Joon 4:1 - ŊWÀʼ NYÙY

¹ Wír veé mbìv *Farasii nèn yù sá ji Jesus sí kooy aŋgaà və́ ŋgoo, wáy e ndzəv, aá kuʼ shaa a vé Joon.

Joon 4:1 Iomraidhean Croise

Ŋwàʼ Luk 1:76

Wàn, á wíy a yòŋ wò ji *ŋgaà ntum Nyùy woo Taà Vitu, bìʼ fo à wíy shem e Nyùy Tǎr mbìy, e naŋsín dzə́ə rə.

Ŋwàʼ Luk 19:31

A wìr dù, a dzər ji vèn sà bvətì, e yiì ka shó a, vèn bìnèr jii, ‹Tàr won kér a shií shó.› »

Ŋwàʼ Luk 19:34

Á bìnèr jii, «Tàr wor kér shií shó.»

Ŋwàʼ Luk 2:11

Á dzə̀ə́ ne wán e Fòn Davir ntèʼ é kishiíy ké lán ki, a wù wíy lùŋèr ven, bìʼ fo dzəə̀n *Mfə̀ə́r wo Nyùy‑iì kàʼàn, a dzə̀ wun Taà Ndzə.

Ŋwàʼ Luk 7:13

Taàtá Jesus yén wiíy və̀y, mendzən mè rə́r wun, wù suúy shó jii, «Lá à dzəə dìy.»

Ŋwàʼ Luk 7:19

Wù jàŋ ámóʼó abaà, e tùm fo Taàtá Jesus ji á du, e dzə̀r shó a jii, sà sì wun woo *Mfə̀ə́r wo wù‑uù wíy wìy mo áwune wáa shìy wír wo sən á?

Joon 3:22

Kee shooy ki shaà, Jesus wùn à wón və́ lìme dù e mbìv yìmòʼ é wòŋ woo Juda foo fèy. Wùn áwune wáa dzə fo, wù wáa way wíri é ndzəv.

Joon 3:26

Wón lìm Jooné nèn lò, e dù, e yèn wun, e yòŋ jii, «Ŋgaà Yèʼey, kuúmé wír wo vèn wun‑eè dzəə̀n é ndzə̀n ndzə̀v yee Jordan, aà din e wíri və̀y. Və̀sə lèn mo wù sí wáy sa wíri é ndzəv, a wìr dzə̀m sí du a dzə̀ fó.»

Lim Aŋgàa Ntum 10:36

Vèn kù‑uù lo yù sá ntum ye Nyùy‑iì tsənsin fo wír veé Israyi ye yì dzəə̀n ji Jesus Kristu‑uù wìy ji wíri fiʼ kòóy nyaáŋ wùn à Nyùy. A Jesus Kristu və̀n dzə̀ Tàr à wíri adzə̀m.

1 Korin 1:17

Vèn wáa kiíy ji bó Jesus Kristu yòʼ‑oò lo tùm mo ji m wáa ghan, a wayrí wíri é ndzəv. Wù‑uù tùm cáʼ ji m wáa fìʼtì sáʼka Nyùy wo juŋ e wíri. A bó m yòʼ fiʼtì, nyomèr nyòmèrìn ji wù fíʼ a bòŋ a wír, fo kí wáa dzə ji m semèr vitaáví vé kpu ye Jesus Kristu‑uù kpuun é kintam, səŋrì wíri a dzə̀ e vifií ví.

1 Korin 15:47

Adam woo wir mbìy‑iì lò kfə́ fó nsay fèn, a Nyùy‑iì bòm a dzə̀ e kibvər ki. Kristu wo wù wìyìn fó bàm nèn lò kfə́ a dzə̀ fó wòŋ woó yuv.

1 Korin 2:8

A bó wír ve á sáʼ ndzə yee lèn rə̀ne yòʼ‑oò lo kìíy sa kinyo kee shooy. A vé‑eè bóo kiíy, bo bó á yòʼ‑oò lo kùm Taàtá Jesus e kici, a tíy wun vitú ve saʼ e dzə̀m.

2 Korin 4:5

Vèr kù fiʼtì kér jii, á wáa ghvəm a Jesus Kristu ji Taà Vitu, a bó yòʼ dzə̀ vèr wàa suúy a dzə̀ vitú vér. Vèr li vitú vér cáʼ ji aŋgàa lìm vén bìʼ wun woo Jesus.

Jeem 2:1

Afə̀r vem, mo vèn wayin shilív e Taàtá wòsən Jesus Kristu wùn wo dzəə̀n kfə́ ji Nyùy, vèn wáa yen fó a nyàʼ wír wùmòʼ.

Ŋgaà Yen 19:16

Wù wáa wìy bèy, m yén, aá sáŋ yír yímóʼó e wùn kikum, e kfə̀n sàŋ é kibìy, a yí dzə̀ jii, «Fon‑afòn, Tàr‑fo‑atàrí.»