Joon 3:8 - ŊWÀʼ NYÙY

⁸ Yén ké shwer ki. Wú yii du a dzə̀ fo wú koŋè. Wìr lo, wù kù yù a dzə̀ mo wú shaa, a bó wù yòʼ kì fo wú loòn, a bó yòʼ dzə̀ wù kìíy fo wú du, e jòʼsì. Dzə̀ sá réŋréŋ mo Kiyoy ke Nyùy ki yii gháné, e bó a dzəə́ wír ji wír wo fíy.»

Joon 3:8 Iomraidhean Croise

Nsùyrì Nyùy 107:25

Wù‑uù sùŋnín, kinsəm ki wíy, a yiì, ndzə́ví wáa tsəynín,

Nsùyrì Nyùy 107:29

Wù‑uù yiì, kinsəm ki tiím, tsə́ynín ye rìbà ndzə̀v‑iì tsə́yninèe kpúrín.

Nsùyrì Nyùy 135:7

Dzə̀ wun wo wù lo, wù yiì, wuú wàa koʼkír, a wìy fo buu se ndzə, a kù yii wun, é bo kishèv ki wáa ŋwàŋ e ghan sé wuu. Kù fəər wun shwér fo wun kitàv.

Ŋgaà Tàrvìnyò 1:6

Shwéri shaa, du e mbìv yee tsə́n, wú kàrìr, e kfə̀n é mbìv yee kuy. Wú lo, wú nèn kù a kar bèy, kárí, wú kfə̀n é bàm fo wú kì kèʼèn.

Esiker 37:9

Wù nèn sùŋnín e mò, e sùúy jii, «Wàn wìr msòŋ, súŋnín e shwéri. Á suŋnín, a suúy kinyo ke Nyùy Tàr woo Taà Ndzə suuy ki. Wù suuy jii, ‹Shwer, wìyi, wìy buú se ndzə sidzə̀m, e yòy aàŋkfə vìné wùn, aá fiʼ kfə̀n a dzə atin, wír, a yiì teè rə́r.› »

Joon 1:13

A bó á yòʼ dzə̀ wón Nyùy ji vé‑eè dzə̀ə́ áwune bey mo wíri yii lóo dzə, á dzə̀ə́ wán. A bó yòʼ dzə̀ sá ji yì‑iì sìysì wír. Á dzə̀, bìʼ fo wúnwun woo Nyùy siìn Tàr wov.

Joon 3:7

Lá à yòʼ a ker gháʼ ji m suuy ji á kér fó kfə̀n dzəə́ wír ji wír wo fíy.

Joon 3:9

Nikudemon nèn kfə̀n ghày jii, «A dzə̀ kee shoon ki ghàn é le, e bóo koóy?»

Lim Aŋgàa Ntum 2:2

Áwune sàsìn, e yù, a kifá ki yór fó yuv moo kinsəm. Kí wìy, e nə̀ə́, e rùn é lav ye áwune‑eè dzəə̀n shó.

Lim Aŋgàa Ntum 4:31

Áwune lòo màysì bunrì, nsay sə̀ʼ fo áwune kì dzəə̀n. Kiyoy ke Ranén kí rún aáwuné meliv, e yiì, á wáa fìʼtì kinyo ke Nyùy là fan.

1 Korin 12:11

Á wáa yiì vinyo vìn e dzəə sí dzəə sí ben, a kù yuŋrì wun woo Kiyoy ke Nyùy wùn mòʼón, bo á wáa yiì. Wù jav ambùʼmé vìn e wìr mòʼón mòʼón, a kù dzə̀ mo kiìn wun.

1 Korin 2:11

Dzə̀ rú, bìʼ fo bó yòʼ dzə̀ wìr kìíy kinyo ke wùmòʼ kwaʼtì fo wùn shiliv, kù kì shilív shé ŋgaàŋ. Kù dzə̀ sá mo bó yòʼ dzə̀ wìr kìíy kinyo ke Nyùy kwaʼtì, e shaà Kiyoy ke wun woo Nyùy.

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.