheén, é ntòŋ ndzə̀v yìmòʼ mvəʼəm, a fəə ji ye wìr vee rám Davir wùn à wír ve á dzə́ e Jerusaleme, aá wáa sù njò yev fó, a ran fo áwuné vinyò ve bi ví, à fo áwuné joònè e dzə̀m.»

Sekariya 14:8

Wíy lòo dzə e kishiíy fóo fèy, é ntòŋ ndzə̀v ye yì fəə́ ghán sidzə̀m wáa leŋ fo Jerusalem. Nshwàn wúmóʼó wíy a leŋ, a dù e Ndzə́v Shiŋgwaŋe, e mbìv yee fo shùy yii tó, é wúmóʼó wáa leŋ, a dù e Rìbà Ndzə̀v woo Mediteranean, e mbìv yee fo shùy yii nəə. Yí kù wíy a leŋ bèy e bìŋ, a leŋ e lùm.

Ŋwàʼ Luk 11:13

Mo vèn dzəə̀n wír ve á kù yii vinyo ve bi ví, kù yòʼ kiiy mo dzə̀ á fò vifá ve juŋ vi e wón véné, bo dzə̀ Tàr won wo wù dzəə̀n é yuv fò sá Kiyoy ke Ranén kí e wír ve á lón fo wune.»

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Joon 3:16

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Joon 6:35

Jesus nèn a suúy aáwune jii, «Dzə̀ mo wo dzəə̀n vifá ve yi ve ví fó dzəʼə̀m yee là may. Wír wo wù wiy, yén mo yòʼ dzəə́ wìy a yu jíŋ. A bó kilòŋ kí yòʼ dzəə́ wìy a yum wír wo wù wayin shilív e mǒ wùn.

Joon 6:51

Dzə̀ mo vifá ve yi ve ví loòn fó yuv, ve ví fó dzəʼə̀m yee là may. A wìr yì vifá ve yi vìn, bo ŋgaàŋ shaarì. A vifá ve yi vìn vi dzə̀ wún wóm, wo m fó ji wír veé ndzə adzə̀me fíʼ wìy lùŋ fo fo.»

Lim Aŋgàa Ntum 9:11

Jesus suúy shó jii, «Ku lò, a dù e dzəə ye á yoŋ ji Tìítiy. À mee e Judar lav, à dzə̀r wír woó Tasor wo á yoŋ ji Saul. Wù dzə́ fo, bunrì,

Ŋwàʼ woó Rom 8:32

Wun woo Nyùy kù wíy màysì, a yiì vinyo vìn e vèsən. Mo wù‑uù foon Wán və, wù kpú fo vèsən, e làa yòʼ a bavtí, bo vèsən kì ji wù yòʼ wíy kìm kifá kímóʼ kí fo vèsən gheéy.

1 Korin 1:30

Dzə̀ wun woo Nyùy wo wù liìn ven, e tàtí vèn à Jesus Kristu, wù wáa fo vèsən vifií ve ru ví, Nyùy kfən lì vèsən ji wír vee là jay, e fə̀ə́r vèsən fó lǒn vinyò ve bi ví, a yòŋ ji və́ vee wír.

1 Korin 10:4

a no sa mendzə́v me mè‑eè lo fo Nyùy. A wù‑uù yii, a mè fəə́ a dzə̀ fó kilan. A kilán kee shooy ki dzə̀ Kristu wo wù‑uù ghán wùn áwune.

2 Korin 9:15

Vèsən ku nèn a beèrì Nyùy fo mbùʼmé wo wù bùʼùn vèsən shó là mfìʼ.

Efesor 2:8

Vèn ku nèn a kiíy ji Nyùy lùŋèr ne ven, ve vèn wayin shilív e Kristu wùn, a dzə̀ bìʼ fo wù shamen ven shámén. Bó yòʼ yiì ven gheéy. Wù bùʼ ven búʼun.

Hibru 6:4

A dzə̀ á kù nàʼ bèy, bìʼ fo a wìr‑iì yèn ne rán, e bóo kfə̀n lò, a nyeŋ, bo bó dzəə̀ yòʼ kfə̀n dzə̀ ye dzə̀ á naàrì wun sho, wù bìnèr shilív sə́, e kfə̀n fo Nyùy. A m yoŋ wír vìn, a dzə̀ ve vé‑eè sí yú vijuŋ ve Nyùy fó e wír ve dzəə̀n vəə́, a Kiyoy ke Ranén kí lumèr melív mev.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Ŋgaà Yen 21:6

Wù kfən sùúy e mò jii, «Nsìysì wom ghèén ne lán e dzə̀m. Dzə̀ mo *Alfa wùn *Omega, a dzə̀ jii, Keʼ wùn à Kinjòʼsì kí. M wíy a fo mendzə́v me dzəə̀n dzəʼə̀m yee là may e wìr wo kilòŋ kí yúm e dzə̀m, a mè fəə́ fo mǒ dàn ghán sidzə̀m, aá nó kisáŋ,

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

Ŋgaà Yen 7:17

bìʼ fo Wàn Njiì wo wù dzə́ e shùu kàvàʼ wíy a shìy áwune, a dànèr áwune moo njiì, a dù sho fo adàn ve á fəər mendzə́v me mè fó dzəʼə̀m yee là mayi dzəə̀n. A Nyùy wíy sòr mensíy medzə̀m fo wír vìné si.»